ՍԻՄ կուսակցության համար միակ եւ անփոխարինելի նպատակը մնում է ուժեղ Հայաստանի, ներառյալ Արցախը, կառուցումը

Տեսանյութեր

Երեկ, օգօստոսի 18-ին, տեղի ունեցավ  «Սահմանադրական Իրավունք Միություն» կուսակցության Ներկայացուցիչների խորհրդի նիստ: Նիստին ներկա էին  կուսակցության նախագահության անդամները, մարզային կառույցների ղեկավարները, Երեւանի  համայնքային կազմակերպությունների պատասխանատուները:

Նիստին զեկույցով հանդես եկավ կուսակցության նախագահ Հայկ Բաբուխանյանը: Նա նշեց, որ կուսակցությունը հետեւողականորեն  իրականացնում է իր գաղափարական ծրագիրը: Նա ներկայացրեց ՍԻՄ-ի մոտեցումը ընտրություններին եւ ետընտրական շրջանին, ինչպես նաեւ ապագայի տեսլականը:

Ինչ վերաբերվում է ԱԺ արտահերթ ընտրություններին ՍԻՄ կուսակցության չմասնակցությանը, ապա  ՍԻՄ առաջնորդը նշեց, որ. «Մենք չմասնակցեցինք ընտրություններին, որովհետեւ այդ ընտրությունները ի սզբանե դատապարտված էին»: Ընտրություններին մասնկացելը, ըստ նրա, Նիկոլի խաղի կանոններն ընդունելն էր նշանակում,  իր բոլոր բացասական հետեւանքներով հանդերձ: ՍԻՄ նախագահը անդրադարձավ նաեւ ձայն փոշիացնող կուսակցություններին նշելով, որ . «Մի խուրձ փոշիացնողներ, կամա թե ակամա, խաղացին Նիկոլի օգտին: Նրանք նաեւ հիասթափեցրին ընտրողներին»: Հ. Բաբուխանյանը ընտրությունները անվանեց խեղկատակություն. «Չմասնակցելով այդ խեղկատակությանը մենք մնացինք մաքուր, միաժամանակ առաջարկելով մեր ծրագիրը»:

Միաժամանակ ՍԻՄ-ը մնում է իր այն քաղաքական ուղղու մեջ, ըստ որի պետք է դավաճանները դատապարտվեն եւ ներկայիս իշխանությունները հեռացվեն: Նա նշեց, որ քաղաքական ուժերը ու գործիչները ժողովրդին չեն ներկայացնում այնպիսի ծրագիր, որտեղից պարզ դառնա, թե որն է լինելու մեր երկրի վաղվա օրը, ինչպես է ապահովելու մեր անվտանգությունը: Այդպիսի ծրագիր ներկայացնում է միայն ՍԻՄ-ը, «Ուժեղ Հայաստանը Ռուսաստանի հետ» շարժման շրջանակներում: «Մենք ցույց ենք տալիս միակ ճանապարհը, որը կապահովի Հայաստանի ինքիշխանությունը ու անվտանգությունը, որը կդառնա 4-րդ հանրապետության հիմքը, դա Ռուսաստանի հետ միութենական պետության ձեւավորումն է»: ՍԻՄ նախագահը նշեց, որ նախկինում շարժման սկզբունքն էր չմասնակցել իշխանության համար պայքարին: Սակայն ասյօրվանից այն պետք է փոխվի ու շարժումը պետք է նպատակաուղղել Հայաստանում իշխանության վերցնելուն եւ իր նպատակները իրականացնելուն: ՍԻՄ-ը պետք է լինի այդ գործընթացի դրոշակակիրը, «որովհետեւ մենք մաքուր ենք, մենք Սորոսից փողեր չենք վերցրել, մենք Նիկոլին չենք ծափահարել ու իր հետ դաշինք չենք ստեղծել, մենք առաջին օրվանից ասել ենք, որ ի դեմս Նիկոլի գալիս են ազգակործան ուժեր»:

Ներկայացուցիչների խորհուրդը ընդունեց կուսակցության գործունեության վերաբերյալ բանաձեւ, որտեղ մասնավորապես ասված է.

1. ՍԻՄ կուսակցությունը դատապարտում է ԱԺ արտահերթ  ընտրություններում  գործող իշխանական  խունտայի  ապօրինի  ու տոտալիտար գործողությունները, որոնք բերեցին  ընտրությունների ընթացքում ժողովրդի  կամաարտահայտության խեղմանը: Ուստի ընտրությունները համարվում են կեղծ ու ապօրինի:

Միաժամանակ  ՍԻՄ կուսակցութնյունը ափսոսոանք է հայտնում, որ «Փրկության շարժման» մեջ միավորված ընդդիմությունը փոխեց իր նախնական մարտավարությունը, որոշ ընդդիմադիր առաջնորդների  դրդմամբ մասնակցեց Նիկոլի կողմից պարտադրված ընտրություններին, հանդես եկավ անջատ, ժողովրդին մատչելի կերպով չներկայացրեց Հայաստանի փրկության իրական եւ համոզիչ ծրագրեր, ինչպես նաեւ այդ ծրագրերի իրականացման համար ժողովրդի կողմից անվերապահ վստահություն վայելող թիմեր:

ՍԻՄ կուսակցությունը  իր  մտահոգություն է հայտնում այն փաստի վերաբերյալ, որ Հայաստանի ժողովրդի  կեսից ավելին  չմասնակցեց ընտրություններին, իսկ շուրջ 1/4-ը իր ձայնը տվեց ներկայիս կապիտուլյանտական , ազգակործան վարչախմբին: Այնուամենայնիվ, ՍԻՄ-ը չի բաժանում մեր հանրությունը յուրայինների ու հակառակորդների, այլ անհրաժեշտ է գտնում միջոցներ ձեռնարկել ազգային համերաշխություն ու համախմբություն ապահովելու, յուրքանչյուր հայ մարդու գիտակցության մեջ հայրենասիրություն ու ազգային գաղափարները ամրապնդելու համար:

2. ՍԻՄ կուսակցությունը լինելով  «Ուժեղ Հայաստանը Ռուսաստանի հետ. հանուն նոր Միության» շարժման համահիմնադիրը պետք է շարունակի իր գործունեությունը Շարժման հիմնադիր համագումարում (06.02.2021թ.) ընդունված բանաձեւերի եւ  ՍԻՄ կուսակցության ներկայացուցիչների խորհրդի նախորդ  նիստի (18.09.2020թ.) որոշումների  շրջանակներում: ՍԻՄ կուսակցությունը պետք է լինի  վերոհիշյալ Շարժման դրոշակակիրը եւ նախապատրաստի Շարժումը հաջորդ համապետական ընտրություններին մասնակցելու եւ այդ ընտրություններով  երկրում իշխանությունը ստանձնելու համար:

3. ՍԻՄ կուսակցության համար միակ եւ անփոխարինելի նպատակը մնում է  ուժեղ Հայաստանի, ներառյալ Արցախը, կառուցումը, նրա անվատնգությունը, տարածքային ամբողջականությունը, կայունությունը, սոցիալ-տնտեսական զարգացումը, ժողովրդագրական աճը, կրթության, մշակույթի զարգացումը, ազգային պահպանողական  արժեհամակարգի հունի մեջ: Այդ նպատակին հասնելու համար ՍԻՄ կուսակցությունը  պատմական այս  բարդ իրավիճակում  անհրաժեշտ է համարում Հայաստանի ներգրավումը Ռուսաստանի հետ միութենական պետության մեջ, պահպանելով ու ամրապնդելով Հայաստանի Հանրապետության ինքնիշխանությունը: Արցախի հարցի լուծումը ՍԻՄ կուսակցությունը տեսնում է միուենթական պետության շրջանակենորում:

