Փորձում են ցեղասպանել սլավոնական ազգը... նույնը այսօր կիրառում են Արցախի հանդեպ. Ալլա Հակոբյան

«Մենք այսօր ջահերով բարձրացանք Ծիծեռնակաբերդ՝ հիշելով մեր ցեղասպանությունը... Սակայն, եթե մենք աշխարհին՝ ամենուր եւ անդադար, մե՛ր ցեղասպանության հետ միասին, հիշեցնեինք, Ամերիկայի հնդիկների՛ ցեղասպանությունը, որը կատարեցին նույն այդ Եվրոպայի նախնիները, ապա մենք աչքներս շնիկի պես չէինք տնկի ու սպասի, որ ահա, այսինչ, կամ այնինչ եվրոպական երկիրն էլ ճանաչեց Հայոց Ցեղասպանությունը...

Ամերիկայի հնդիկներին ցեղասպանած երկրներն այսօր բոլորը համախմբվել են եւ բառի բուն իմաստով, փորձում են ցեղասպանել սլավոնական ազգը... Այդ նույն ուժերի թողտվությամբ շրջափակվել է եւ Արցախը... Առայժմ շրջափակվել է... Ամերիկան լա՜վ փորձ ունի՝ հնդիկների ռեզերվացիա, հնդիկների ցեղասպանում... Նույնը այսօր կիրառում են Արցախի հանդեպ... Իսկ մենք միա՛յն թուրքի դրոշն ենք վառում, կարծես թե, թուրքը մեն-մենակ էր իր ոճրագործությունը իրականացնում հայերի՛, հույների՛ ասորիների՛ եւ եզդիների՛ հանդեպ... Ինչո՞ւ.... Բա դե, որովհետեւ Ամերիկան հզոր երկիր ա, խոմ իրա դեմ չենք խոսելու...

Հենց ա՛յս երեսպաշտությունը բերեց-հասցրեց մեզ այս օրի... Իմանալով, թե ովքեր են կանգնած թուրքի թիկունքում, դրանց դեմ ծպտուն չենք հանում... Եվ եթե շարունակենք այս դիվանագիտական փարիսեցիությունը մեր իրակա՛ն թշնամիների հետ, ապա դրանք սկզբից Արցախը՝ Ամերիկայի հնդիկների պես, կվերածեն ռեզերվացիայի, իսկ հետո կբնաջնջեն այնտեղ ապրող հային... Չգիտեմ, գուցեւ, ինչպես Վիլհելմ Հաջին իրենց մասոնական ժողովում հեգնել է՝ կպահեն մեկ հայ, այն էլ թանգարանում, որպես նմուշ... Թեպետ, չեմ կարծում... 21-րդ դարում նման սենտիմենտներով չեն տառապում...», - գրել է գրող, հրապարակախոս ԱԼԼԱ ՀԱԿՈԲՅԱՆԸ: