ԱԺԲ-ին համարում է ահաբեկչական հիմքի վրա ստեղծված խմբավորում
Տեսանյութեր2111Hrant-4+
Ծռերի ԱԺԲ-ն այսօր, որպես ՀԱՊԿ գագաթնաժողովի անցկացման դեմ բողոքի առաջին արար, որոշել է երեկոյան հավաքվել ու իր հակազդեցությունը ցույց տալ, իրենց որակավորմամբ, «Հայաստանի նկատմամբ թշնամաբար տրամադրված ՀԱՊԿ երկրների ղեկավարների, մասնավորապես՝ ՌԴ նախագահ Վլադիմիր Պուտինի մուտքին մեր երկիր»: Անդրադառնալով վերոնշյալին` «Իրավունք TV»-ի տաղավարում «Մեկ առողջություն» կոալիցիայի ղեկավար, 44-օրյա պատերազմի մասնակից ԳՐԻԳՈՐ ԳՐԻԳՈՐՅԱՆԸ նախեւառաջ ասաց, որ ԱԺԲ-ին համարում է ահաբեկչական հիմքի վրա ստեղծված խմբավորում, որն ակնհայտորեն գործում է երկրորդ պետության շահերում եւ որեւէ աղերս չունի Հայաստանի այսօրվա դե յուրե գոյություն ունեցող հանրապետության եւ Արցախի շահերի ու անվտանգության հետ:
— Նրանք ակնհայտորեն կատարում են պատվեր: Եթե նախկինում փորձում էին քողարկել իրենց քայլերը հայրենասիրությամբ, հիմա արդեն, երբ մեր բնակչության մեծ մասը հասկացել է, թե ովքեր են, անթաքույց ստանձնել են օտար երկրի կամքի կատարողի դերակատարությունը: Ես համարում եմ, որ նրանց գործունեությունն ուղղակի եւ անուղղակի ողջունվում է մեր երկրում իշխանությունը բռնազավթած խմբավորման կողմից: Ինչու ոչ, չեմ բացառում նաեւ, որ կարող է ինչ-որ լոկալ եւ քողարկված խողովակներով նույնիսկ օգնում են այս խմբավորման որոշ անդամների: Անթույլատրելի եմ համարում նման կեցվածքը, մանավանդ ՌԴ նախագահի այցի կապակցությամբ: Սա սադրանք է` ուղղված Հայաստանի եւ Արցախի շահերի դեմ:
— Թերեւս միայն ԱԺԲ-ն է մնացել փողոցում հավաքներ իրականացնող` անկախ նրանից, թե ինչ օրակարգով: Ի՞նչ եք կարծում` մինչեւ տարեվերջ փողոցում իրավիճակ գեներացնող այլ նախաձեռնություններ կլինե՞ն:
— Ոչինչ չեմ բացառում, իրավիճակն այնպես արագ է զարգանում, որ շատ հնարավոր են ոչ ստանդարտ լուծումներ, որոշումներ, մոտեցումներ: Ի վերջո, հայտնվել ենք մի իրավիճակում, որտեղ ամենակարեւորն այս հայրենադավ իշխանությանը ղեկից հեռացնելն է: Եվ դրա համար եթե կան էֆեկտիվ մոթոդներ, ինձ թվում է` դրանք հիմնավորված են: Պետք է մի կողմ թողնել փարիսեցիությունը, թե` օրենքով, սահմանադրությամբ հնարավոր է իշխանություն փոխել: Այսօր օրհասական վիճակում ենք ու կանգնած ենք գոյաբանական վտանգի առաջ, իսկ եթե դեռ կան նման հայտարարություններ անողներ, ուրեմն` կա՛մ պարզապես հիշեցնում են իրենց մասին, որ դեռ գոյություն ունեն, կա՛մ ջուր են լցնում այս հայրենադավների ջրաղացին ու ինչ-ինչ պայմանավորվածությունների մեջ են նրանց հետ , ինչը թերեւս հետագայում կիմանանք:
ՀՐԱՆՏ ՍԱՐԱՖՅԱՆ
https://iravunk.com/sim/?p=242114&l=am/