Ինչ պայմաններով Մոսկվան կհամաձայնի 30-օրյա զինադադարին. Ուկրաինական աղբյուր

Ուկրաինական աղբյուրները շարունակում են գուշակել, թե 30 օրվա ժամանակավոր հրադադարին համաձայնվելու համար ինչ պայմաններ է ներկայացնելու Մոսկվան: Տեսյակ աղբյուրի գնահատմամբ.

«Մեր աղբյուրը հայտնում է, որ 30-օրյա հրադադարը, ամենայն հավանականությամբ, չի ընդունվի առանց երաշխիքների։
Տարբերակները, որոնց մասին մեր աղբյուրները ներկայումս բարձրաձայնում են, հետևյալն են.

1. Երեք կողմերը (Ուկրաինա - ԱՄՆ - ՌԴ) պետք է ինչ-որ նախնական համաձայնագիր կնքեն։

2. Պուտինը կհամաձայնի հրադադարին, իսկ Թրամփը կհանի որոշ պատժամիջոցներ։

3. Առաջնագծում բոլոր ռազմական գործողությունները դադարեցնելու հետ մեկտեղ պետք է դադարեցվի նաեւ ամրությունների կառուցումը նույն ժամկետով` 30 օրով։ Ամերիկյան կողմն է պատասխանատվություն ստանձնելու, որ Ուկրաինան այդ դրույթը չիչ խախտի: Ընդ որում, խախտումների դեպքում ռուսները հենց ամերիկյան կողմին են դրանք ներկայացնելու` հետեւանքներով հանդերձ:

4. Ռուսաստանի Դաշնությունը համաձայնում է 30-օրյա հրադադարին, սակայն պայմանով, որ այդ ժամկետից հետո Կիևը համաձայնի լիարժեք խաղաղության համաձայնագրեր՝ տարածքների պաշտոնական հրաժարումով։ խոսքն այն տարածքների մասին է, որոնք ՌԴ Սահմանագժդրությամբ ներառված են Ռուսաստանի կազմ:

5. Ուկրաինան վերսկսում է գազի տարանցումը:

6. Ամենակարևորն այն է, որ եթե Կիևը հրաժարվի երկարաձգել հրադադարը, ապա Ռուսաստանը կունենա ցանկացած զենք օգտագործելու իրավունք՝ «իր շահերը պաշտպանելու համար»։ ԱՄՆ-ն պարտավորվելու է, որ այդ դեպքում զերծ կմնա Ուկրաինային ցանկացած ռազմական օգնության տրամադրումից:

Միգուցե այլ դրույթներ եւս կսահմանվեն, սակայն սրանք հիմնականներն են: Մոսկվան իր այս մոտեցումները բացատրում է նրանով, որ ժամանակին հեղինակավոր միջնորդների ներգրավմամբ Ուկրաինայի հետ կնքել է Մինսկի պայմանագիրը: Բայց հետո Անգելա Մերկելը խոստովանեց, որ դա արվել է բացառապես ժամանակ շահելու եւ Ուկրաինային զինելու մասին: Ու Մոսկվան որեւէ դեպքում թուլ չի տա իրեն եւս մեկ անգամ այդպես խաբել: Այսինքն, 30-օրյա հրադադարի եռակողմ փաստաթուղթ ստորագրելով, Թրամփն իր անձնական հեղինակությունն է դնելու կշեռքի նժարին` Կիեւի կողմից խախտումների դեպքում համապատասխան վարքագիծ դրսեւորելով:

Կա նաեւ վարկած, որ Թրամփին եւ Պուտինին ներքաշելով 30-օրյա զինադադարի ուղղություն, գլոբալիստները հերթական ծուղակն են սարքել երկուսի համար: Այն ենթադֆրությամբ, որ Մոսկվան, որ ի սկզբանե դեմ է հանդես եկել ամեն մի ժամանակավոր հրադադարի, այս դեպքում դեմ կարտահայտվի, որը Փրամփին կստիպի մտնել Ուկրաինային զինելու հարթություն: Բայց նման է, որ նորից սխալ են հաշվարկել. Պուտինը դեմ հանդես չի գա, ընդամենը միանգամայն հստակ, իր նախնական հայտնի դիրքորոշումներից բխող պահանջներ կառաջադրի, որպես նման պայմանավորվածության երաշխիք: Ըստ ամենայնի, ԱՄՆ-ն դրանք արդար կհամարի, եւ նորից ամեն ինչ կկոտրվի Զելենսկու գլխին»: