Ինչպես արագ նվազեցնել սրտի զարկերի հաճախականությունը
ՀասարակությունԱրագ անոթազարկն ու սրտխփոցը կարող են պայմանավորված լինել տարբեր պատճառներով, ուստի մինչ խնդրի դեմ պայքարելը հարկավոր է պարզել դրա պատճառը, սակայն եթե չափազանց արագ անոթազարկն անհանգստացնում է առանց որևէ պատճառի, ապա կան որոշ պարզ միջոցներ այն արագ կարգավորելու համար։ Բժիշկ Արկադի Վերտկինը «Доктор Питер» պորտալի հետ զրույցում ներկայացրել է այդ միջոցներից մի քանիսը։
Մասնագետի խոսքով՝ չափազանց արագ անոթազարկը կարող է հուշել վահանագեղձի կամ սրտամկանի հետ կապված լուրջ խնդիրների մասին, սակայն եթե առողջական խնդիրներ չկան, ապա սրտի զարկերկի հաճախականությունը կարելի է նվազեցնել հասարակ ջրի օգնությամբ։
«Հարկավոր է մի բաժակ ջուր վերցնել ու խմել այն մանր կումերով կամ արհեստականորեն փռշտոց, հազ, փսխում կամ վախ առաջացնել։ Սա կօգնի նվազեցնել սրտի զարկերի հաճախականությունը», - նշել է մասնագետը՝ հավելելով, որ անոթազարկը կարող է դանդաղել նաև քիթը մատներով փակելու և արտաշնչելու փորձ անելու դեպքում։
Միևնույն ժամանակ բժիշկը խորհուրդ չի տվել զբաղվել ինքնաբուժությամբ ու առանց բժշկի նշանակման չարաշահել սրտի զարկերի հաճախականությունը նվազեցնող դեղորայքը, քանի որ դա կարող է շատ վտանգավոր լինել։
https://iravunk.com/sim/?p=242746&l=am/