Եվրոպայի եւ Աշխարհի չեմպիոն Ունանյանը կատարել է Եզրաս սրբազանին տված խոստումը

Ռուսաստանի եւ Նոր Նախիջեւանի հայոց թեմի առաջնորդ Գերաշնորհ Տեր Եզրաս արքեպիսկոպոս Ներսիսյանը օրերս հյուրընկալել է կարատեի Եվրոպայի եւ Աշխարհի չեմպիոն Կամո Ունանյանին:

Բազմակի չեմպիոնը Եզրաս սրբազանի հետ զրույցում պատմել է այս տարվա իր սպորտային հաջողությունների մասին: Նշել է, որ տարվա ընթացքում երկու տարբեր վարկածով Եվրոպայի չեմպիոն է դարձել, իսկ մի վարկածով՝ աշխարհի չեմպիոն: Այդ շարքում Իտալիայի Ֆլորենցիա քաղաքում տեղի ունեցած առաջնությունում նա դարձել է Հայաստանի պատմության մեջ առաջին մեդալակիրն՝ WUKF Եվրոպայի առաջնությունում: Կամո Ունանյանն առանձնահատուկ նշել է, որ Չեխիայում հաղթանակ է տարել՝ մենամարտելով թուրք եւ ադրբեջանցի մարզիկների հետ:

Նախորդ տարի, երբ Կամո Ունանյանը կրկին հյուրընկալվել էր Ռուսաստանի եւ Նոր Նախիջեւանի հայոց թեմի առաջնորդարանում, նա խոստացել էր սրբազան հորը, որ բրոնզե մեդալը լրացնելու է ոսկե մեդալով, ինչը եւ հաջողվել է նրան այս տարի: Եզրաս սրբազանը մեծ ուրախությամբ է ընդունել այն, որ հայ մարզիկն իրեն տված խոստումը կատարել է:

Ռուսաստանի եւ Նոր Նախիջեւանի հայոց թեմի առաջնորդը տեղեկանալով Կամոյի առողջական խնդիրների մասին, նորանոր հաջողություններ եւ ամենակարեւորը՝ առողջություն է մաղթել չեմպիոնին։  Եզրաս սրբազանը հույս է հայտնել, որ հաջորդ տարի նրանք կրկին կհանդիպեն՝ խոսելու նոր հաղթանակների մասին:

Նշենք, որ հանդիպմանը ներկա են եղել նաեւ Արցախի հանրապետության նախկին նախագահ Բակո Սահակյանը եւ Մոսկվայի Պուշկինո շրջանի հայ համայնքի ազգային մշակութային ինքնավարության ղեկավար Արշակ Գրիգորյանը:

Այս թեմայով Այս ամբողջ պրոցեսի գլխավոր հարցն ուրիշ է, սակայն ոչ ոք չի տիրապետում դրան. Մանասյան Իմպիչմենթս գաղտնի թող մնա Ինչու մայիսի 9-ին «Տավուշը հանուն հայրենիքի» շարժումը հարգանքի տուրք չմատուցեց անմար կրակի մոտ Հայկ Բաբուխանյանը՝ նոր շարժման եւ նրա անելիքների մասին 79 տարի առաջ հայ ժողովրդի լավագույն զավակներն արձանագրեցին զարմանալի հերոսություններ. ԳԱՅԱՆԵ ՆԵՐՍԻՍՅԱՆ