Հայկոյիս համար տուն պետք է սարքեի, հուշաղբյուր եմ սարքել. խաչքարի բացում՝ ի հիշատակ ավագ լեյտենանտ Ղարսյանի

Նոյեմբերյանում տեղի ունեցավ 44-օրյա պատերազմում զոհված ավագ լեյտենանտ ՀԱՅԿ ՂԱՐՍՅԱՆԻ հիշատակին նվիրված հուշաղբյուրի բացման եւ Տավուշի թեմի առաջնորդ  Գերաշնորհ Տ. Բագրատ եպիսկոպոս Գալստանյանի ձեռամբ՝ խաչքարի օծման արարողությունը: Սակայն, սա դեռ ամենը չէր… Հերոսի մորը՝ տիկին ԱԻԴԱՅԻՆ հանձվեց Հայկ Ղարսյանի հետմահու ստացած կապիտանի ուսադիրները… Ղարսյանական միջոցառումն էլ ավելի հոգեթով դարձրեցին Նոյեմբերյանի Մշակույթի կենտրոնի սաներն՝ իրենց կատարումներով, ինչպես նաեւ ժամկետային զինծառայող Արտյոմ Մամյանը, ով հատուկ միջոցառմանը մասնակցելու համար արձակուրդ էր եկել։

«Հայկոյիս համար տուն պետք է սարքեի, հուշաղբյուր եմ սարքել», - արցունքները զսպելով ասում էր հերոսի հայրը՝ ԼԵՎՈՆ ՂԱՐՍՅԱՆԸ:

Հիշեցնենք, որ Հայկ Ղարսյանը ծնվել էր 1995թ. դեկտեմբերի 26-ին՝ Տավուշի մարզի Նոյեմբերյան քաղաքում: 2009-2013 թթ. սովորել էր Մոնթե Մելքոնյանի անվան ռազմամարզական վարժարանում, 2013-2017 թթ.՝ Վազգեն Սարգսյանի անվան ռազմամարզական համալսարանում: Մինչեւ ավարտելը մասնակցել ապրիլյան պատերազմին՝ կռվելով Ջրականում: Համալսարանն ավարտել էր լեյտենանտի կոչումով եւ աշխատանքի անցել Ասկերանի շրջանի Իվանյան բնակավայրում: Երկու տարի անց լավ ծառայության համար ստացել էր ավագ լեյտենանտի կոչում: Զոհվել է 2020 թվականի հոկտեմբերի 25-ին՝ Վարանդայում՝«Բայրաքթար» անօդաչու թռչող սարքի հարվածից։ Նա զոհվել է 11 զինակից ընկերների հետ…

Այս թեմայով Մեզ համախմբողը մեր բարոյական արժեքները կոնսոլիդացնող Հայ Առաքելական եկեղեցին է. Մարինա Խաչատրյան Փաշինյանի նախկին կինն են եղել, թե՝ սիրուհին, խոսելու իրավունք ունե՞ն. Հայկ Մամիջանյան Իմպիչմենթս գաղտնի թող մնա Անթիվ անհամար կարմիրբերետավորներ՝ Օպերայի շենքի շուրջ Արման Բաբաջանյանին ասեք թող իր կենսագրության մասին պատմի. Բագրատ Սրբազան