Փաշինյանը վրեժ է լուծում հայ ժողովրդից եւ հայկական պետականությունից. Գագիկ Մինասյան

ՀՀԿ ԳՄ անդամ ԳԱԳԻԿ ՄԻՆԱՍՅԱՆԸ, անդրադառնալով Հանրապետական կուսակցության փոխնախագահ Արմեն Աշոտյանի` անընդհատ երկարացվող կալանքին, ներկայացրեց իր տեսլականը ստեղծված իրավիճակի վերաբերյալ:

— Խնդրի իրավական կողմին կդժվարանամ անդրադառնալ` ոչ միայն այն պատճառով, որ ես իրավաբանությունից բավականին հեռու եմ, այլ` որ ակնհայտորեն սա քաղաքական գործ է` իր մեղադրանքով, ընթացքով: Եվ կարծում եմ` վերջն էլ պետք է քաղաքական լինի: Քանի դեռ այս թուրք-ադրբեջանական գործակալներն իշխանության են, Աշոտյանը եւ նրա նման մարդիկ միշտ պետք է լինեն անազատության մեջ: Այս իշխանությունը եկել է իր հակահայ պրոբլեմները լուծելու համար, եւ այս տեսակետից չեմ կարծում, որ այստեղ դատական ինչ-որ պրոցեսներ բացահայտվելու պարագայում հնարավոր է ազատազրկումը փոխել տնային կալանքի եւ այլն:

— Այդուհանդերձ, ինչո՞ւ հենց Արմեն Աշոտյանը: Սա Նիկոլ Փաշինյանի անձնակա՞ն վրեժխնդրությունն է:

— Չեմ կարծում, որ ինքը վրեժ է լուծում միայն Արմեն Աշոտյանից: Ուղղակի, նա թիրախավորված է, որովհետեւ շատ ակտիվ է, իր խոսքը հատու է, եւ իր գործողությունները շատ տեսանելի են: Ձեր նշած անձը վրեժ է լուծում հայ ժողովրդից եւ հայկական պետականությունից, եւ դրա դրսեւորումները բազում են:

ՀՐԱՆՏ ՍԱՐԱՖՅԱՆ

Այս թեմայով Ինչքա՞ն կարելի է մեր ազգին բզել, վերջը այդ պայթյունը լինելու է, վստահ եմ. Դավիթ Մկրտչյան Վախենամ մեծ ժողովրդական պայթյուն լինի եւ երկիրը վերածվի քաոսի. Շարմազանովը փակագծեր է բացում Նիկոլ Փաշինյանի իշխանությունը հոգեվարքի մեջ է, իրավիճակին չեն տիրապետում. Շարմազանով (ԱՆՈՆՍ) Ոնց արա՛, եղեռնը դարձավ անհիմն հիշողությո՞ւն. Գեւորգ Պետրոսյան Ես պահանջատեր եմ, գործարքի մեջ չեմ մտնելու ու չեմ լռելու. Սարգիս Արզումանյան