«ԿՅԱՆՔԻ ԽՈՍՔ»-Ի «ՄԿՐՏՈՒԹՅՈՒՆ» ԿՈՅՈՒՂՈՒ ՋՐՈՎ

04.04.1216:33

Բազմիցս ենք խոսել և դեռ շարունակում ենք խոսել, որ մեր երկրում աղանդավորական գործունեություն ծավալող կրոնական կազմակերպությունները օրեցօր ակտիվանում ու հզորանում են:

Այս կրոնական կազմակերպությունները սկսել են աչքի ընկնել իրենց տարօրինակ գործունեութհամբ, որը վերջին շրջանում ավելի ակնհայտ է դառնում հասարակությանը:

Պարզվում է, որ անիմաստ հնչյունների բարբաջանքով լեզվախոսությունը «Կյանքի խոսք» կրոնական կազմակերպությունում համարվում է աղոթք: Այն ինչ ցուցադրվում է այս տեսանյութում, առաջին հայացքից թվում է թե թատերական ներկայացումից մի հատված է բեմադրում շոումենը: Բայց արի ու տես, որ «Կյանքի խոսք» կրոնական կազմակերպության ռուսաստանյան ճյուղի քարոզիչներից մեկը մարդկանց սովորեցնում է աղոթել, այն էլ զուգարանակոնքի վրա նստած:

Բանն այն է, որ քարոզիչը այս աղոթքում սուրբ հոգին համեմատում է զուգարանակոնքից դուրս եկող ջրի հետ և այն բացատրում է հետևյալ կերպ, թե իբր մարդը երբ զուգարանակոնքի վրա նստած հոգում է իր բնական պահանջները, այդ ժամանակ ջուրը պետք է մաքրի մարդու համապատասխան հատվածը, որն էլ հենց համարվում է մարդու հոգու մաքրության միակ ճանապարհը: Այս ամենը տեսնելուց հետո չենք կարծում, որ կգտնվեն մարդիկ, ովքեր այս երևույթ կգնահատեն ոչ այլ ինչ, եթե ոչ հոգեպես անհավասարակշիռ մարդու արարք:

Slaq.am-ի հետ զրույցում Սբ. Երրորդություն եկեղեցու հոգևոր հովիվ Տեր Եսայի քահանա Արթենյանը նշեց, որ այն ինչ իրենք անվանում են աղոթք իրականում ոչ մի կապ չունի Աստծո պատգամների և Ավետարանական ճշմարտությունների հետ:

«Կարծում եմ, որ նման իրերի կամ առարկաների համեմատությունը յուրաքանչյուր հավատացյալի մոտ զայրութ է առաջացնում: Ըստ էության խեղաթյուրվում է մարդկանց հոգևոր զգացումները, հարգանքը Աստծո նկատմամբ: Մեղմ ասած սա սատանայապաշտություն է: Այդ քարոզներին անդրադառնալով առաջին տպավորությունն այնպիսին է, որ դա զավեշտալի տեսարան է և հանդես են գալիս ոչ թե քարոզիչ, այլ ծաղրածու»,-իր խոսքում նշեց Տեր Եսայի քահանա Արթենյանը:

Պետք է նկատենք, որ ծաղրածուի կերպարով հանդես եկող այդ քարոզիչները մշտապես փորձում են ներկայացնել առաքյալներից հատվածներ և առաջին հայացքից թվում է մարդիկ պարզ ու մատչելի ձևով քարոզ են անում ու ոչ մի վատ բան չեն ասում, որն էլ անտեղյակ մարդկանց մոտ արժանահավատ է թվում: Սակայն իրականում իրականության մեջ էժանացվում է Աստվածային խորհուրդները, առաքյալների կերպարները, ավելին չեն ընդունում անգամ սրբերին և նրանց ձախողակ են համարում:

«Կյանքի խոսքում ասում են, որ Քրիստոս սխալվել է առաքյալների ըւնտրության հարցում, իսկ սա նշանակում է, որ եթե սխալվել է, ուրեմն Քրիստոս Աստված չէ: Հետո էլ ասում են, որ մենք ընդունում են Քրիստոսին, սուրբ հոգին և սուրբ երրորդությունը, բայց միևնույն ժամանակ սուրբ հոգին համեմատում են զուգարանակոնքի ջրի հետ, այսինքն սա արդեն սրբապղծություն է, որը լուրջ մտածելու առիթ է տալիս»,-նշեց Տեր Եսայի Արթենյանը:

