Ադրբեջանը «խաղաղության» դիմաց կարող է պահանջել ատոմակայանը փակել.Armenian info

Ատոմակայանի աշխատանքը խափանած կայծակը, պարզվում է, առիթ է տվել թուրքերին՝ կրկին արծարծելու Մեծամորի ատոմակայանի հարցը. Ադրբեջանի վերականգնվող էներգետիկայի փոխնախարարը զարմանք է հայտնել Հայաստանում ատոմակայանի անջատման կապակցությամբ և անհանգստություն հայտնել կիրառվող որոշ տեխնոլոգիաների վերաբերյալ: «Ազատ Եվրոպա/Ազատություն» ռադիոկայանին տված մեկնաբանությունում  նա հայտարարել է, թե ատոմակայանը կարող է չհամապատասխանել համաշխարհային չափանիշներին՝ ընդգծելով՝ վթարի դեպքում կտուժի ոչ միայն Հայաստանը։

Թուրքերի համար Մեծամորի ատոմակայանը կենսական կարևոության հարց է հանդիսանու, և սա հայտնի ճշմարտություն է. Հայաստանը վաղուց ֆիզիկապես ջնջված կլիներ, հայերն էլ նոր ցեղապսանության ենթարկված կլինեին, եթե այդ ատոմակայանը չլիներ: Բացի այդ՝ մի բան է  Հայաստան՝ ատոմակայանով, մեկ այլ բան՝ առանց ատոմակայանի, որի շնորրհիվ Հայաստանը կարող է նույնիսկ միջուկային զենք ունենալ:

Ինչպես հայտնի է, Արդբեջանը հայտարարում է, որ եթե ՀՀ-ն փոխի իր Սահմանադրությունը, ապա խաղաղության պայմանագիրը կկնքվի: բայց ակնհայտ է, որ Բաքուն, որը չունի խաղաղության նպատակ, հաջորդ իսկ պահին կարող է առաջ քաշել ատոմակայանի հարցը՝ հայտարարելով, թե եթե իսկապես Երևանը ցանկանում է խաղաղություն, ապա պետք է հրաժարվի ատոմակայանից: Նիկոլը պատրաստ կլինի՞ այդ մի պահանջն էլ բավարարել: Բայց կասկածող կա՞… 

ԱՄՆ-ն հայտարարել է Հայաստանին միջուկային էներգիայով ապահովելու պատրաստակամության մասին, ավելին՝ Հայաստանը դիմել է «123-րդ համաձայնագրին» միանալու, որի հաստատման պարագայում մեր երկիրը կարող է ստանալ ամերիկյան քաղաքացիական միջուկային տեխնոլոգիաներ: Շատերն այս պրոցեսը համարում են բավական վտանգավոր Մեծամորի ատոմակայանի ճակատագրի առումով՝ մեր ունեցածի ու հավանական ուենալիքի որակական տարբերությունն արձանագրելով:

Բացառված չէ, որ եթե ԱՄՆ-ն այս ոլորտում ՀՀ-ի հետ համագտործակցի, Նիկոլը դնի Մեծամորի ատոմակայանի փակման հարց, ինչը միմիայն կերջանկացնի թուրքերին: Նիկոլը դա կարող է անել, հանրությանն էլ խաբել, թե անում է, որպեսզի Հայաստանը խաղաղ ապրի: Վկան Տավուշի հանձնված հողերն ու բնակավայրերն են: 

Մինչդեռ Մեծամորի ատոմակայանի փակումը կարող է ազդակ դառնալ Թուրքիայի համար՝ ավարտին հասցնելու 2015-ին սկսածը: Եվ ո՞վ է այդ ժամանակ թուրքերին կանգնեցնելու. ինչքան Արցախում կանգնեցրեցին, այնքան էլ այստեղ են ստոպ տալու…

Այս թեմայով ՀՀ և Ադրբեջանի ղեկավարները դրական են տրամադրված, խաղաղության պայմանագիրը երկար սպասեցնել չի տա Ղազախստանը ողջունում է ՀՀ և Ադրբեջանի փոխադարձ քայլերն՝ ուղղված խաղաղության պայմանագրի կնքմանը. Տոկաև Փաշինյանն ու Ալիևը հայտնել են, թե «երբ կստորագրեն» խաղաղության պայմանագիրը Մենք պատրաստ ենք այս ամսվա ընթացքում խաղաղության պայմանագիր կնքել Ադրբեջանի հետ. Փաշինյան Երևանն ու Բաքուն պայմանավորվել են ակտիվացնել խաղաղության պայմանագրի նախագծի համաձայնեցման աշխատանքը