Ինչո՞ւ է ՄԱԿ-ը ավելի սրտացավ թուրքերի եւ անտարբեր հայերի հանդեպ

Հայտնի դարձավ, որ ՄԱԿ-ի գլխավոր քարտուղար Անտոնիո Գուտերեշը Թուրքիա է ուղարկում իր հումանիտար հարցերով տեղակալ Մարտին  Գրիֆֆիտսին, որպեսզի նա տեղում ծանոթանա  Թուրքիայի երկրաշարժի հետեւանքներին եւ կողմնորոշվի, թե ինչպիսի օգնություն պետք է ցուցաբերի ՄԱԿ-ը Թուրքիային:

Սակայն  ՄԱԿ-ի գլխավոր քարտուղարը շատ հանգիստ է նայում նրան, որ արդեն երկու ամիս է, ինչ շրջափակման մեջ է Արցախը, որը գտնվում է հումանիտար ճգնաժամի մեջ: Ստացվում է, որ ՄԱԿ-ի համար հայ երեխայի  հումանիտար աղետը  անկարեւոր է, իսկ թուրքերի պարագայում խիստ կարեւոր: Նշենք նաեւ, որ  արդեն  ավելի քան երկու տարի է, ինչ Ադրբեջանի կողմից օկուպացված Արցախի  տարածքներից հայ փախստականները  զրկված են իրենց տները վերադառնալու հնարավորությունից: Թեեւ, ըստ 2020թ. նոյեմբերի 9-ի հայտարարգրի Շուշիի եւ Հադրութի բնակիչները ՄԱԿ-ի փախստականների գծով հանձնակատարի վերահսկողության ներքո պետք է վերադառնային իրենց տները: Սակայն  «սրտացավ» Գուտերեշը այդ 2,5 տարվա ընթացքում այդպես էլ ժամանակ չգտավ իր հանձնակատարին Արցախ ուղարկելու համար:

Հ. Բաբուխանյան