Լավ, հասկացանք, բայց նայեք` ով է այդ բռնության կոչ անողը. Նազարյան

Իշխանությունը շարունակում է աջ ու ձախ կալանավորել ընդդիմադիր հանրային գործիչներին` նրանց վերագրելով, թե ինչ-որ ժամանակ իրենց խոսքում «բռնության կոչեր» են հնչեցրել: Անդրադառնալով վերոնշյալին` ԱԺ «Հայաստան» խմբակցության պատգամավոր ԳԵՂԱՄ ՆԱԶԱՐՅԱՆԸ շեշտում է` այստեղ կա ուղղակի կեղծ պնդում:

— Իրենց փաստարկն այն է, թե մարդը բռնության եւ հեղաշրջման կոչ է անում, ես էլ ասում եմ` լավ, հասկացանք, բայց նայեք` ով է այդ բռնության կոչ անողը: Տաթեւիկ Վիրաբյա՞նը (44-օրյա պատերազմում զոհված Գեւորգ Վիրաբյանի քույրը, որը երկու անչափահաս երեխաների մայր է): Հիշո՞ւմ եք` ինչ իրավիճակ էր, մի ամբողջ Արցախ էինք կորցնում, մի ամբողջ Արցախ էր փլուզվում, այդ պահին իրականում, եթե մենք մի քիչ ավելի առողջ հասարակություն լինեինք, մեկ միլիոն այդպիսի գրառում կլիներ, մարդու սիրտը չպայթելու համար` ինչ ասես այդ պահին կարող էր ասել, կարող էր գրել: Իշխանությունը պետք է հաշվի առնի, թե ինչ իրավիճակ էր, ինչ հուզական փուլ էր եւ ըստ այդմ որոշում կայացնի: Նույնը վերաբերում է Ավետիք Իշխանյանին: Իրավապաշտպանի դեմ քրեական գործ են հարուցում, որովհետեւ նա բռնության կոչ է արել: Եթե ահաբեկչական ինչ-որ խմբակ դիմակ հագած կոչ անի, թե սա ենք անելու, նա ենք անելու, ուրիշ հարց է, բայց երբ մանկավարժը, երկու երեխաների մայրը հուզված ինչ-որ բան է գրում, այլ դեպք է: ԱԱԾ-ն, պետությունը պետք է հասկանա, որ Տաթեւիկ Վիրաբյանը, որքան էլ ցանկություն ունենա, ինքը բռնություններ չի կարող ո՛չ կազմակերպել, ո՛չ էլ իրականացնել:

Այս թեմայով Պատահակա՞ն է, որ ՆԱՏՕ-ի հետախուզական կառույցների ներկայացուցիչները Հայաստանում են. Հայկ Նահապետյան Ոնց արա՛, եղեռնը դարձավ անհիմն հիշողությո՞ւն. Գեւորգ Պետրոսյան Համահայկական սգո օրը Երեւանում տեղի ունեցան երկու «աննախադեպ», «հոգեցնցող» երեւույթ. Ալլա Հակոբյան Էս մարդը ներքին ցեղասպանություն է իրականացնում. Գեւորգ Պետրոսյան Երեւանի սիրտը պետք է լցվի ժողովրդով, ամեն գնով սրանց պետք է հեռացնենք. Մարգարիտ Եսայան