Ալեքս, քո ազատագրած Հայրենիքը բզկտել են. մահապարտների հրամանատարն այսօր կդառնար 81 տարեկան

«Իքս» կամավորական ջոկատի հիմնադիր-հրամանատար, ֆիզիկոս Ալեքսանդր Թամանյանը՝ ճարտարապետ Ալեքսանդր Թամանյանի թոռը, այսօր կդառնար 81 տարեկան:

«Ալեքս, ի՞նչ եմ ասելու քեզ ցերեկը այցի գալով ու խնկարկելով շիրիմդ.... Ասելու եմ, որ քո ազատագրած Հայրենիքը բզկտել են, ընդ որում՝ բզկտել են դավաճան հայերը, եթե, իհարկե, դրանց կարելի է հայ անվանել... Ասելու եմ, որ պապիկդ ամեն ինչ արեց, որ Հայաստանում հավաքվեն հայրենասեր նվիրյալները եւ կերտեն իսկապե՛ս ՆՈՐ Հայաստան, ուր պապիկիդ նախագծով կկառուցվեն հրաշալի շենքեր, իսկ հայրիկդ կավարտի պապիկիդ չավարտած գործերը՝ այդ թվում նաեւ Կառավարության շենքը, ուր հիմա «աշխատում» են մեր Հայրենիքի գլխավոր դավաճանները... Հայրիկդ աշխարհի գեղեցկագույն քաղաքներից մեկը՝ Սանկտ Պետերբուրգը թողեց, որպեսզի Հայաստանում եւս կառուցի թագավորականին չզիջող վարդագույն մայրաքաղաք Երեւանը: Ընդունելով սոցիալիստական կարգերը նրանք ընկերների հետ ամեն ինչ անում էին, որպեսզի ՀԱՍԱՐԱԿ ժողովուրդը ապրի արժանավայել պայմաններում՝ հայկական տուֆից կառուցած շենքերում...

Ճիշտ է, այն տարիներին կառուցման աշխատանքները կատարվում էին ձեռքով եւ մարդիկ ստիպված էին լինում տարիներով սպասել բնակարան ստանալու հերթերում, սակայն պետությունը հազարներով բնակարաններ էր կառուցում եւ ՁՐԻ տալիս իր քաղաքացիներին... Ամբողջ Հայաստանը իր բոլոր քաղաքներով եւ նույնիսկ գյուղերում կառուցած Մշակույթի տներով դրա վառ ապացույցն է: Մեր օրերում կան հզոր տեխնոլոգիաներ եւ շենքերը վեր են խոյանում մի քանի ամիսների ընթացքում, սակայն, ցավոք, այսօր քաղաքում կան հազարներով կառուցված ԴԱՏԱՐԿ բնակարաններ, բայց նրանք այդպես էլ մնում են ԴԱՏԱՐԿ, իսկ մեր հայրենակիցները՝ կանանց եւ երեխաների հետ՝ մնում են փողոցում...

Սա է մեր այսօրվա դառը իրականությունը... Ավելին ասեմ՝ մարդկանց այդ բնակարաններում տեղավորելու փոխարեն, առաջարկում են ՀԱՅ ԵՐԵԽԱՆԵՐԻՆ ՀԱՆՁՆԵԼ ՄԱՆԿԱՏՆԵՐ... Հիշո՞ւմ ես, ինչպես էինք ազգովի հպարտանում, որ երկրաշարժից հետո ոչ մի երեխա չհանձնվեց մանկատուն՝ բոլորին ազգակիցները տեր կանգնեցին... Այսօր ՊԵՏԱԿԱՆ մակարդաով արվում է ամեն ինչ, որ ընտանիք գաղափարը վերանա, հայերը մաս-մաս մեկնեն տարբեր երկրներ եւ պապիկիդ ու հայրիկիդ կառուցած քաղաքում գան ու բնակվեն թուրքերը, նույնիսկ ինչ-որ օրենք են ընդունել՝ գումարով քաղաքացիություն ստանալու համար... Իսկապես, որ չտեսները ԻՐԱՎՈՒՆՔ չունեն գալ իշխանության՝ համեմատիր ամեն ինչով ապահովված պապիկիդ ընտրությունը՝ Հայաստան գալը եւ արեւմտյան կուրսերում հայրենիքազերծված անտուն, նույնիսկ, «տէլէվիզոռ» ու «լվացքի մեքենա» չունեցող ողորմելիներին, ովքեր, իսկապես որ՝ «կախարդական փայտիկի» օգնությամբ փոխանակեցին ԼՎԱՑՔԻ մեքենան ամենաթանկ եւ նորօրյա ԱՎՏՈմեքենաներով...

Ամեն անգամ Եռաբլուր այցի գալիս ամաչում եմ... Ամաչում եմ, որ չպահեցինք ձեր բոլորիդ ստեղծածը եւ դեռ հանդուրժում ենք այս մուրացիկ-голодранец-ներին...», - գրել է «Ուժեղ Հայաստան Ռուսաստանի հետ. հանուն նոր միության» շարժման կանանց խորհրդի նախագահ, գրող, հրապարակախոս ԱԼԼԱ ՀԱԿՈԲՅԱՆԸ:

Հիշեցնենք, որ Ալեքսանդր Թամանյան կրտսերը 1965 թվականից աշխատել է Երեւանի ֆիզիկայի ինստիտուտում՝ որպես գիտաշխատող, 1972 թվականին եղել է հազվագյուտ ռադիոակտիվ տրոհումների ստորերկրյա լաբորատորիայի վարիչը, 2001 թվականից՝ միաժամանակ նաեւ Ա. Թամանյանի թանգարանի տնօրենը: Թամանյանը եղել է ԼՂԻՄ զարգացման ծրագրերի աշխատանքային կոլեկտիվների խորհրդի նախագահը եւ ՀՀ աշխատանքային կոլեկտիվների խորհրդի ստեղծման նախաձեռնողը: Զինագործների հետ ստեղծել է մեծ տրամաչափի նռնակային ականանետ, հրթիռ եւ զենքի այլ տեսակներ։ 1998 թվականին իր ստեղծած «Իքս» դասակով «Արծիվ-մահապարտներ» գումարտակի կազմում մասնակցել է Մարտակերտի (Չլդրան, Վաղուհաս), Ասկերանի, Մարտունու, Լաչինի, Քելբաջարի շրջանների ազատագրական մարտերին: Պարգևատրվել է ՀՀ «Արիություն» մեդալով։