Պահը կրիտիկական է` ընտրական գործընթացը պետք է ժամանակավորապես կասեցվի. Բաբուխանյան 

Տեսանյութեր - ՍԻՄ

Նկատի ունենալով Հայաստանի սահմանների շուրջ ստեղծված պայթյունավտանգ իրավիճակը` «Հայ Ազգային կոնգրեսը»` ՀՀ առաջին նախագահ Լեւոն Տեր-Պետրոսյանի գլխավորությամբ, հայտարարել է, թե բողոքի ցույցերը ակնհայտորեն ավելի են թուլացնում Նիկոլ Փաշինյանին եւ ստացվում է, որ քաղաքական ուժերը նպաստում են Ադրբեջանի ծրագրերի իրականացմանը։ Ըստ ՀԱԿ-ի եւ Տեր-Պետրոսյանի, այս պահին ընդդիմադիր բոլոր ուժերի նպատակը պետք է լինի ոչ թե ներքին ցնցումների հրահրումը, այլ Փաշինյանի իշխանության պարտությունն առաջիկա ընտրություններում: Այս եւ ներքաղաքական մի շարք հարցերի շուրջ «Ուրբաթ իրիկուն» հաղորդման շրջանակում «Իրավունք TV»-ին զրուցել է «Սահմանադրական իրավունք միություն» կուսակցության նախագահ, «Ուժեղ Հայաստան Ռուսաստանի հետ. հանուն նոր միության» շարժման համահիմնադիր ՀԱՅԿ ԲԱԲՈՒԽԱՆՅԱՆԻ հետ:

– Ինչպե՞ս հասկանալ այս պարադոքսը` մի կողմից ՀՀ առաջին նախագահն ասում է, թե առաջիկա ընտրություններին պետք է Փաշինյանի իշխանությանը պարտության մատնել, մյուս կողմից էլ հակասում ինքն իրեն` ասելով, որ մի քննադատեք ու մի թուլացրեք Նիկոլին:

– Տեր-Պետրոսյանի դիրքորոշումը մեզ հայտնի է: Նա Նիկոլի գաղափարական հայրն է, վերջինս էլ իր հետեւորդն է, ինչը հայտնի է բոլորին: Հասկանալի է, որ այսօր Լեւոնը մտնում է քաղաքական նախընտրական փուլի մեջ հենց նրա համար, որպեսզի իրենց ընդհանուր գաղափարախոսությունը թույլ չտա, որ պարտվի: Իսկ երբեմն-երբեմն Լեւոն-Նիկոլ ձեւական իբր հակասությունները պայմանավորված է նրանով, որ ինչ-որ բան իրար մեջ չեն կիսել կամ գուցե Նիկոլը մեկ-մեկ մոռանում է, որ ինքը քաղաքական առումով Լեւոնի ժառանգորդն է ու փորձում է ավելի բարձր տոնով խոսել նրա հետ: Օրինակ, հիշեցնելով, որ Լեւոնը կեղծել է մի շարք ընտրություններ` 1995-96 թթ.-երին: Բայց դժվար պահին Լեւոնը եկավ օգնության իր հոգեւոր զավակին եւ հիմա փորձում է կանխել Նիկոլի դեմ զանգվածային բողոքները: Ստեղծված իրավիճակն իսկապես բարդ է. այսօր մի կողմից մեր սահմաներում ակնհայտ նախապատերազմական վիճակ է, մյուս կողմից անց է կացվում ընտրական գործընթաց: Եվ չի կարող լինել նախընտրական գործընթաց` առանց մեկը մեկի դեմ ինչ-որ դրսեւորւմների` մի քաղաքական ուժը մյուսի դեմ, ընդդիմությունը` իշխանության, իշխանությունն` ընդդիմության: Ինչպես տեսանք, երեկ Նիկոլն Ազգային ժողովում իրեն բնորոշ չկշռադատված ու մերկապարանոց հայտարարություններ էր անում, թե ամբողջ ընդդիմությունը օգնում է Ադրբեջանին: Պետք է ենթադրենք, որ նա ունի նյարդային համակարգի հետ խնդիրներ, եթե չի կարողանում տիրապետել իրեն եւ քիչ, թե շատ քաղաքակիրթ կերպով վարել երկխոսություն կամ` պարզապես, պատկերացում չունի օրիանականության, իրավական պետության եւ ժողովրդավարության մասին: Ի վերջո, ամբողջ ընդդիմությունն ամբողջ քաղաքական դաշտն է` բացի իշխանությունից: Իհարկե, ոմանք ասում են` հոգեկան խնդիրներ ունի մարդը, ի՞նչ եք ուզում, բայց շարունակում ենք անհանգստանալ, որ նման խնդիրներով մարդը շարունակում է ղեկավարել երկիրը: Ամեն օր հող է հանձնում, երկիրը կործանման է տանում, հետեւապես այս վիճակում ի՞նչ ընտրություն: Այո՛, համաձայն եմ, որ ստեղծված իրավիճակը կարող է վնասել ընդանուր գործին, բայց ներքաղաքական պայքարի խնդիրը դրել է Նիկոլը: Նա է որոշել, որ պետք է շատ արագ անցկացվեն արտահերթ ընտրություններ` անգամ կարգի չբերելով երկրում նախընտրական մթնոլորտը, որը պետք լինի բավականին հանգիստ, որպեսզի դու կարողանաս անցկացնել նորմալ ընտրություններ: Այսօր սահմաններում անհանգիստ է` այն աստիճանի, որ թշնամին ներխուժել է մեր տարածք եւ շատ նվաստացուցիչ տեսարանների ենք ականատես լինում, իսկ Արցախում կատարվում են շատ վտանգավոր գործընթացներ: Այո՛, այս ամենը թուլացնում է մեր պետականությունը, որն առանց այդ էլ Նիկոլի ջանքերով, կարելի է ասել, հասցվեց զրոյական մակարդակի ու պետությունն ուղղակի կործանվեց: Դրա համար ճանապարհն այն է, որ այս ընտրությունների նախապատրաստական գործընթացը ժամանակավորապես կասեցվի եւ ստեղծվի ազգային փրկության եւ համաձայնության կառավարություն:

