Փաշինյանի նախկին խոսնակի փարիսեցիությունը եկավ ապացուցելու, որ նախկին նիկոլական չի լինում

Նիկոլ Փաշինյանի նախկին խոսնակ ՄԱՆԵ ԳԵՎՈՐԳՅԱՆԸ, որը նաեւ աշխատել է «Ավրորա» մրցանակաբաշխության շրջանակում Արցախի նախկին պետնախարար Ռուբեն Վարդանյանի հետ, հայտարարել է, թե ցավում է, ընդունում է բոլոր մեղադրանքները ու գիտակցում, որ ինքն էլ է մեղավոր: Նա կոչ է արել իր նախկին կոլեգաներին ցուցաբերել հանդուրժողականություն եւ սրտացավություն մեր հայրենակիցների նկատմամբ՝ անկախ ամեն ինչից: Այս հայտարարությունից նույնիսկ կարելի էր հուզվել, եթե փարիսեցիության հերթական դրսեւորումը չլիներ, ինչը պարզվեց ասվածից շատ կարճ ժամանակ անց:

Հանդուրժողականություն, միմյանց ներելու մասին բարոյահոգեբանական ճառ ասող Մանեն եկավ ապացուցելու, որ նախկին նիկոլական իրականում չի լինում: Սույն հայտարարության տակ քառօրյա եւ 44-օրյա պատերազմների մասնակից, սփյուռքահայ ՀԱԿՈԲ ՊԷՐՊԷՐԵԱՆԸ հետաքրքրվել էր, թե պատրաստվում է իր դեմ բողոքը հետ վերցնել, եթե իր սխալը գիտակցում ու զղջում, ինչին ի պատասխան՝ Մանեն նշել է, թե՝ ոչ:

Հիշեցնենք, որ 2020 թվականի նոյեմբերի 10-ի հայտնի իրադարձությունների ժամանակ միջադեպ էր տեղի ունեցել կառավարության շենքում՝ դեռեւս Փաշինյանի խոսնակ Մանե Գեւորգյանի եւ պատերազմից նոր վերադարձած Հակոբ Պէրպէրեանի միջեւ, ինչի հետ կապված հարուցվել է քրեական գործ: Այս մասին «Իրավունքի» հետ զրույցում Հ. Պէրպէրեանը պատմել էր հետեւյալը. «Նոր էի վերադարձել Արցախից Հայաստան: Մեզ հրամանատարն ասաց` գնացեք, երկու օր հանգստացեք, թարմացեք, հետ եք վերադառնալու: Երեկոյան 20:00-ին հասա Երեւան, հրապարակով անցնում էի, երբ տեսա մարդիկ են հավաքված, եւ այնտեղ իմացա, որ ինչ-որ ստորագրություն է տեղի ունեցել, հողերը հանձնվել են: Իջա, որ տեսնեմ` ինչ է կատարվում, հանդիպեցի Նիկոլ Փաշինյանի խոսնակ Մանե Գեւորգյանին: Դե, բնական է, պատերազմից ես վերադարձել ու լսում ես, որ հողերը հանձնել են, հո ծաղկեփունջ չէի նվիրելու իշխանության ներկայացուցչին: Իր դեմքին թքեցի եւ ասացի, որ Դուք մեզ դավաճանել եք, մենք ուզում էինք պատերազմը շարունակվի, ոչ թե այս պայմաններով կանգնեցվի: Եթե պետք էր կանգնեցվեր, ապա ավելի վաղ թող կանգնեցնեին: Այդ դեմքին թքելը սկզբում սարքեցին իշխանությունը զավթելու փորձ, հետո տեսան, որ իրենք էլ չեն կարողանում այդ հոդվածի տակից դուրս գալ, փոխեցին հոդվածը` ներկայացնելով զանգվածային անկարգությունների մասնակից: Այդ քրեական գործը մինչեւ հիմա ընթանում է»:

ՀՐԱՆՏ ՍԱՐԱՖՅԱՆ

Այս թեմայով Մարդն իր տանը նստած է, բայց իր կապիտալն աճում է․ Փաշինյան ՀՀ ոչ մի քաղաքացի իր ընտանիքի համար չի ծախսում ավելին, քան ծախսում է պետբյուջեն. Փաշինյան Ամեն ինչ արված է, որ պետություն չլինի՝ գուբերնիա, ֆորպոստ, տարածք, բայց ոչ պետություն․ Փաշինյան (տեսանյութ) Տունը չի տաքանում․ Փաշինյանը բողոքեց կառավարական կեցավայրի ջեռուցումից (տեսանյութ) Մծբնա Հայրապետի տոնին պատարագ կմատուցվի Սուրբ Հակոբ եկեղեցում