Կադրային խնդիրներ «Ռոմայում». Մխիթարյանը ռիսկի կգնա՞
Սպորտ
Մայիսի 25-ին Ալբանիայի մայրաքաղաք Տիրանայում տեղի կունենա Կոնֆերենցիաների լիգայի խաղարկության եզրափակիչը։
«Ռոմայի» համար անչափ կարեւոր եզրափակչին մի քանի օր է մնացել, սակայն դեռ Հենրիխ Մխիթարյանի մասնակցությունը խաղին հարցականի տակ է, թեեւ վերջինիս ապաքինման ընթացքը տեղի է ունենում ըստ նախատեսվածի։ Բացի այս, հռոմեական ակումբը կարծեք թե նոր խնդիրներ ունի. Թիմի կիսապաշտպան Նիկոլո Ձանիոլոն և գանացի հարձակվող Ֆելիքս Աֆենա-Գյանը բացակայել են Ա Սերիայի 37-րդ տուրի՝ «Վենեցիայի» դեմ տնային խաղում «Ռոմայի» հայտացուցակից եւ ըստ Il Tempo պարբերականի երկու խաղացողներն էլ վնասվածքի վտանգ ունեն։
Պարբերականը նշում է, որ կադրային նոր խնդիրների պարագայում «Ռոմայի» բժշկական անձնակազմը կփորձի արագացնել թիմի հայ կիսապաշտպան Հենրիխ Մխիթարյանի ապաքինման գործընթացը, որպեսզի ֆուտբոլիստը պատրաստ լինի Կոնֆերենցիաների լիգայի եզրափակիչին: Նշենք, նաեւ որ Մխիթարյանն ինքն էլ ամեն բան անում է վերոհիշյալ հանդիպմանը խաղադաշտում լինելու համար, սակայն ակումբի բժշկական անձնակազմը չէր պլանավորում ռիսկի դիմել եւ վտանգել Մխիթարյանի առողջությունը, սակայն կադրային խնդիրների դեպքում, հնարավոր է եւ իրադարձությունների այլ ընթացք լինի։
https://iravunk.com/sim/?p=227063&l=am/