«Հրապարակ». Արցախցիների վախից ձգում են ծրագիրը

Մամուլի տեսություն 6 Նոյեմբեր, 2024 9:25

«Հրապարակ» թերթը գրում է. «Դեկտեմբերին լրանում է արցախցիներին տրվող սոցիալական աջակցության ծրագրի ժամկետը, խոսքն ամսական 1 շնչին 40+10 հազարական դրամների մասին է։

Մեր տեղեկություններով, կառավարությունում տեւական ժամանակ քննարկումներ են ընթանում՝ ծրագիրը դադարեցնելու հարցով, աջակցության այլ ծրագիր են մշակում միայն սոցիալական որոշ խմբերին, մասնավորապես՝ անչափահասներին, կենսաթոշակառուներին ուղղված, սակայն երեկ տեղեկացանք, որ իշխանությունները, կանխատեսելով, թե ծրագրի ավարտից հետո դժգոհության ինչ ալիք է բարձրանալու, որոշել են մինչեւ ապրիլ երկարաձգել ծրագիրը:

Գաղտնիք չէ, որ արցախցիների մեծ մասը հենց այդ աջակցության շնորհիվ է բնակվարձերը վճարում, ուստի դադարեցնելը կարող էր բունտի առիթ դառնալ։ Ապրիլից հուլիս էլ 30+10 հազարական դրամների ծրագիր կգործի, բայց միայն անչափահասների եւ կենսաթոշակառուների համար, իսկ հուլիսից դեկտեմբեր 30 հազարական դրամ կվճարեն։

Այսինքն՝ դադարեցնելու պրոցեսը դանդաղ են անում` քիչ-քիչ հաշտեցնելով պետությունից ոչինչ չստանալու իրողության հետ, որպեսզի բողոքի ալիք չբարձրանա։ Դա նշանակում է՝ 30 տարուց ավելի Արցախին ուղղված ՀՀ ֆինանսավորումը դադարեցվեց, եւ Փաշինյանի իշխանությունը նաեւ ֆինանսապես շահած դուրս եկավ Արցախի կորստից»:

Առավել մանրամասն թերթի այսօրվա համարում

https://iravunk.com/sim/?p=297033&l=am/

Այս թեմայով

Արցախցիների իրավունքները ոտնահարվել են Արցախում, հիմա խախտվում են Հայաստանում․ հավաք՝ Ազատության հրապարակում

Բլեֆարոպլաստիկա, ֆեյլսլիֆթինգ.Վաղը «Բժշկի մոտ»

Համաձայնեցվել է պաշտպանության ոլորտում Հայաստանի և Գերմանիայի համագործակցության 2025 թվականի ծրագիրը

Միշուստինը կարևորեց Տիգրան Սարգսյանի ծրագիրը. ԵԱՏՄ տարածքը՝ թվայնացման ճանապարհին

Այսօր Նիկոլը մի տառ անգամ չի ասել մեկ տարի առաջ արցախցիների գլխին եկածի մասին. Իլհամը փակել է Նիկոլի բերանը.Armenian info