27 տարին լրացած ՀՀ 38 քաղաքացի ընդհանուր առմամբ վճարել է 532.5 մլն դրամ և ազատվել պարտադիր զինվորական ծառայությունից.Tert.am

27 տարին լրացած ՀՀ 38 քաղաքացի 532,5 մլն դրամ գումարի դիմաց ազատվել են պարտադիր զինվորական ծառայությունից և հաշվառվել են ՀՀ զինված ուժերի պահեստազորում: Այս մասին ի պատասխան Tert.am-ի գրավոր հարցմանը հայտնել են Պաշտպանության նախարարությունից:

Նախարարությունից նաև տեղեկացրել են, որ նշված 38 քաղաքացուց  3-ը «Զինվորական ծառայության և զինծառայողի կարգավիճակի մասին» ՀՀ օրենքի 19-րդ հոդվածի 1.1-րդ մասի կարգավորման շրջանակներում վճարել են 2.5 մլն ՀՀ դրամ, իսկ 35-ը՝ նույն հոդվածի 1.2-րդ մասի կարգավորման շրջանակներում՝ 15-ական մլն ՀՀ դրամ:

Վերը նշված 38 քաղաքացուց 3-ը գտնվել են Հայաստանի Հանրապետությունում, իսկ 35-ը՝ արտերկրում:

Նշենք, որ «Զինվորական ծառայության և զինծառայողի կարգավիճակի մասին» ՀՀ օրենքի 1.1-րդ հոդվածը սահմանում է.

«27 տարին լրանալուց հետո մինչև 37 տարեկան արական սեռի քաղաքացիները «Այլընտրանքային ծառայության մասին» Հայաստանի Հանրապետության օրենքով սահմանված ժամկետներում այլընտրանքային ծառայություն անցնելու փոխարեն Հայաստանի Հանրապետության պետական բյուջե վճարել երկու միլիոն հինգ հարյուր հազար Հայաստանի Հանրապետության դրամ եւ ազատվել պարտադիր զինվորական ծառայությունից»:

Նույն օրենքի 1.2րդ հոդվածը՝  «Սույն հոդվածի 1-ին մասով սահմանված տարիքը լրացած և սույն օրենքի կամ 2021 թվականի հունվարի 1-ին ուժը կորցրած «Զինապարտության մասին» Հայաստանի Հանրապետության օրենքի կամ «Այլընտրանքային ծառայության մասին» Հայաստանի Հանրապետության օրենքի պահանջների խախտմամբ շարքային կազմի պարտադիր զինվորական կամ այլընտրանքային ծառայություն չանցած արական սեռի քաղաքացիները կարող են մինչեւ 37 տարին լրանալը, իսկ պահեստազորի սպայական կազմի պարտադիր զինվորական ծառայություն չանցած արական սեռի քաղաքացիները մինչև 45 տարին լրանալն իրենց ցանկությամբ զորակոչվել շարքային կազմի կամ պահեստազորի սպայական կազմի պարտադիր զինվորական կամ այլընտրանքային ծառայության՝ 24 ամիս ժամկետով, կամ 12 ամիս ժամկետով՝ Հայաստանի Հանրապետության պետական բյուջե վճարելով երկու միլիոն հինգ հարյուր հազար Հայաստանի Հանրապետության դրամ»:

Նյութի աղբյուր՝ https://www.tert.am/am/news/2024/08/30/shtab/4171971

Այս թեմայով Ուկրաինայում զինվորական ապստամբություն է լինելու, Ժամանակը եկել է. Սոսկին (Տեսանյութ) Աննա Հակոբյանը հաջողակ տղամարդկանց բարեգործական ընթրիքի է հրավիրում. մասնակցության տոմսի արժեքը 1 միլիոն դրամ Շիրակի մարզպետ Մուրադյան Մուշեղի հայտարարագիրը. 12 անշարժ գույք, 24 մլն դրամ եկամուտ ու մոտ 156.000 դոլարի վարկ.Armenian info Դանակահարություն՝ Երևանում․ 32-ամյա տղամարդը տեղափոխվել է հիվանդանոց․ կասկածյալը Վրաստանի քաղաքացի է Պարտադիր զինվորական ծառայության զորակոչից տարկետում ստացողների համար փաստաթղթերի ներկայացման վերջնաժամկետը հոկտեմբերի 31-ն է