Իշխանության պետք է գան իսկական հայ տղամարդիկ.Լիա Ավետիսյան

Երկրում ստեղծված քաղաքական գործընթացների մասին զրուցեցինք գրող, հրապարակախոս ԼԻԱ ԱՎԵՏԻՍՅԱՆԻ հետ:

– Տիկին Ավետիսյան, ակնառու է, որ իշխանությունների հերթական «զոհը» ԲՀԿ առաջնորդ Գագիկ Ծառուկյանն է: Օրեր առաջ բավականին մեծ բողոքի ակցիա տեղի ունեցավ, որին հաջորդեց կարմիր բերետավորների ոչ այնքան բարեխիղճ մոտեցումը: Ոստիկանները ասֆալտին փռեցին որոշ ԲՀԿ-ական պատգամավոր կանանց: Որպես մտավորական ի՞նչ գնահատական կտաք այս ամենին:

– Ես զարմանում եմ զարմացողների վրա: Նիկոլ Փաշինյանն իր քաղաքականության անունը դրեց թավիշ, սակայն բռնի ուժով եկավ իշխանության` կոտրելով Ռադիոտան դուռը, ահաբեկելով բուհերի ռեկտորներին: Մենք ի՞նչ էինք սպասում այդքանից հետո: Սրանք անազգ, անհայրենիք մարդիկ են, եւ իրենցից ամեն բան կարելի է սպասել: Ներկայիս իշխանություններին սատարում է այն ուժը, որին պետք են արցախյան հողեր, այքան մի բան: Ինչ վերաբերում է կին քաղաքական գործիչների նկատմամբ բռնություն գործադրելուն, ապա ասեմ, որ ես շատ կարեկցում եմ Նաիրա Զոհրաբյանին, սակայն նա էլ մի օր մի բան է ասել, մեկ այլ օր` մեկ այլ բան, եւ չուներ կայուն քաղաքական դիրք` ի տարբերություն պատգամավոր Գեւորգ Պետրոսյանի:

– Ձեր հարցազրույցներից մեկում նշել եք, որ Գագիկ Ծառուկյանին չեք տեսնում որպես երկրի առաջնորդ, քանի որ նրա թիմը եւս չունի հստակ գաղափարախոսություն: Կասե՞ք ով է ձեր նախընտրելի նոր թեկնածուն:

– Հայատանը երբեք չպետք է նոր լինի: Հայաստանը շատ հին է` ջահել աղջիկ ձեւանալու համար: Հայաստանը շատ հին եւ իմաստուն պետություն է եւ ունի հսկայական փորձ: Հայաստանը երբ նեղն է ընկել, երկրի գլխին կանգնել է հայ զինվորը: Պատմությունը հիշելով` մենք կտեսնենք, թե ինչպես պաշտպանեցինք Սյունիքը` շնորհիվ Նժդեհի: Սա հողի պաշտպանության հարց է:

– Տիկին Ավետիսյան, տեսանելի է, որ հիասթափության մեծ ալիք է բարձրանում: Ի՞նչ եք կարծում` գործող ուժը ե՞րբ հրաժեշտ կտա իշխանությանը:

– Իսկ ո՞վ էր ասում, որ գործող ուժին հավատան մարդիկ, որ հիմա էլ հիասթափվեն: Ինչի՞ վրա էին հիացել: Մի հատկանիշ ասեք, որով կարելի էր հիանալ: Չկա նման հատկանիշ:

Հայկ Գևորգյան 

Այս թեմայով Այս խրամատում պետք է մնան նրանք, ովքեր հավատում են. Բագրատ Սրբազան Կա մարդկանց տեսակ, ում հետ շփումը պետք է անհապաղ դադարեցնել Հայաստանը Ֆրանսիայից գնել է 36 միավոր CAESAR համակարգ, որոնք պետք է մատակարարվեն առաջիկա 15 ամսվա ընթացքում. Le Figaro-ի փոխտնօրեն «Փաստ». «Օդից կախված» իշխանության հակակովային փշալարերը, այցային շոուն ու... հնարավոր հանրաքվեն Ինչո՞ւ են տղամարդիկ քնում սեքսից անմիջապես հետո