Հոգեգալստական և խարիզմատիկ աղանդներին բնորոշ այս բարբաջանքն իրականում ոչ մի կապ չունի աղոթքի հետ, ավելին ավետարանում ոչ մի տեղ նշված չէ օտարալեզու աղոթքների մասին:

«Օտար լեզուներով աղոթելը, էնպես ինչպես իրենք են հասկանում, այսինքն այդ բարբաջանքը ոչ մի տեղ չկա ավետարանում, ընդհակառակը Պողոս առաքյալը մեզ սովորեցնում է, որ եթե մի մարդ մտնի ձեր համայնքը և եթե դուք սկսեք օտար լեզուներով բարբաջեք, բոլորը պետք է մտածեն, որ դուք գժվել եք, հետևաբար ավելի լավ է, որ դուք մարգարեանաք, այսինքն Աստծո խոսքը քարոզեք, որպեսզի օտար մարդը լսելով Աստծո փառաբանությունը ինքն էլ միանա ու ձեզ և միադին ասեք ԱՄԵՆ: Ավետարանը մեզ սովորեցնում է, որ աղոթքը Աստծուն փառաբանելու միջոց է: Այս ամեն ինչին հակառակ, այն ինչ տեղի է ունենում աղանդների մոտ իրականում ոչ մի կապ չունի աղոթքի հետ»,-իր խոսքում նշեց Տեր Եսայի քահանա Արթենյանը:

Պարզվում է, որ նման մի երևույթ էլ տեղի է ունեցել նաև մեզ մոտ, երբ երիտասարդ աղջիկը պետքարանում անհասականալի լեզվով տարօրինակ ձայներ է հանել, որն էլ անվանել է աղոթք:

«Այս երևույթն էլ մեր համար անհասկանալի է, ինչ է նշանակում պետքարանում աղոթել, մանավանդ այն դեպքում, երբ ասում են, որ այդ աղոթքը ինքն իրեն է գալիս: Եթե այդպիսի նման երևույթ կա, ապա մենք շատ լուրջ խնդիր ունենք հասկանալու հետ, թե որքանով ենք մենք բանականության շրջանակում կարողանում կառավարել ինքներս մեզ: Աղոթքը չի կարա լինի անկախ, այն պետք է լինի մեր սրտից մեր հոգուց, չի կարող այն հենց այնպես մտնել մեր մեջ: «Կյանքի խոսքում» փորձ է արվում սրբազան իրողությունների, երևույթների, առարկաների և մարդկանց վրա ստվեր գցել, փորձել դրանք պարզեցնել, պրիմիտավացնել, որպեսզի կարողանան մարդկանց հեռացնեն Աստծուց»,-իր խոսքում նշեց Տեր Եսայի քահանա Արթենյանը:

Կրոնական կազմակերպությունների կողզմից հաճախ ենք լսում այն պաշտպանիչ մեկնաբանությունը, թե իբր իրենք աղանդավոր չեն և հանդիսանում են ավետարանական եկեղեցու ճյուղ: Սակայն իրականում պատմությունն այլ բան է փաստում, որը բնականաբար ձեռնտու տարբերակ չի հանդիսանում աղանդավորների համար, և դրա մասին խոսելը ավելորդ են համարում: Պարզվում է, որ «Կյանքի խոսք» կրոնական կազմակերպության հիմնադիր Ուլֆ Էքմանը լյութերական եկեղեցու կողմից վտարվել է, ինչն էլ վկայում են այն մասին, որ «Կյանքի խոսք» եկեղեցին որևէ կապ չունի ավետարանական եկեղեցու հետ:

Ի դեպ, զուգարանակոնքին նստելու արարողության հետ կապված տեղին է հիշել մ.թ.ա. 6-րդ դարի հույն առակագիր Եզոպոսի առակներից մեկը, որի հերոսը մեր տեսանյութում ցուցադրված քարոզիչի նման` իր բնական կարիքներն է հոգում կքանստած վիճակում, և այնքան է երկարացնում այդ պրոցեսը, որ արդյունքում բացի աղիքների պարունակությունից հետանցքից դուրս է ծորում նաև ուղեղի պարունակությունը, և հերոսը դառնում է անուղեղ: Այսինքն, ասել է հույն մեծ առակագիրը, ցանկացած գործողություն անելիս մտածիր հետևանքների մասին:

Անի Բաղդասարյան

Ստորև ներկայացնում ենք տեսանյութը.

{source}
<iframe src="http://vk.com/video_ext.php?oid=34439203&id=162343565&hash=97af1dea90de2e59&hd=1" width="607" height="360" frameborder="0"></iframe>
{/source}