– Դուք ազգային փրկության եւ համաձայնության կառավարության ստեղծման անհրաժեշտության մասին բարձրաձայնում էիք նաեւ 44 օրյա պատերազմից առաջ...

– Սա երրորդ կրիտիկական պահն է, որ ես առաջարկում եմ ստեղծել այդպիսի կոալիցիոն կառավարություն, որտեղ ներկայացված կլինեն մեր երկրի բոլոր հիմնական քաղաքական խաղացողները: Առաջին անգամ այդ մասին բարձրաձայնել եմ դեռեւս 2019 թվականին, երբ ակնհայտ էր դառնում, որ Նիկոլը տանում է երկիրը կործանման, երկրորդ անգամ առաջարկս հնչեցրել եմ պատերազմից անմիջապես առաջ, որովհետեւ ակներեւ էր, որ պատերազմ է սկսվելու, եւ մենք պատրաստ չէինք այդ պատերազմին, ուստի` պետք էր ներքաղաքական մթնոլորտը փոխել եւ պատրաստել երկիրը պատերազմին, որպեսզի կարողանայինք դիմագարավել: Մինչդեռ չլսեց Նիկոլը, թուլացրեց երկիրը եւ հասցրեց պատերազմական վիճակի: Մենք կարողանում ենք եւ գիտենք ինչպես գնահատել իրավիճակը եւ տեսանք, որ վիճակը բարդ է եւ ներկայացրեցինք մեր առաջարկը: Ըստ էության, հիմա երրորդ անգամ ենք զգուշացնում, որ Ադրբեջանը` Թուրքիկայի, նրանց թիկունքում կանգնած Մեծ Բրիտանիայի եւ որոշ համաշխարհային ուժերի հետ միասին, փորձում են տանել մեր երկիրը պատերազմական վիճակի: Դրա նախանշանները կան, հետեւապես այսօր թուլացնել երկիրը ներքաղաքական այնպիսի գործընթացներով, ինչպիսին ընտրություններն են` այն էլ այսպիսի բեւեռացված վիճակում, ընդ որում` կապիտուլիացիայից հետո, երբ պետական ապարատը, որպես այդպիսին, չի աշխատում, այդ թվում` բանակը, տնտեսությունը եւ հանրային ինստիտուտները չեն գործում, իհարկե, շատ վտանգավոր է: Հետեւապես իմ կարծիքով` պետք է հետաձգել ընտրական գործընթացը` մինչեւ խաղաղվեն սահմանները: Եվ միանշանակ է, որ չպետք է թույլ տալ, որպեսզի նիկոլական իշխանությունը գաղտնի գործընթացներ իրականացնի: Մենք չենք վստահում եւ չենք էլ կարող վստահել, կապիտուլյանտին ո՞վ կարող է վստահել: Այնպես որ, շատ արագ ձեւավորելով կոալիցիոն կառավարություն, այս դեպքում` կարող ենք որոշ չափով մեղմել ներքաղաքական լարվածխությունը, եւ այն փոխարինել ազգային միասնության մթնոլորտով, որպեսզի դիմակայենք այն մեծ ու վտանգավոր մարտահրավերներին, որ ունենք այսօր: Երբ կխաղաղվի երկիրն ու մեր սահմանները, նոր կարելի է շարունակել մտածել ընտրությունների մասին: 

