Ռուսական ուժերը ուկրաինացիների համար շատ վտանգավոր խորը ճեղքում են իրականացրել Կոնստանտինովկայի ճակատում (Քարտեզ)

Պոկրովսկ քաղաքի սկսվող գրոհից զատ (https://iravunk.com/?p=311969&l=am), ռուսական բանակը մեծ ակտիվություն է պահպանում նաեւ Պոկրովսկի-Միրնոգրադ անգլոմերացիայի եւ Տորեցկի (Քարտեզում) միջակայքում ընկած ուկրաինական վերահսկողության տակ գտնվող ելուտի ուղղությամբ, թեեւ ելուստ ասվածն արդեն գրեթե դադարում է գոյություն ունենալ: 

Այսպես, ելուստի արեւմտյան թեւում ռուսական ուժերը խորը` մոտ 5 կիլոմետրանոց ճեղքումով դուրս են եկել Նովոլենովկա բնակավայրը` գործնականում ընթացքից գրավելով այն:

Լուրը հաստատում են նաեւ ուկրաինական աղբյուրները: «Ցավոք, ռուսները հաջողությամբ գրոհեցին Նովոոլենովկան և գրավեցին գյուղի մոտ կեսը, իսկ Ուկրաինայի զինված ուժերի զինվորները ամբողջությամբ լքեցին այն», - գրում են ուկրաինացի ռազմական վերլուծաբանները

Ավելին, այս ուղղությամբ ռուսները գրեթե դուրս են եկել Պոկրովսկ-Կոնստանտինովկա մայրուղի, եւ նման է, որ ամենամոտ ժամանակներս շատ լայն ճակատով այդ մայրուղին վերահսկողության տակ կվերցնեն:

Բուն ելուստի ստորին գոտում ռուսները գրոհում են ուկրաինական վերահսկողության վերջին երկու-երեք բնակավայրերը, իսկ արեւելյան թեւում` Ռոմանովկան` սպառնալով այս ուղղությամբ եղած ուկրաինական ուժերին ամբողջական շրջապատմամբ, որը շատ վելի ռեալ դարձավ Նովոլենովկային գրավումով:

Այսինքն, ելուստ ասվածը ամենամոտ ժամանակներս կդադարի գոյություն ունենալ: Հաշվի առնելլով, որ ռուսները Նովոլենովկայից հետո արդեն իսկ սկսել են հարջակումը զարգացնել Յանբլոնովյաից` Ալեքսանդրովո-Կալոնովո գծի ուղղությամբ` Կլեբան-Բիկի ջրամբարի արեւմտյան գոտի դուրս գալու համար: Հաշվի առնելով, որ Տորեցկի հյուսիսում ռուսական ուժերը գրեթե դուրս են եկել այդ ջրամբարի արեւելյան հատված:

Այս դեպքում, ինչպես քանիցս եզրակացրել ենք, ռուսական ուժերը մուտք կգործեն Կոնստանտինովկայի արեւմտյան թույլ պաշտպանված հատված` հնարավորություն ունենալով Հյուսիսային Դոնբասի ուկրաինական պաշտպանության խորը թիկունքը հարվածի տակ վերցնել: