Մեսսիին ներողություն խնդրելու կոչ անելու համար փոխնախարարին ազատել են աշխատանքից

Արգենտինայի նախագահ Խավիեր Միլեյան աշխատանքից ազատել է երկրի սպորտի փոխնախարար Խուլիո Գարոյին, հայտնում է նախագահի գրասենյակը: 

Խուլիո Գարոն աշխարհի չեմպիոն Արգենտինայի հավաքականի ավագ Լիոնել Մեսսիին կոչ էր արել ներողություն խնդրել թիմի պահվածքի համար: Փոխնախարարը նշել էր, որ ճիշտ չէր Ֆրանսիայի ազգային հավաքականի հասցեին ռասիստական ​​վանկարկումներ կատարելը: Այդ հայտարարությունը բարկացրել է երկրի ղեկավարությանը: 

«Ոչ մի կառավարություն չի կարող թելադրել Արգենտինայի հավաքականին՝ Աշխարհի չեմպիոնին և Ամերիկայի կրկնակի գավաթակրին, կամ որևէ այլ քաղաքացու։ Այդ պատճառով Խուլիո Գարրոն դադարում է զբաղեցնել Արգենտինայի սպորտի փոխնախարարի պաշտոնը»,- նշված է Արգենտինայի նախագահի հայտարարության մեջ: 

Ավելի վաղ ՖԻՖԱ-ն հետաքննություն էր սկսել Արգենտինայի հավաքականի այն ֆուտբոլիստների նկատմամբ, որոնք Կոպա Ամերիկան հաղթելուց հետո վիրավորական արտահայտություններ են թույլ տվել Ֆրանսիայի հավաքականի խաղացողների հասցեին։ 

Այս թեմայով Հայաստանի ազգային հավաքականի առաջատարներից մեկը կարող է բաց թողնել Ազգերի լիգայի առաջիկա խաղերը Հայաստանի հավաքականի հերթական մարզումը (տեսանյութ) Ռոնալդուն համաշխարհային ֆուտբոլում հերթական ռեկորդն է սահմանել Ազգերի լիգա․ Հայաստանի հավաքականի կազմը Մեսսին գեղեցիկ գոլի հեղինակ դարձավ և փրկեց իր թիմին պարտությունից (տեսանյութ)