ԳՆԱՅԻՆ ԱՌԱՋԱՐԿ ՆԵՐԿԱՅԱՑՆԵԼՈՒ ՀՐԱՎԵՐ

«Վեոլիա ջուր» ՓԲԸ-ն հրավիրում է համապատասխան եւ իրավասու կազմակերպություններին ներկայացնելու գնային առաջարկ` ներառյալ հարկերը, արտահագուստի եւ կոշիկների մատակարարման` մեկ կամ մի քանի ստորեւ բերված լոտերի համար`

Լոտ 1-Ամառային արտահագուստ եւ ամառային վերնաշապիկ` երկարաթեւ

Լոտ 2- Ազդանշանային ժիլետ` բարակ եւ արտացոլող

Լոտ 3- Ամառային կոշիկներ

Պահանջներ`

* Գնային առաջարկի հետ մեկտեղ պետք է ներկայացնել տեղեկատվություն նախկինում կատարած պայմանագրերի վերաբերյալ, ընկերության պետական գրանցման վկայականը, ապրանքների որակի կամ ծագման սերտիֆիկատը, ինչպես նաեւ առաջարկվող ապրանքի նմուշը(ները)` դրանց որակը գնահատելու համար:

* Առաջարկվող արտահագուստը եւ կոշիկները պետք է համապատասխանեն պատվիրատուի հրավերում նշված բոլոր տեխնիկական պահանջներին:

* Մատակարարումը «Վեոլիա ջուր» ՓԲԸ-ի Ավան-Առինջ թաղամասում գտնվող կենտրոնական պահեստ ոչ ուշ, քան պայմանագրի ստորագրումից հետո մեկ ամսվա ընթացքում: Ավելի ուշ ժամկետով առաջարկները կմերժվեն: Ընդունելի է այլընտրանքային տարբերակների ներկայացումը մեկ հայտի շրջանակում:

* Գնային առաջարկների գնահատումը կիրականացվի առանց ԱԱՀ-ի մասնաբաժնի:

* Ժամանակի սղության հետ կապված` յուրաքանչյուր լոտի համար պայմանագրեր կկնքվեն տարբեր մատակարարների հետ:

Սույն գնմանը մասնակցելու իրավունք չունեն անձինք.

1) որոնք հայտը ներկայացնելու օրվա դրությամբ դատական կարգով ճանաչվել են սնանկ,

2) որոնք հայտը ներկայացնելու օրվա դրությամբ ունեն ժամկետանց պարտքեր Հայաստանի Հանրապետության հարկային եւ պարտադիր սոցիալական ապահովության վճարների գծով,

3) որոնց գործադիր մարմնի ներկայացուցիչը հայտը ներկայացնելու օրվան նախորդող երեք տարիների ընթացքում դատապարտված է եղել տնտեսական գործունեության կամ պետական ծառայության դեմ ուղղված հանցագործության համար, բացառությամբ այն դեպքերի, երբ դատվածությունը օրենքով սահմանված կարգով հանված կամ մարված է:

Որպես պայմանագրի ստորագրման նախապայման, պայմանագիր շնորհված ընկերությունը պետք է ներկայացնի հարկային մարմնի կողմից վավերացված տեղեկանք հարկային եւ պարտադիր սոցիալական ապահովության վճարների գծով ժամկետանց պարտքերի բացակայության վերաբերյալ:

Հետաքրքրվող հայտատուները կարող են լրացուցիչ տեղեկատվություն ստանալ «Վեոլիա ջուր» ՓԲԸ-ից աշխատանքային օրերին ժամը` 09.00-13.00 եւ 14.00-18.00:

Գնային առաջարկները պետք է ներկայացվեն ստորագրված, կնքված եւ փակ ծրարով, կամ էլեկտրոնային եղանակով` ոչ ուշ, քան 2019 թ. փետրվարի 25-ը, ժամը 15:00-ն ստորեւ նշված հասցեում`

ՀՀ, ք. Երեւան, 0014, Ադոնց 6/1,

«Վեոլիա ջուր» ՓԲԸ, 9-րդ հարկ,

Գնումների վարչություն: Հեռ.` (374 11) 54-26-95,

էլ-փոստ` [email protected]: