«Սևիլիան» այլ տարբերակով կփորձի թիմ հրավիրել Տիկնիզյանին

Իսպանական «Սևիլիան» մտադիր է Մոսկվայի «Լոկոմոտիվին» նոր առաջարկ անել Հայաստանի ազգային հավաքականի պաշտպան Նաիր Տիկնիզյանի տրանսֆերի վերաբերյալ, հաղորդում է ռուս ինսայդեր Իվան Կարպովը։

Ըստ աղբյուրի՝ «Լոկոմոտիվի» համար վարձակալության տարբերակն ընդունելի չէ. ռուսական ակումբում պատրաստ կլինեն քննարկել միայն վաճառքի հնարավորությունը:

Այդուհանդերձ, «Սևիլիան» նոր առաջարկ է պատրաստում և կարող է վճարովի դարձնել վարձակալությունը։   «Լոկոմոտիվն» այս տրանսֆերից ակնկալում է 8 միլիոն եվրո, մինչ դեռ Լա Լիգայի թիմը չի կարողանա վճարել 6 մլն եվրոյից ավելի:

Ավելի վաղ հաղորդվում էր, որ «Սևիլիան» ցանկացել է մինչև այս մրցաշրջանի ավարտն անվճար վարձակալել հայ ֆուտբոլիստին, իսկ 2025թ. ամռանը 5 միլիոն եվրոյի դիմաց գնել նրա տրանսֆերային իրավունքը: «Սևիլիան» այդ գումարը պետք է վճարեր մինչև 2027թ. հուլիս: 

Հավելենք, որ այս առնչությամբ իսպանական ակումբի ներկայացուցիչը մեկնաբանություն էր տվել, չհերքելով շրջնառվող լուրերը։

Այս թեմայով Հաճելի է, երբ քո ծառայություններով հետաքրքրված է այդպիսի ակումբ. Տիկնիզյան Գործընթաց կա. Տիկնիզյանը նոր պայմանագիր կկնքի Տիկնիզյանը վնասվածք է ստացել ու լքել խաղադաշտը բժիշկների օգնությամբ Մենք մեր հավաքականում մեր պատմությունն ունենք. Տիկնիզյանը` Վրաստանի հավաքականի հետ համեմատության մասին «Կրասնոդարը» խոշոր հաշվով հաղթեց «Լոկոմոտիվին». Սպերցյանը՝ գոլի հեղինակ(տեսանյութ)