Հալեպից մարդիկ կան, որոնք պատրաստվում են գալ Հայաստան. Հակոբ Մարանյան

 Սիրիայում ստեղծված իրավիճակը շարունակում է շատերի ուշադրության կենտրոնում մնալ: Ինչպես գիտենք, Սիրիայում իսլամիստական զինված խմբավորումները մտել էին կառավարական ուժերի վերահսկողության տակ գտնվող Հալեպ քաղաք եւ գրավել դրա մեծ մասը: Իսլամիստ զինյալների կողմից մեծ մասամբ գրավված Սիրիայի Հալեպում հազարավոր հայեր են բնակվում։ Թեմայի շուրջ «Իրավունք»-ը զրուցել է հալեպահայ ՀԱԿՈԲ ՄԱՐԱՆՅԱՆԻ հետ, ով մեզ է տվել մի քանի տեղեկություններ՝ կապված Հալեպի եւ տեղի հայության վիճակի հետ կապված:

— Պարոն Մարանյան, այս պահին ինքներդ կապ ունե՞ք Հալեպում մնացած մեր հայրենակիցների հետ:

— Այո, կապը կա: Մենք կապ պահում ենք մեր հայրենակիցների հետ, եւ կարող եմ ասել, որ նորմալ է ամեն ինչ: Հոսանքը տալիս են, ջուրը տալիս են, եւ այս պահին ամեն ինչ կարգին է: Հստակ, որպես այդպիսին, խնդիր չեմ կարող նշել, բայց ճանապարհները փակ են: Եթե  ճանապարհները բացվեն, արդեն թվով շատ հայեր եւս ետ կգան:

— Իսկ նրանց հետ որ խոսում եք, ի՞նչ վիճակում են գտնվում այժմ:

— Չէ, վատ բան չկա: Այս պահի դրությամբ կարող եմ ասել, որ նորմալ վիճակում են:

— Պատրաստվո՞ւմ են արտագաղթել եւ գալ Հայաստան:

— Այո, մարդիկ կան, որոնք պատրաստվում են գալ Հայաստան, բայց ճանապարհները փակ են հիմա, և չեն կարող Հալեպից դուրս գալ:

— Իսկ Դուք ինչպե՞ս եք վերաբերվում Սիրիայում տեղի ունեցածին:

— Իմ կարծիքով՝ այն ամենը, ինչ կատարվեց, պետք է վաղուց արդեն լիներ: Ասեմ ավելին, երեւի թե, տասը տարի առաջ այն պետք է լիներ: Այն, ինչ տեղի ունեցավ, կարծես թե, այժմ այլեւս զարմանալի չէ:
 

— Ի՞նչ կարելի է սպասել Սիրիան զավթած նոր ուժերից:

— Հստակ բան չեմ կարող ասել, որեւէ կոնկրետ բան չկա, եւ  բոլորս սպասում ենք, թե հետոն ի՞նչ պետք է լինի:

ԴԻԱՆԱ ՄԱՆՈՒԿՅԱՆ

Այս թեմայով Սիրիայի նոր ղեկավարը հանդիպել է քրիստոնյա հոգևորականների հետ Կարծրատիպեր կոտրվեցին Հայաստան, Վրաստան, Սիրիա. 2025 թ. դիմավորում ենք լարված տարածաշրջանում Սիրիա. Քրդերն ակտիվորեն հարձակվում են Մանբիջի ուղղությամբ, եւ Էրդողանի վիճակը բարդանում է Շատ հաստատություններ փակվել են, դպրոցն ու եկեղեցին են դեռ գործում. ի՞նչ են պատմում սիրիահայերը Էրդողանը կայցելի Սիրիա մեծ պատվիրակությամբ. Hürriyet