Արթուր Վարդանյանին պատժում են, որովհետեւ մասնակցել է ընդդիմադիր շարժմանը. Մհեր Սահակյան

Խտրական վերաբերմունք չպետք էլինի: Օրենքը պետք է գործի բոլորի համար: Այսինքն` եթե նույն գործով, նույն հոդվածովմարդիկ այժմ ազատության մեջ են, նույնիրավունքներից պետք է օգտվի նաեւ«Համահայկական ազգային պետականություն» կուսակցության նախագահ ԱրթուրՎարդանյանը, ով դատապարտվել է 9 տարի, 2 ամիս ժամկետով` 9 տարի առաջ հարուցված մի գործով: Այս մասին «Իրավունք»-ի հետ զրույցում ընդգծեց ԱԺ «Հայաստան» խմբակցության պատգամավոր ՄՀԵՐ ՍԱՀԱԿՅԱՆԸ:

— Դուք եւ Ձեր գործընկերներն օրերս «Արմավիր» քրեակատարողական հիմնարկումհանդիպում եք ունեցել մի շարքկալանավորված անձանց հետ։ Ի՞նչ փակագծեր կարող եք բացել:

— Կարծում եմ, որ այնքան էլ դա հրապարակման ենթակա չէ։ Պարզապես այն, ինչի մասին պետք է խոսվեր, արդեն բարձրաձայնվել է, եւ ինչ-որ նորություն չեմ ասելու։

— Այդ թվում` Դուք տեսակցել եք ՀԱՊ կուսակցության նախագահ Արթուր Վարդանյանին: Ի՞նչ կարող եք ասել նրա առողջական վիճակի վերաբերյալ:

— Արթուր Վարդանյանն առողջական շատ խնդիրներ ունի։ Պարզապես, պատժում են այդ մարդուն եւ որեւէ այլ ավելացնելու բան չկա։ Միայն պետք է հիշենք, որ նա մասնակցել է ընդդիմադիր շարժմանը եւ կոնկրետ այդ պատճառով վերջինիս պատժում են։ Ո՛չ մի իրավական, ո՛չ մի բարոյական չափանիշներ չկան։

— Կարծում եք` շարժման ընթացքում նրաբավական ակտիվ մասնակցությո՞ւնն է եղելպատճառը, որ հապշտապ զրկեցին ազատությունից:

— Միանշանակ այդպես է։ Իրենց գործով, կարծես թե, նաեւ համաներմամբ բոլորն ազատված են։ Միայն նրան պահեցին կալանքի տակ եւ հաշվի չառան անգամ նրա առողջական լուրջ խնդիրները։

— Շարժման ընթացքում նաեւ այլ կալանավորներ կան, որոնց տեսակցել եք: Ինչպիսի՞ տրամադրություններ էին տիրում նրանց շրջանում:

— Կարող եմ ասել, որ շատ վստահ են իրենց վրա, ոչ մի հուզվածություն չկա իրենց մոտ։ Հատկապես իրենց նկատմամբ ցուցաբերած քաղաքական հալածանքները հաշվի առնելով։ Վստահ եմ եւ մեկ անգամ եւս ասում եմ, որ ոչ մի բարոյական եւ իրավական չափանիշ չկա այդ մարդկանց նկատմամբ ցուցաբերած վերաբերմունքի համար։ Կոնկրետ Արթուրի հետ կապված՝ նրա առողջական վիճակը, ընտանեկան կարգավիճակը, գործի առանձնահատկությունները, ոչինչ նկատի չեն ունենում։

—Ընդհանրապես ինչպե՞ս եք վերաբերվում, որ շարժման օրերին ակտիվություն դրսեւորելու համար 9 տարի առաջ հարուցված գործով մարդուն ազատությունից զրկել են հիմա` այն էլ 9 տարով:

— Շատ վատ եմ վերաբերվում այդ ամենին։ Այս ամենն իրենց կողմից դրսեւորած անբարոյականություն կարող եմ միայն որակել։

— Պարոն Սահակյան, կարո՞ղ ենք ասել, որ սա ակնհայտ քաղաքական հետապնդում է։

— Միանշանակ կարող ենք հենց այդպիսի որակում տալ այս ամենին, քանի որ այլ բան ես ինքս եւս չեմ տեսնում։

ԴԻԱՆԱ ՄԱՆՈՒԿՅԱՆ

Այս թեմայով «Ուկրաինան դատապարտված է». արևմտյան քաղաքական գործիչները հաշտվել են. ամերիկյան քաղաքագետ Թե՛ Փաշինյանի, թե՛ Էրդողանի մոտ լարվածություն կար. Անդրանիկ Իսպիրյան Մհեր Սեդրակյանի որդու ընկերությունը 1,9 մլն դոլարի պայմանագիր է կնքել ԿԳՄՍՆ-ի հետ. Հետք Մեծ հարց է, թե կոնկրետ որ թվականի պատվերն է լինելու սահմանազատման փուլում. Արա Պողոսյան Իրանում լուրջ բողոքի ալիք է հասունանում ընդդեմ նախագահ Մասուդ Փեզեշքիանի քաղաքական կուրսի (Տեսանյութ)