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

https://iravunk.com/sim/?p=203782&l=am/
Աշտարակում հիմնադրվեց «Հանուն Նոր միության» շարժման Աշտարակի շրջանային խորհուրդը «Հանուն նոր միության» Շարժումը շարունակում է ընդլայնվել «ՍԻՄ» կուսակցությունը և «Իրավունք» թերթի խմբագրական անձնակազմը ցավակցում է Ռազմիկ Դավոյանի ընտանիքի անդամներին և  հարազատներին Նիկոլն աննկատ մի փշուր է այս մե՜ծ խաղի մեջ. Հայկ Բաբուխանյանը փակագծեր է բացում  Արտաշատում ստեղծվեց «Հանուն նոր Միության» Շարժման խորհուրդը «Ուժեղ Հայաստանը Ռուսաստանի հետ. հանուն նոր Միության» Շարժման խորհրդը պահանջեց իշխանություններից դադարեցնել հակառուսական հիստերիան Բա ընտրությունների ժամանակ միավորվեիք, հիմա ինչի՞ շուրջ եք միավորվում. Բաբուխանյան Միութենական պետություն. ինչ օգուտ է լինելու անդամ երկրների քաղաքացիներին Տեղի ունեցավ «Ուժեղ Հայաստանը Ռուսաստանի հետ. հանուն նոր միության» Շարժման գործկոմի նիստը «ՄՈՆԹԵ ՄԵԼՔՈՆՅԱՆ» ՖՈՒՏԲՈԼԱՅԻՆ ԱԿՈՒՄԲ Չեմպիոնների լիգա․ Շաբաթվա լավագույն խաղացողի կոչման հավակնորդները Չորս երեխաների մայրը արեց այն, ինչ չէին անում ՀՀ եւ Արցախի իշխանությունները Մենք կմիավորենք Արցախը Հայաստանին` ՌԴ-ի հետ միութենական պետության շրջանակներում ՍԻՄ կուսակցության համար միակ եւ անփոխարինելի նպատակը մնում է ուժեղ Հայաստանի, ներառյալ Արցախը, կառուցումը Սա այն նպատակն է, որը Թուրքիան իր առջեւ դրեց ավելի քան հարյուր տարի առաջ Հիմա գոնե պետք է առանց ամաչելու ասենք, թե Հայաստանի միակ փրկությունը որն է. Բաբուխանյան Նիկոլի գրաքննիչները հարձակվել են ընդդիմադիր կայքերի վրա «Ուժեղ Հայաստան Ռուսաստանի հետ շարժումը» հարցումով դիմել է ընտրական մարաթոնի մասնակիցներին Կեղծել Հայրենական Մեծ պատերազմը՝ նշանակում է կեղծել մեր էությունը. Բաբուխանյան «Ղրիմի բարեկամներ» ակումբի ջանքերով Թեոդոսիայում բացվեց Հայաստանին նվիրված ցուցահանդես Եթե մենք չանցանք ԱԺ, կնշանակի՝ հայ ժողովուրդը մերժեց Միութենական պետության գաղափարը. Բաբուխանյան «Ուժեղ Հայաստան Ռուսաստանի հետ. հանուն նոր միության» շարժման գաղափարախոսությունը լայն արձագանք գտավ գիտաժողովում Ստեփանակերտի քաղաքապետն ընդունել է Հայկ Բաբուխանյանի գլխավորած պատվիրակությանը ՍԻՄ եւ Արցախի «Արդարություն» կուսակցությունների միջեւ ստորագրվեց հուշագիր Հայկ Բաբուխանյանը հանդիպել է Արցախի նախագահի հետ