Եթե մեծ ռուս-թուրքական պատերազմ լինի, Հայաստանից ոչինչ չի մնա. Հայկ Բաբուխանյան (aravot.am)

Ներքաղաքական

«Մեր նպատակը վերջին տարիներին Հայաստանի կորցրած տարածքների վերականգնումն ու ինքնիշխանության ամրապնդումն է»,- Հայաստանում Ռուսաստանի դեսպանության մոտ կայացած ցույցի ժամանակ լրագրողների հետ զրույցում ասաց նախկին պատգամավոր, «Ուժեղ Հայաստան Ռուսաստանի հետ. հանուն նոր միության» շարժման համակարգողներից Հայկ Բաբուխանյանը։

Հիշեցնենք՝ շարժման անդամներն ու աջակիցները այսօր ցույց էին կազմակերպել Հայաստանում Ռուսաստանի դեսպանատան մոտ, որի ժամանակ դեսպանատանը փոխանցեցին Աջակցության հռչակագիր։

Ի պատասխան լրագրողների՝ հայ-ադրբեջանական բախումներում Ռուսաստանի միջամտության հետ կապված հարցի, Հայկ Բաբուխանյանը պատասխանեց, որ եթե մինչ օրս Ադրբեջանը չի գրավել Արցախի մնացյալ մասը, ապա դրա երաշխավորը ռուսական խաղաղապահ ուժերն են. «Նիկոլի գործողությունների, թուրք-ադրբեջանական ագրեսիայի հետեւանքով, որը սնուցվում է ՆԱՏՕ-ից, Միացյալ նահանգներից և Անգլիայից, մենք կորցրել ենք տարածքներ։ Այն, ինչ պահպանվել է, եղել է բացառապես ռուսական խաղաղապահ զորքերի շնորհիվ։ Մեր սեփական ուժերը բավարար չեն ագրեսիային դիմակայելու համար։ Ցավոք, նույն բանը կարելի է ասել Հայաստանի այն սահմանային հատվածների համար, որտեղ ռուսական խաղաղապահ զորքեր տեղակայված չեն»։

Հայկ Բաբուխանյանը պնդեց, որ «նիկոլյան» իշխանության շնորհիվ հայոց բանակն ի զորու չէ միայնակ դիմակայել թուրք-ադրբեջանական ագրեսիային, իսկ մեր միակ գործնական աջակիցը Ռուսաստանն է։ Նա նշեց, որ իրենց գլխավոր նպատակը հայ-ադրբեջանական սահմանին ռուսական խաղաղապահ զորքերի տեղակայմանը հասնելն է. «Եթե մեծ ռուս-թուրքական պատերազմ լինի, եթե թեկուզ Ռուսաստանը հաղթի, միևնույն է, Հայաստանից ոչինչ չի մնա, դրա համար պետք է հենց այսօր դիվանագիտական ճանապարհով մենք մեր խնդիրը լուծենք։ Մենք պետք է ռուսների հետ նոր պայմանագիր կնքենք, որով նրանք իրավունք կունենան կանգնել մեր սահմաններին»։

Հայկ Բաբուխանյանը հիշեցրեց, որ Ռուսաստանը մեզ զենք տալիս էր, վաճառում էր, նվիրում էր մինչև Նիկոլ Փաշինյանի իշխանության գալը. «Վարչապետը խոստովանեց, որ այնքան անտաղանդ է, որ փող ունի, բայց իրեն զենք չեն տալիս։ Մինչև 2018 թվականը նման բան չկար, չկա նաև հիմա, Ռուսաստանը շարունակում է Հայաստանին ռազմատեխնիկական աջակցության տրամադրումը»։

Հայկ Բաբուխանյանն իր խոսքն ամփոփեց այն պնդմամբ, թե մեր երկրի փրկությունը մեկն է. Հայաստանը և Արցախը պետք է միանան Ռուսաստան-Բելառուս միութենական պետությանը։  

Նելլի ԳՐԻԳՈՐՅԱՆ

Ամբողջական հոդվածը կարող եք կարդալ այս հասցեով՝ aravot.am:

https://iravunk.com/sim/?p=236887&l=am/
Մենք զգացինք դաշնակցի ուսը. Հայկ Բաբուխանյան Սեւաստոպոլի պետհամալսարանում Հայաստանի թեման էր Սեվաստոպոլի պետական համալսարանը հայտարարում է նախապատրաստական դասընթացների սկիզբ Հայաստանում Շնորհավորանք «ԱՌԱՋ ԱՐՑԱԽ» ՀԱՅՏԱՐԱՐՈՒԹՅԱՆԸ ՄԻԱՑԱՎ «ԱԶԳԻ ՁԱՅՆ» ԿՈՒՍԱԿՑՈՒԹՅՈՒՆԸ Այսօր դա է ջրբաժանը` կո՞ղմ ես, թե դեմ վաշինգտոնյան «խաղաղության պայմանագրին» ՍԻՄ նախագահ, «Ուժեղ Հայաստան Ռուսաստանի հետ. հանուն նոր միության» շարժման ղեկավար Հայկ Բաբուխանյանի խոսքը անկախության 31-ամյակի առթիվ Ակնհայտ էր, որ Աղավնոն և Լաչինը ստանալուց հետո Ալիևը ռազմական գործողություններ է սկսելու Սյունիքում Տ․ Տ․ Ներսես Ե Աշտարակեցի կաթողիկոսի դերը 19-րդ դարի հայ-ռուսական հարաբերությունների ամրապնդման գործում «Սահմանադրական Իրավունք» Միության Ներկայացուցիչների նիստը ընդունել է բանաձեւ Հակառուսական  պատվերով համերգի բազմազան կատարողների կախկանձանքի մեջ ավելացավ եւս մեկը Հ. Բաբուխանյանը առաջարկեց Եվրասիական կրթական հաջորդ ֆորումը անցկացնել Հայաստանում Մասիսում «Դրուժբա» -ի բարեկամության մթնոլորտում նշվում էր երեխաների տոնը Առաջին Հանրապետության դասերը. կլոր սեղանի ԲԱՆԱՁԵՎ Երկիրը վաճառքի ծրագրի սպասարկողները այսօր իրենց փորձում են դրսեւորել որպես անկախության եւ ինքնիշխանության պաշտպաններ