ԶԱՐՄԱՆՔ

Նիկոլի ավտոշարասյան կողմից 19-ամյա հայուհուն մահվան ելքով վրաերթի ենթարկելը ցնցել է բոլորին... Փաստորեն, ամեն մի անցորդ կարող է կապիտուլյանտի զոհ դառնալ, իսկ նրա շրջապատը զարմանալիորեն փորձելու է Նիկոլին անմեղ հանել... ՀՀԿ երիտասարդական կառույցի ներկայացուցիչ Միքայել Գրիգորյանն իրավացի էր, երբ գրում էր. «Ա՛յ կապիտուլյանտ, դու էս ազգին մենակ դժբախտություն ես բերում, դու արնախում ես ու քեզ անդադար քիչ ա: Հիմա սա եք անում օրը ցերեկով, եւ նույնիսկ կանգ չեք առնում որ օգնություն ցույց տաք: Վստահ եմ, որ քիչ անց կգտնեն ինչ-որ մի «քավության նոխազ» եւ կասեն թե կապիտուլյանտը կապ չունի, կամ մեքենայի մեջ չի եղել»: Եվ իրոք, զազրելի ցինիզմով տխրահռչակ նիկոլաքարոզիչ ՏԱՐՈՆ ՉԱԽՈՅԱՆԸ, առանց աչք թարթելու, հայտարարում է. «Ի գիտություն բոլորին` վարչապետ Փաշինյանը մեքենա չի վարում ու չի եղել որեւէ մեքենայի ղեկին»: Սա է ՔՊ-ական թիմի դեմքը, սրանք չարիքի բացարձակ մարմնացում են, եւ սրանց հետ նույն օդը շնչելն անհնարին է:

Այս դեպքի առնչությամբ վտանգավոր միտում է տեսնում անգամ ապաքաղաքական մեդիափորձագետ ՍԱՄՎԵԼ ՄԱՐՏԻՐՈՍՅԱՆԸ. «Ոստիկանության մեքենան հղի կնոջ է հարվածել: Երկու ժամ առաջ ինքս եմ ոստիկանության մեքենաների կողքը հայտնվել այն պահին, երբ կառավարական կորտեժ էր անցնում: Կարող եմ մի բան ասել. ոստիկանները ոչ-ադեկվատ, վայրենի եւ հոգեկան խանգարում ունեցողի տպավորություն էին թողնում: Ես չգիտեմ, դա ղեկավարության պարանոյայի, թե դաստիարակության եւ թրեյնինգների բացակայության հետեւանք է: Բայց էս ոճով դեպքերը շատ կլինեն, եթե բան չփոխվի»: Ինչ վերաբերում է թրեյնինգներին, ապա Իոաննիսյան Դանչիկին է պետք հարցնել, թե ինչեր է սովորեցրել «Նոր Հայաստանի նոր ոստիկանությանը, հաստատ որեւէ լավ բան սովորեցրած չի լինի իր տխրահռչակ հալով: Իսկ բան կփոխվի միայն այս խունտային արմատախիլ անելուց հետո, զի սրանք անդաստիարակելի են: Ավելին, քաղաքագետ Էդգար Էլբակյանը համոզմունք է հայտնում, որ զարմանալիորեն դա պատահականություն լինել չի կարող. «Լեո-Պարոնյան խաչմերուկում հղի կնոջն սպանելը պատահական չէր: Սրանով հակաՀայաստանը վրեժ է լուծում, որ 2008 թվականին իրեն թույլ չտվեցին զավթել Հայաստանի իշխանությունը եւ իրենց թուրք տերերին հանձնել Արցախը»: Ականատեսների վկայությամբ` վթարի ենթարկող ավտոմեքենան չի կանգնել եւ օգնություն չի ցուցաբերել քաղաքացուն: Եվ թեպետ ոստիկանությունից դեռ մանրամասներ չեն հայտնել դեպքի առնչությամբ, հարակից սպասարկման կետերի աշխատակիցները կաշկանդված են, չեն ուզում մանրամասներ հայտնել... Ահ ու մահ սփռող չարիքներ:

Ոստիկանությունը, անշուշտ, մահացու վրաերթի բոլոր հանգամանքները չի պարզի, քանզի զարմանալիորեն զբաղված է «ավելի կարեւոր» գործով: Ինչպես տեղեկացնում է Էլինար Վարդանյանը. «Հենց նոր Ոստիկանության Արաբկիրի բաժանմունք «բերման ենթարկվեցին» ԱՆՎԱԴՈՂԵՐ: Այս անվադողերով ակցիայի համար խուլիգանության հոդվածով քրեական գործեր են հարուցվել: Աբսուրդի թատրոն Հայաստան»: Իսկ խուլիգանություն որակել են ցուցարարների կողմից անվադողերով փողոց փակելը: Զարմանալի է, քաղաքացիական հագուստով «ոստիկանների» թրքաբարո դաժանությունը ցուցարարների կողմից խուլիգանություն չէ, ցուցարարների արածը` խուլիգանությո՞ւն: Տո դուք տեղով խուլիգանություն եք, բայց վստահ եղեք` բոլորդ անխտիր պատասխան եք տալու: Ձեր Նիկոլի իշխանավարման վերջը սարերի ետեւում չէ:

Զարմացած է ՀՈՎՀԱՆՆԵՍ ԳԱԼԱՋՅԱՆԸ