Սահմանամերձ Բաղանիսը նոր մանկապարտեզ ունի
Արխիվ 16-20Բաղանիսը գտնվում է Տավուշի մարզի Նոյեմբերյանի շրջանում՝ Երևան-Թբիլիսի միջպետական մայրուղու վրա: Հեռավորությունը Երևանից՝ 175 կմ, Իջևանից՝ 41 կմ, Հայաստան Ադրբեջան շփման գծից՝ մինչև 1 կմ: Բնակավայրը հիմնվել է հինգերորդ դարում, ավերվել մոնղոլական արշավանքների ժամանակ և վերականգնվել 13-րդ դարում: Զավեն Կորկոտյանի «Խորհրդային Հայաստանի բնակչությունը վերջին հարյուրամյակում (1831-1931)» աշխատության մեջ նշվում է, որ 1831-ին գյուղը ունեցել է 134 բնակիչ, բոլորն էլ հայ: Ներկայումս գյուղում բնակվում է մոտ 900 մարդ: Բաղանիսը գտնվում է բարեխառն գոտում, ամռանը միջին ջերմաստիճանը + 29C է, ձմռանը` -3C: Բնակչությունը զբաղվում է անասնապահությամբ, պտղաբուծությամբ, կան խաղողի այգիներ: Համայանքը գազաֆիկացված է, ունի վերակառուցված խմելու ջրի ցանց: Գյուղի դպրոցը գտնվում է բարվոք վիճակում, առանձին գործող մանկապարտեզ չկա:
Բաղնիսով անցնող հիմնական ճանապարհը և բուն գյուղը գտնվում են հակառակորդի կրակահերթերի թիրախային գոտում, միջպետական ճանապարհի համար կառուցված է համեմատորեն ապահով շրջանցիկ ճանապարհ: Բաղանիսի պատմական հուշարձանն է 10-րդ դարում կառուցված, ներկայումս կիսավեր Սուրբ Աստվածածին եկեղեցին: Համայնքների խոշորացման շրջանակներում Բաղանիսը 2016-ից մաս է կազմում ընդլայնված Նոյեմբերյան համայնքին: Այս համայնքը բազմիցս հրետակոծվել է հակառակորդի կողմից արձակած կրակից: Չնայած նրան, որ այն մշտապես դիտարկվում ու գտնվում է հակառակորդի ուշադրության կենտրոնում, այնուամենայնիվ շարունակում է ծաղկել ու ապրել բնականոն հունով: Շնորհիվ համայնքի երիտասարդ ղեկավար Նարեկ Սահակյանի այստեղ կազմակերպվում են տարրաբնույթ միջոցառումներ, մշակվում նորանոր ծրագրեր՝շենացնելու հարազատ գյուղն ու թեթևացնելու ազգաբնակչության առօրյա և կենցաղային խնդիրները: Բավականին վերջերս իմացանք,որ այստեղ բացվելու է նոր մանկապարտեզն,որտեղ հաճախելու են գյուղի փոքրիկ բնակիչները:
Եվ այսպես հունիսի 22-ին այստեղ էին հավաքվել տարբեր սերնդի ներկայացուցիչներ՝ մասնակցելու այս գեղեցիկ միջոցառմանը: 10 ամիս տևած շինարարական աշխատանքներից հետո հանդիսավորությամբ բացվեց գյուղի մանկապարտեզը, որը կառուցվել է ԱՄՆ-ում գործող «Փարոս» հիմնադրամի ֆինանսավորմամբ: Այն 41 միլիոն դրամ ներդնել նախագծի մեջ, իսկ կացարանը՝ Հայկական միության աջակցությամբ (6 միլիոն դրամ): Բաղանիսի գյուղապետ Նարեկ Սահակյանը մանկապարտեզի բացման արարողության լուսանկարները հրապարակել է Facebook սոցիալական ցանցի իր էջում։
Նոր մանկապարտեզը կառուցված է Բաղանիս գետակի ափին: Կար մտահոգություն, թե նոր մանկապարտեզի վայրը սխալ է ընտրված, և շենքը կարող է տուժել գարնանային վարարումներից: Սահմանապահ գյուղին հաջողվել է նաև այս հարցը լուծել:
Մանկապարտեզի շենքը գետի վարարումից պաշտպանելու համար տեղադրվել են ֆելզիտե հատուկ բլոկներ։ Մանկապարտեզի բացումն իսկական տոն է դարձել գյուղի համար: Հիշեցնենք, որ այս տարի մայիսին ՀՀ կառավարությունը սահմանամերձ գյուղում մանկապարտեզ կառուցելը խիստ ռիսկային էր համարել և գյուղում մանկապարտեզ կառուցելու վերաբերյալ մեկ տարի առաջ կայացված որոշումը որոշվել էր չեղարկել այն պատճառաբանությամբ, որ երեխաները կարող են հակառակորդի նշանակետում հայտնվել:Մանկապարտեզի հին շենքը գտնվում է Բաղանիսի միջնակարգ դպրոցի հարևանությամբ` Ադրբեջանի Ղազախի շրջանի Ղուշչի-Այրում գյուղում տեղակայված ադրբեջանական հենակետերի գնդակոծության գոտում, այդ պատճառով շենքն արդեն վաղուց չէր շահագործվում: 2013 թ.-ից գյուղապետարանի շենքում առանձնացվել էր մեկ սենյակ՝ մանկապարտեզի պարապմունքները կազմակերպելու համար:Նշենք,որ 1991թ.-ից Բաղանիսում մանկապարտեզ չի եղել, իսկ 2016թ.-ին համայնքում գործող նախակրթարանը վերածվել է մանկապարտեզի, որտեղ այսօր 18 երեխա է հաճախում: «Խորհրդային տարիների մանկապարտեզը պատերազմի ժամանակ գնդակոծության հետևանքով դադարեցրել է իր գործունեությունը: 1991թ.-ից մանկապարտեզ չենք ունեցել: Հիշեցնենք, որ գյուղական մանկապարտեզի նախկին շենքը ոչնչացվել է 1992-1995 թվականների գնդակոծությունների հետևանքով: 2016թ նախակրթարանը դարձել է մանկապարտեզ` փոքրերի ու ավագ խմբով, և մինչ օրս գործում է Բաղանիսի գյուղապետարանի մի փոքր սենյակում, որտեղ հարմարեցրել ենք պայմանները»,- նշեց Նարեկ Սահակյանը: Նարեկ Սահակյանի խոսքով` համայնքում մանկապարտեզ հաճախող երեխաների թվի ավելացման միտում կա:
ԳԱՐԻԿ ԱՎԵՏԻՍՅԱՆ
Լուսանկարները Նարեկ Սահակյանի Facebook-յան էջի