4. Մոտակա ժամանակահատվածում տեղական ինքակառավարման մարմինների ընտրությունները ՍԻՄ կուսակցության համար չեն հանդիսանում առաջնահերթություն, սակայն իր գաղափարախոսությունը տեղերում տարածելու համար ՍԻՄ-ը պատրաստ է քննարկել առանձին  համայքներում ՏԻՄ ընտրություններում կուսակցության մասնակցության տարբերակները:

ՍԻՄ լրատվական ծառայություն

https://iravunk.com/sim/?p=210912&l=am/
Աշտարակում հիմնադրվեց «Հանուն Նոր միության» շարժման Աշտարակի շրջանային խորհուրդը «Հանուն նոր միության» Շարժումը շարունակում է ընդլայնվել «ՍԻՄ» կուսակցությունը և «Իրավունք» թերթի խմբագրական անձնակազմը ցավակցում է Ռազմիկ Դավոյանի ընտանիքի անդամներին և  հարազատներին Նիկոլն աննկատ մի փշուր է այս մե՜ծ խաղի մեջ. Հայկ Բաբուխանյանը փակագծեր է բացում  Արտաշատում ստեղծվեց «Հանուն նոր Միության» Շարժման խորհուրդը «Ուժեղ Հայաստանը Ռուսաստանի հետ. հանուն նոր Միության» Շարժման խորհրդը պահանջեց իշխանություններից դադարեցնել հակառուսական հիստերիան Բա ընտրությունների ժամանակ միավորվեիք, հիմա ինչի՞ շուրջ եք միավորվում. Բաբուխանյան Միութենական պետություն. ինչ օգուտ է լինելու անդամ երկրների քաղաքացիներին Տեղի ունեցավ «Ուժեղ Հայաստանը Ռուսաստանի հետ. հանուն նոր միության» Շարժման գործկոմի նիստը «ՄՈՆԹԵ ՄԵԼՔՈՆՅԱՆ» ՖՈՒՏԲՈԼԱՅԻՆ ԱԿՈՒՄԲ Չեմպիոնների լիգա․ Շաբաթվա լավագույն խաղացողի կոչման հավակնորդները Չորս երեխաների մայրը արեց այն, ինչ չէին անում ՀՀ եւ Արցախի իշխանությունները Մենք կմիավորենք Արցախը Հայաստանին` ՌԴ-ի հետ միութենական պետության շրջանակներում ՍԻՄ կուսակցության համար միակ եւ անփոխարինելի նպատակը մնում է ուժեղ Հայաստանի, ներառյալ Արցախը, կառուցումը Սա այն նպատակն է, որը Թուրքիան իր առջեւ դրեց ավելի քան հարյուր տարի առաջ Հիմա գոնե պետք է առանց ամաչելու ասենք, թե Հայաստանի միակ փրկությունը որն է. Բաբուխանյան Նիկոլի գրաքննիչները հարձակվել են ընդդիմադիր կայքերի վրա «Ուժեղ Հայաստան Ռուսաստանի հետ շարժումը» հարցումով դիմել է ընտրական մարաթոնի մասնակիցներին Կեղծել Հայրենական Մեծ պատերազմը՝ նշանակում է կեղծել մեր էությունը. Բաբուխանյան «Ղրիմի բարեկամներ» ակումբի ջանքերով Թեոդոսիայում բացվեց Հայաստանին նվիրված ցուցահանդես Եթե մենք չանցանք ԱԺ, կնշանակի՝ հայ ժողովուրդը մերժեց Միութենական պետության գաղափարը. Բաբուխանյան «Ուժեղ Հայաստան Ռուսաստանի հետ. հանուն նոր միության» շարժման գաղափարախոսությունը լայն արձագանք գտավ գիտաժողովում Ստեփանակերտի քաղաքապետն ընդունել է Հայկ Բաբուխանյանի գլխավորած պատվիրակությանը ՍԻՄ եւ Արցախի «Արդարություն» կուսակցությունների միջեւ ստորագրվեց հուշագիր Հայկ Բաբուխանյանը հանդիպել է Արցախի նախագահի հետ