Գերմանիան կարող է փլուզել Ռուսաստանի դեմ արևմտյան երկրների դաշինքը. The Telegraph

Միջազգային 22 Ապրիլ, 2022 22:31

Ռուսաստանի նկատմամբ Գերմանիայի դիրքորոշումը կարող է խզել արևմտյան պետությունների դաշինքը, որը պատժամիջոցներ է սահմանել Մոսկվայի դեմ: Այս մասին գրում է Telegraph-ի սյունակագիր Քիթ Էնդրյուսը։

Ինչպես նշել է լրագրողը, Բեռլինը չի կարողանա էմբարգո կիրառել ռուսական գազի մատակարարումների վրա՝ առանց սեփական տնտեսության համար լուրջ հետեւանքների, ինչպես դա արեցին ԱՄՆ-ն ու Մեծ Բրիտանիան։ Կանցլեր Օլաֆ Շոլցի կառավարությունը խաղում է ժամանակի վրա և չի կարող որոշել Մոսկվայի հետ էներգետիկ պայմանագրերից դուրս գալու ժամկետները։

Գերմանիայի իշխանությունների տատանումների պատճառով դաշնակիցները, հատկապես Լեհաստանը, Լիտվան, Լատվիան և Էստոնիան, ուժեղացնում են ճնշումը երկրի վրա։

Դա հանգեցնում է նրան, որ «միասնական հակառուսական ճակատը» թուլանում է, ասվում է հոդվածում։

Գերմանիայի դիրքորոշումը կարելի է հասկանալ՝ նայելով թվերին, ասաց Էնդրյուսը. նրա տնտեսության համար գազի 55 տոկոսը գալիս է Ռուսաստանից: Վառելիքի բարձր գներն արդեն իսկ բարձրացրել են արտադրողի գների ինդեքսը 30%-ով։ Էլեկտրաէներգիայի վճարները նույնպես տարեկան կտրվածքով աճել են 40%-ով և ակնկալվում է, որ դրանք էլ ավելի կբարձրանան: Գերմանացի փորձագետները նախազգուշացնում են, որ ռուսական հումքի նկատմամբ լիակատար էմբարգոն պետությունում լայնածավալ ռեցեսիա կառաջացնի։

«Այս հարցում է, որ խզման գծերը խորանում են: Գերմանիայի վրա ճնշում են գործադրում որոշումներ կայացնելու համար, որոնք ոչ միայն կվնասեն, այլ, ի վերջո, կխաթարեն նրա տնտեսությունը»,- պնդում է հեղինակը:

Ըստ հոդվածագրի՝ արևմտյան դաշինքի փլուզումը հեռու չէ, քանի որ Բեռլինը հրաժարվում է դաշնակիցների հետ կոնսենսուսի հասնել Մոսկվայի հետ փոխգործակցության հարցում։

Դա հանգեցնում է նրան, որ «միասնական հակառուսական ճակատը» թուլանում է, ասվում է հոդվածում։

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

Գերմանիան կարող է փլուզել Ռուսաստանի դեմ արևմտյան երկրների դաշինքը. The Telegraph

Փոխարժեք