Ընդդիմությունը խորհրդարան կվերադառնա մասնակի
ՆերքաղաքականԱԺ «Հայաստան» խմբակցության պատգամավոր ԳԵՂԱՄ ՄԱՆՈՒԿՅԱՆԸ, անդրադառնալով տիտղոսային ընդդիմության խորհրդարան վերադառնալ-չվերադառնալու չարչրկված թեմային, ընդգծեց, որ իրենք խորհրդարանից չէին հեռացել, որ հիմա էլ վերադառնան: Բայց, այդուհանդերձ, թե ինչ վերջնական որոշում են կայացրել, մանրամասնեց, որ պարզապես ԱԺ լիագումար նիստերին չեն մասնակցելու, կմասնակցեն բոլոր այն հարցերին, որոնք համարում են իրենց օրակարգը, որը վերաբերում է ազգային, անվտանգային, ռազմավարական, Արցախի հարցերին:
— Պետք է հիշեցնեմ նաեւ, որ խորհրդարանի բոյկոտի մասին հայտարարություն եղավ, որը ոչ թե պատահական, ինչ-որ մեկ օր որոշեցինք, այլ ԱԺ-ում նախաձեռնեցինք արտահերթ նիստ՝ հայտարարություն ընդունելու համար, որովհետեւ նախանշում էինք այն բոլոր «կարմիր գծերը», որոնք վերաբերում էին բանակցային գործընթացին, եւ մեր գործիքակազմում շարունակում է մնալ նիստեր հրավիրելու հարցը: Նախորդ քառօրյային, կարծում եմ, որեւէ մեկի համար զարմանալի կամ անակնկալ չէր, որ «Հայաստան» խմբակցության շատ պատգամավորներ մասնակցեցին հայտարարության ժամին՝ հանդես գալով հայտարարություններով, որն էլ իշխանությունը ձեւախեղում է՝ ներկայացնելով, թե Զատուլինին էր նվիրված: Այնպես չէ, որ մեր ֆրակցիան միշտ 29 հոգով է ներկա լինելու, պայմանական եմ ասում, եթե, օրինակ, վաղը գանք նիստերին, ապա Արմեն Ռուստամյանը ներկա չի լինելու, որովհետեւ նա գործուղման է: Ֆրակցիայում որոշումը միասնաբար են կայացնում, եւ բոլորի համար է պարտադիր:
ՀՐԱՆՏ ՍԱՐԱՖՅԱՆ
https://iravunk.com/sim/?p=241580&l=am/