Պատերազմը սպասվում է Սյունիքում, Վայոց ձորում, մինչեւ անգամ` Արարատում. Հարությունյան
ՆերքաղաքականԸստ «Հայրենիք» կուսակցության անդամ ԲԱԲԿԵՆ ՀԱՐՈՒԹՅՈՒՆՅԱՆԻ` պարբերաբար սահմաններում թշնամու կողմից լինում է սադրանք եւ ագրեսիա, ու այն էլի է լինելու, քանի որ այս իշխանությունը չի կարողացել մեր բանակը, մեր արտաքին քաղաքականությունը բերել այն մակարդակին, որպեսզի թշնամին չհամարձակվի նման սադրանքների գնալ:
— Նոր պատերազմի հավանականությունը շատ մեծ է: Ու շատ ավելի լայնամասշտաբ պատերազմ է սպասվում, ինչը կարծում եմ` շատ քչերը կվիճարկեն: Ուզում եմ հատուկ շեշտել մեր այն քաղաքացիների համար, որոնք կարծում են, թե պատերազմը էլի լինելու է Արցախի տարածքում: Ո՛չ, այս անգամ պատերազմը սպասվում է Սյունիքում, Վայոց ձորում, մինչև անգամ` Արարատում: Աստված մի արասցե, եթե այդ սցենարն ամեն դեպքում լինի, ինչի հավանականությունը շատ մեծ է, պարզ է, որ ուղղակի այդ պատերազմի հետեւանքները տեսնելու են նաեւ Երեւանում: Գիտեմ, հիմա շատերը կասեն, թե այս ի՞նչ սցենարներ են, ինչպե՞ս կարող է այդպիսի բան լինել, բայց ամեն ինչ գնում է դրան:
ՀՐԱՆՏ ՍԱՐԱՖՅԱՆ
https://iravunk.com/sim/?p=242835&l=am/