Մխիթարյանը շարք է վերադառնում

Հենրիխ Մխիթարյանն ապաքինվել է մկանային խնդիրներից, հայտնում է Fcinternews-ը։

Մխիթարյանը, սակայն, ամենայն հավանականությամբ, մեկնարկային կազմում չի լինի «Էմպոլիի» դեմ առաջիկա հանդիպմանը:

Սիմոնե Ինձագին չի ցանկանում ռիսկի դիմել և հայ ֆուտբոլիստին մտադիր է հանգստի հնարավորություն տալ Պրահայի «Սպարտայի» դեմ Չեմպիոնների լիգայի հիմնական փուլի 7-րդ տուրի խաղից առաջ։

Դրանից բացի, Մխիթարյանը պետք է նաև հավելյալ բուժզննում անցնի։

Հայ ֆուտբոլիստը մկանային լարվածության պատճառով բաց է թողել «Ինտերի» նախորդ երկու հանդիպումները։

«Ինտեր» - «Էմպոլի» հանդիպումը կկայանա հունվարի 19-ին, կմեկնարկի Երևանի ժամանակով 23:45-ին։

Այս թեմայով Ինչ տրանսֆերային ծրագրեր ունի «Ինտերը» Հավաքական չեմ վերադառնա, օրը կգա և բոլորն էլ կիմանան ճշմարտությունը. Մխիթարյան Երբ սկսեցի մարզել Մխիթարյանին, հասկացա որ նա սպասվածից ուժեղ է. Ինձագի Հենրիխ Մխիթարյանը չի բացառում կարիերայի ավարտին հայկական թիմում խաղալու հեռանկարը Տղաներն անհավանական բան արեցին. Ինձագի