Ուկրաինան կարող է կապիտուլյացիայի ենթարկվել մինչև տարեվերջ. ԿՀՎ տնօրեն

ԿՀՎ տնօրեն Ուիլյամ Բերնսը հինգշաբթի օրը նախազգուշացրել է, որ եթե ԱՄՆ-ն ավելի շատ ռազմական աջակցություն չուղարկի, Ուկրաինան կարող է «պարտվել» Ռուսաստանին մինչև տարեվերջ, գրում է CNN-ը։

Նրա մեկնաբանությունները Բայդենի վարչակազմի մինչ օրս ամենասուր նախազգուշացումներից մեկն են Ուկրաինայում զարգացող հակամարտության վերաբերյալ, երբ Կոնգրեսը քննարկում է Կիևի համար երկար հետաձգված օգնության փաթեթը հաստատելու հարցը, նշում է պարբերականը:

Ընդամենը մեկ ամիս առաջ Բըրնսը Սենատի հետախուզության հանձնաժողովին տված ցուցմունքում նախազգուշացրել է, որ եթե Կոնգրեսը չձեռնարկի լրացուցիչ աջակցություն, ինչին Պալատի պահպանողական ընդդիմությունը երկար ժամանակ դիմադրում էր, «Ուկրաինան, ամենայն հավանականությամբ, կկորցնի դիրքերը և, հնարավոր է, կապիտուլացվի 2024 թվականին»: 

«Հաշվի առնելով ռազմական օգնությունը՝ և՛ գործնական, և՛ հոգեբանական, ես կարծում եմ, որ ուկրաինացիները բավականին ունակ են՝ դիմանալու մինչև 2024 թվականի վերջը», - ասել է Բըրնսը՝ հավելելով, որ «առանց լրացուցիչ օգնության՝ պատկերը շատ ավելի սարսափելի կլինի»:

«Կա շատ իրական վտանգ, որ ուկրաինացիները կարող են պարտվել մարտի դաշտում մինչև 2024 թվականի վերջ կամ գոնե Պուտինին դնել այնպիսի դիրքում, որտեղ նա կարող է թելադրել քաղաքական կարգավորման պայմանները», - ասել է ԿՀՎ ղեկավարը: