Կատարում ընթացող աշխարհի առաջնության D խմբում ավարտվեց պայքարը:
Վերջին՝ երրորդ տուրում Ավստրալիայի հավաքականը 1-0 հաշվով հաղթեց Դանիային, Թունիսը նույն հաշվով առավելության հասավ ֆրանսիացիների նկատմամբ:
Ավստրալիա - Դանիա խաղում 60-րդ րոպեին հաշիվը բացեց կիսապաշտպան Մեթյու Լեքին: Այս գոլը դարձավ հաղթական ավստրալացիների համար:
Թունիս - Ֆրանսիա հանդիպման միակ գոլը 58-րդ րոպեին խփեց աֆրիկյան հավաքականի և ֆրանսիական «Մոնպելյեի» հարձակվող Ուահբի Ղազրին:
Ֆրանսիացիների կազմում ավելացված ժամանակի 8-րդ րոպեին գոլ խփեց Մադրիդի «Աթլետիկոյի» հարձակվող Անտուան Գրիզմանը, սակայն գնդակը չեղարկվեց խաղից դուրս վիճակի պատճառով:
Այսպիսով, այս խմբից աշխարհի գործող չեմպիոն Ֆրանսիայի հավաքականի հետ 1/8 եզրափակիչ դուրս եկավ նաև Ավստրալիան:
Ֆրանսիան առաջին տեղը զբաղեցրեց (6 միավոր) D խմբում, երկրորդ տեղը նույնպես 6 միավորով զբաղեցրեց Ավստրալիան:
Թունիսը չորս միավորով և Դանիան մեկ միավորով ավարտեցին ելույթները Կատար-2022-ում: