Ինչու Նեթանյահուն թեժ պահին հեռացրեց Պաշտպանության նախարարին

Թե ինչու Նեթանյահում այդպես անակնկալ, այն էլ` պատերազմի թեժ պահին եւամեն պահ սպասվող իրանական հարվածի ֆոնին հեռացրեց Պատպանության նախարար Յոավ Գալանտին, դժվարանում են հասկանալ անգամ Իսրայելում: Եվ այն, որ հետեւեցին բողոքի ցույցեր, դրա վկայությունն է:

Ըստ իսրայելյան աղբյուրի, եթե պատճառը ռազմական անհաջողություններն են, ապա այդ հեռացումով Նեթանյահուն պարզապես խոստովանում է, որ պատերազմական գործերն այնքան էլ լավ չեն, ինչպես ինքն էր ներկայացնում: Այսինքն, հարվածը հասնելու է հենց Նեթանյահուին:

Աղբյուրի գնահատմամբ, այլ պատճառ պետք է փնտրել, եւ ամենահավանականն այն է, որ Գալանտը համարվում էր ԱՄՆ Դեմոկրատական ​​կուսակցության ուղղությամբ կողմնորոշված ​​անձնավորություն, մինչդեռ վարչապետ Նեթանյահուն ավելի մոտ է Թրամփին: «Ինչ է, Նեթանյահուն դեռ ամերիկյան ընտրությունները չավարտված, արդեն լավ պատկերացնո՞ւմ էր, թե ով է հաղթելու, եւ արագորեն իր քա՞յլն արեց»,- հռետորաբար հարցնում է աղբյուրը:

Ի դեպ, իսրայելյան Walla կայքը, հղում անելով Նեթանյահուին մոտ կանգնած աղբյուրներին, հայտնել է, որ նա մտադիր է պաշտոններից հեռացնել նաեւ Գլխավոր շտաբի պետ Հերզի Հալեվիին և Շին Բեթի ղեկավար Ռոնին Բարին։
Ինչ վերաբերում է արտգործնախարար Կացին Իսրայելի պաշտպանության նախարար նշանակելուն, ապա դա նախնական փուլում միայն տխուր կատակներ է առաջ բերել: Առավել եւս, երբ նա հասցրեց հայտարարել, որ իր նպատակը ՀԱՄԱՍ-ի, Հեզբոլլահի լիակատար ոչնչացումն է և Իրանի ամբողջական զսպումը: «Բարի ախորժակ, միայն թե չխեղդվես»,- գրել է համասանցային օգտանտներից մեկը:

Իսկ ահա ռուսական աղբյուրները հիշել են Կացի անվանակցին` Գայդայի վերջին ֆիլմից (Տեսանյութում):

Այս թեմայով «Ժողովուրդ». Արսեն Թորոսյանը նախարարին պաշտոնանկ անելու պլաններ ունի «Ժողովուրդ». Ինչու են ՔՊ-ականները Բաբկեն Թունյանի ԱԺ սենյակում «մինի խնջույք» են կազմակերպել Գերմանիայում բացահայտել են, թե ինչու Շոլցն անսպասելի այցելեց Կիև Ինչու կործանվեց B55 ինքնաթիռը Հայաստանում. հայտնի է իրական պատճառը ՌԴ պաշտպանության նախարարը գեներալ Սերգեյ Կիսելին հեռացրել է Սիրիայում ռուսական զորքերի հրամանատարի պաշտոնից