Սթափվե՛ք, աշխարհի ամենաագրեսոր պետության հետ գործ ունենք. Նիկողոսյան

Ադրբեջանական ռազմական գերատեսչությունը Հայաստանին սպառնում է միջազգային միջուկային հանցագործությամբ: Ադրբեջանի պաշտպանության նախարարության մամուլի ծառայության ղեկավար Վագիֆ Դարգյախլին հայտարարել է Մեծամորի ատոմային էլեկտրակայանի հրթիռակոծության հավանականության մասին: Անդրադառնալով ատոմակայանը հրթիռակոծելու ադրբեջանական նկրտումներին` մի շարք փորձագետներ եւ նաեւ ՀՀ ԱԳՆ-ն նշում են, թե Ադրբեջանը սրանով փաստում է, որ հուսահատության մեջ է, մինչդեռ «Միր» միջազգային հումանիտար հիմնադրամի ղեկավար, ռուսաստանաբնակ գործիչ ԱՆԴՐԱՆԻԿ ՆԻԿՈՂՈՍՅԱՆԸ բոլորովին այլ կարծիք ունի:

- Ես այդպես չեմ մտածում, որովհետեւ, ամեն դեպքում, մեր առջեւ լուրջ եւ պոտենցիալ դարավոր թշնամի է կանգնած եւ հիմա հստակ իր մտահղացումների մասին հայտարարում է: Նախկինում էլ ռազմատենչ հռետորաբանությամբ ասում էր, որ նախահարձակ է լինելու, իսկ վերջին օրերի իրադարձությունները ցույց տվեցին, որ այդ հայտարարություններն օր օրի կյանքի են կոչվում: Այնպես որ, չէի ասի, թե Ադրբեջանը անճարությունից է այդպիսի հայտարարություններ անում: Ինձ համար սա մտահոգիչ է: Կարծում եմ` Ադրբեջանի նմանատիպ հայտարարությունները պատահական չեն, եւ պատկան մարմինները դրանից պետք է հետեւություններ անեն: Պարտադիր չէ Բաքվից մինչեւ Մեծամոր հրթիռ թռնի, տեսե՞լ եք Երեւանի կենտրոնում ինչ է կատարվում, թե քանի հոգի հայ կա զբոսնող եւ քանի օտարազգի ներկայացուցիչ, ովքեր, Աստված գիտի, որտեղից են եկել, ինչի համար եւ ինչ կարող են անել: Սրանից է պետք վախենալ, մանավանդ, որ այս պահին հակառակորդն ամբողջությամբ վիրավորված է եւ նախապատրաստվում է նոր հարձակումների:: Էլ չեմ ասում, որ մի հատ էլ ՆԱՏՕ-ի անդամ Թուրքիայի պես երկիրն է ռազմատենչ հայտարարություններ անում, որ կանգնած է Ադրբեջանի կողքին: Սթափվե՛ք, աշխարհի ամենաագրեսոր պետության հետ գործ ունենք, որը մի քանի ամիս առաջ ամբողջ աշխարհի կարծիքը հաշվի չառնելով` մտավ Սիրիա, արհամարհելով բոլոր կոչերը Սուրբ Սոֆիայի եկեղեցին վերածեց մզկիթի: Սա այն նույն պետությունն է, որը 100 տարի առաջ կոտորեց միլիոնուկես հայ ժողովրդի: Ու այսքանից հետո դեռ ասում են լուրջ չէ՞, իրենք պատրաստված չե՞ն, այլ խուճապի՞ են մատնված: Չգիտեմ էլ ինչ ասել` ինչպե՞ս կարելի է այսպես հանգստացնել ժողովրդին, թե Ադրբեջանը հուսահատության մեջ է: Մենք շատ մտածելու ու անելու գործ ունենք: Այլեւս հայտնվել ենք լրիվ նոր հարթության մեջ, նոր մարտահրավերների առաջ, ուստի` նոր պայքարի ձեւեր է պետք փնտրել տարբեր ճակատներում:

ՀՐԱՆՏ ՍԱՐԱՖՅԱՆ

Այս թեմայով Հանդիպելո՞ւ են ՀՀ-ի և Թուրքիայի ներկայացուցիչները․ ԱԳՆ-ն պարզաբանում է Պաշտպանության նախարար Սուրեն Պապիկյանի գլխավորությամբ տեղի է ունեցել պաշտպանության նախարարին կից կոլեգիայի նիստ Հետախույզ ներկայացող Վարդանովը ավագ լեյտենանտի կոչում է ունեցել, Վազգեն Սարգսյանը կոչումազրկել տուն է ուղարկել. Քոչարյան Երևան, «Պոպլավոկ» հեռավոր 1977 թվական․ շատերի հանդիպման սիրված վայրը Երևանյան ամառ, հին ժամանակներ․ երբ հոլիդեյ տաբատներն էին նորաձև