Թողեք գոնե եւս մեկ վրան դնենք. ՊՆ նախկին շենքի բնակիչները 4-րդ գիշերն են անցկացնում փողոցում

Արդեն չորրոդ գիշերն է, ինչ ՊՆ նախկին շենքի բնակիչներն անցկացնում են բաց երկնքի տակ: Փետրվարի 16-ին ոստիկանությունը ներխուժեց ՊՆ նախկին շենքում ապաստան գտած բնակիչների կեցավայրեր եւ բռնի ուժով դուրս հանեց նրանց՝ թողնելով փողոցում: Բարձրացված աղմուկից հետո՝ այնտեղ բնակվող մի քանի ընտանիքների պետությունը փորձեց լռեցնել՝ այս կամ այն վայրերում անորոշ ժամկետով այլ կեցավայր առաջարկելով: Մի քանիսը համաձայնեցին, մյուսները՝ մնացին տեղում՝ պնդելով, որ ոմանց խայտառակ պայմաններ են առաջարկել, ոմանց անհասցե ուղղությամբ ուղարկել, ոմանց էլ ընդհանրապես ոչինչ չեն առաջարկել:

Փետրվարի 17-ին փողոցում հայտնված քաղաքացիներին այցելեցին ԱԺ «Հայաստան» խմբակցության պատգամավորներ Քրիստինե Վարդանյանը եւ Գառնիկ Դանիելյանը: Տեւական ժամանակ ոստիկանության հետ թեժ բանակցություններից հետո՝ նրանց հաջողվեց անօթեւան մնացած քաղաքացիների համար երկու վրան տեղադրելու թույլտվություն ստանալ, որպեսզի կանայք եւ տղամարդիկ կարողանան գիշերն անցկացնել՝ այս օրերի սաստիկ ցրտին: Իսկ թե ինչ է կատարվում հիմա, «Իրավունքը» մանրամասներ է պարզել:

Այսպիսով՝ ոստիկանությունն այդպես էլ թույլ չի տվել, որպեսզի երկրորդ վրանը տեղադրվի: ՊՆ նախկին շենքի բնակիչները, որոնք այս պահին 50-ից ավելի են, 20 հոգանոց վրանում, ուղղակի, չեն տեղավորվում: Էլ չասենք այն անհարմարության համար, որ տղամարդիկ եւ կանայք, ուղղակի, մեկ վրանի տակ չեն կարող գիշերել:

«Ներկա պահին պահանջում ենք՝ թողեք գոնե եւս մեկ վրան դնենք: Նստացույցը շարունակվում է: Ոչ մեկս հետ չենք կանգնելու մեր պահանջից», - ասացին քաղաքացիները՝ վրդովված իրավապաշտպան կազմակերպությունների, քաղաքական, մշակութային գործիչների անտարբերությունից:

Հիշեցնենք, որ այս քաղաքացիների շարքերում են զոհված զինվորների ընտանիքներ, պայմանագրային զինծառայողներ, կամավորականներ, ազատամարտիկներ:

ՀՐԱՆՏ ՍԱՐԱՖՅԱՆ

Այս թեմայով ՊԵԿ նախագահի նախկին տեղակալ Վախթանգ Միրումյանին դատարանը կալանքի չտարավ Նախկին ոստիկանապետ Արամ Հովհաննիսյանի որդին՝ ՔՊ-ի պատգամավորի թեկնածու «Հրապարակ». Շենգավիթ նախկին ղեկավար, ՔՊ նախկին անդամ Ռազմիկ Մկրտչյանի գործը դատարանում է Ավարտվել է Վաղարշապատի նախկին համայնքապետ Դիանա Գասպարյանի և նրա հետ փոխկապակցված ևս 4 անձանց վերաբերյալ նախաքննությունը Գնացեք կառույցներ ստեղծեք ու պայքարեք Նիկոլի դեմ,ոչ թե կախվեք պաշտոնաթող նախագահներից