Ունե՞նք գործնական մեխանիզմներ, որպեսզի հակազգային համաձայնագիր չվավերացվի. Ալվինա Գյուլումյան
ՏեսանյութերՍահմանադրական դատարանի եւ Մարդու իրավունքների եվրոպական դատարանի նախկին դատավոր ԱԼՎԻՆԱ ԳՅՈՒԼՈՒՄՅԱՆԻ կարծիքով` այսօր պետք է մի հարցի պատասխան տալ. արդյո՞ք ունենք այն Սահմանադրությունը, գործնական մեխանիզմներն ու միջոցները, որի պայմաններում, իրոք, հնարավոր է, որպեսզի որեւէ համաձայնագիր, որը կհակասի մեր ազգային, պետական շահին, չվավերացվի: Թե՞ ցանկացած պայմանագիր, որքան էլ այն մեր տեսանկյունից հակասի Սահմանադրությանը, կգնա անմիջապես վավերացման:
— Այս հարցի պատասխանը, ցավոք, ինձ համար մի փոքր լավատեսական չէ, երբ Սահմանադրության մեջ կա «կայուն մեծամասնություն» եզրույթը, որը երաշխիք է իշխող քաղաքական ուժի համար, որպեսզի ցանկացած որոշում ինքնուրույն ընդունեն: Ես ՍԴ-ում փորձել եմ այնպես վարվել, որպեսզի պաշտպանված լինի մեր ազգային շահը: Բայց Սահմանադրական դատարանի նկատմամբ հարձակումն առաջին իսկ պահից ինձ մի եզրահանգման բերեց, որ սա արվում է հնարավոր ինչ-որ պայմանագիր վավերացնելու համար: Չէի մտածում, իհարկե, որ այն պետք է լինի պատերազմից հետո, բայց մտածում էի, որ ինչ-որ մի պայմանագիր է լինելու, որի համար մեծամասնություն է պետք: Համենայնդեպս, Սահմանադրական դատարանի նկատմամբ այդ հարձակման արդյունքում հնարավոր եղավ մեկուսացնել երկու դատավորների:
ՀՐԱՆՏ ՍԱՐԱՖՅԱՆ
https://iravunk.com/sim/?p=242377&l=am/