10 բալանոց սանդղակով կգնահատեմ մեկ Հայկ Մարությանի աշխատանքը. Անի Խաչատրյան

Այսօր Iravunk.com-ը տեղի ունեցած ասուլիսին մի քանի հարցեր ուղղեց ՝ Երևանի «Լույս» խմբակցության ավագանու անդամ Անի Խաչատրյանի ն:

- Տիկին Խաչատրյան, ասում են, որ այս տարի ամանաորյա ծախսերի համար նախատեսված գումարը կազմում է 235.000.000 ՀՀ դրամ, ի՞նչ կասեք այս մասին թվերը համեմատելով նաև նախորդ տարիների հետ։

- Անկեղծ ասած թվերին այս պահին չեմ տիրապետում։ Ես որոշ բաներ արդարացնում եմ, որովհետև ես ի տարբերություն մեր խմբակցության այլ անդամների, կողմ էի նաև նոր տոնածառին,որովհետև Տարոն Մարգարյանի կյանքը երկար ժամանակ ուտում էինք ,ասելով, որ Երևանին նոր տոնածառ է պետք։ Գիտեմ նաև,որ ամանորյա ծրագիրը շատ գեղեցիկ է լինելու, իսկ հրապարակը վերածվելու է հեքիաթային քաղաքի։

- Երևանի Կենտրոն համայնքի թաղապետ Վիկտոր Մնացականյանն օրեր առաջ աշխատանքից ազատվելու դիմում ներկայացրեց, ինչո՞վ է այս ամենը պայմանավորված։

- Անկեղծ ասած պարոն Մնացականյանի հեռանալու մասին իմացանք, երբ Վրաստանում էինք։ Մենք էլ մինչ օրս չգիտենք պատճառը։ Տարածված լուրերի համաձայն ՝ պարոն Մնացականյանը պատրասվում է նոր աշխատանքի գնալ, իսկ թե ինչ աշխատանք ՝չգիտենք։

- Եթե բալային սանդղակով հնարավորություն ունենայիք գնահատել Երևանի քաղաքապետ Հայկ Մարությանի աշխատանքը 1-10 սանդղակով ի՞նչ կգնահատեիք։

- Կառանձնացնեի մշակութային մասը, մնացածը կգնահատեի 1։ Մշակութային մասը միակ մասն է քաղաքապետարանում, որ իմ աչքում արդարացված է։

- Ի՞նչ կասեք աղբահանության և տրանսպորտի մասին, որոնք դեռ շարունակում են մնալ կիզակետում։

- Տրանսպորտի վիճակը գնահատում եմ զրո, այս պահին մենք չունենք ոչինչ,ուշացնելով մեկ տարի։Աղբահանության հետ կապված. ես նոր մեքենաների առկայությանն իսկզբանե կողմ էի,բայց փաստացի չարդարացրեց իրեն, որովհետև մեքենաները շարքից դուրս են գալիս։ Ես կողմ էի հիմնարկ ստեղծելուն, շեշտում եմ ՝ հիմնարկ ստեղծելուն, բայց նաև ներգրավել երկրորդ օպերատոր, որի մասին քաղաքային իշխանությունը լռում է։

ՀԱՅԿ ԳԵՎՈՐԳՅԱՆ