o C     13. 12. 2019   : :

ԿԱՐՃ ԼՈՒՐԵՐ

«Չեն անցնելու այս մանկամտությունները, ամեն ինչ բացահայտվելու է» (Տեսանյութ)

03.12.2019 20:45 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
«Չեն անցնելու այս մանկամտությունները, ամեն ինչ բացահայտվելու է» (Տեսանյութ)

Ըստ Հայաստանի դեմոկրատական կուսակցության նախագահ ԱՐԱՄ ՍԱՐԳՍՅԱՆԻ` գործող կառավարության առաջ երեք խնդիր է դրված: Այդ խնդիրների, ներքաղաքական վերջին զարգացումների եւ հնարավոր շրջադարձերի շուրջ էլ «Իրավունք TV»-ի տաղավարում զրուցեցինք նրա հետ:

​​​​​​​«Մեր ԱԳ նախարարությունը կրկին «էշի» ականջում քնած»

«ԿԱՌԱՎԱՐՈՒԹՅՈՒՆԸ ԿՈՆՎԵՆՑԻԱՆ ՎԱՎԵՐԱՑՆԵԼՈՒ ՀԱՄԱՐ ԽՈՇՈՐ ԳՈՒՄԱՐ Է ՍՏԱՆԱԼՈՒ»

– Պարոն Սարգսյան, ի թիվս բազմաթիվ այլ հարցերի, այս տարի Ձեր կուսակցության ուշադրության առանցքում էր Ամուլսարի հարցը, եւ Դուք ուղղակիորեն դիմել էիք Նիկոլ Փաշինյանին` հորդորելով կանգ առնել: Կանգ, կարծես թե, չառան, սակայն այն ակցիաները, այն բուռն հակազդեցությունը, որոնք կար, տպավորություն է, որ մարել է: Ինչո՞վ կբացատրեք այս ամենը:

Մենք հասկանում ենք՝ որտեղ է Հայաստանի «կարմիր գիծը», որից այն կողմ չի կարելի անցնել. Էլմար Մամեդյարով

Չի մարել, որովհետեւ ժողովրդի եւ հասարակական, քաղաքական ուժերի այն մեծ բանակը, որոնք դրան դեմ էին հանդես գալիս, հիմա զուտ, այսպես ասած, «պաուզա» են վերցրել: Դեռ գործողություն չկա, իբր սպասում ենք ինչ-որ որոշման: Համենայնդեպս, ճշտված տվյալներով` կարող եմ ասել, որ այս կառավարության առջեւ առնվազն երեք խնդիր է դրված. մեկը Ամուլսարի հարցն է, որ պետք է, իրենց պատկերացմամբ, անպայման սկսի որպես հանք շահագործվել, մյուսը տխրահռչակ Ստամբուլյան կոնվենցիան է, որ պետք է ընդունվի: Սա պարտադրանք է, ի դեպ` կաշառքով, որովհետեւ փաստ է, որ կառավարությունը կոնվենցիան ընդունելու համար խոշոր գումար է ստանալու: Եվ երրորդ խնդիրը Սահմանադական դատարանի եւ ընդհանրապես` դատաիրավական համակարգի, այսպես կոչված, բարեփոխումն է: Այն, որ այդ բարեփոխումն անհրաժեշտ է, որեւէ մեկը չի կասկածում, բայց սա չի կարող լինել այսպես` ինձ դուր չի գալիս այս անձը, դրա համար նրան փոխարինենք այլ անձով: Սա բարեփոխում չէ:

Եղանակը Հայաստանի Հանրապետությունում և Արցախում

Ի դեպ, ԱԺ-ում քննարկվում է նախագիծ, ըստ որի, ՍԴ անդամներին օրենքով առաջարկում են կամավոր հրաժարական տալ եւ մինչեւ իրենց լիազորությունների ավարտը` տարիներով տանը նստած` իրենց աշխատավարձը ստանալ: Ի՞նչ կասեք այս մասին:

Սա խայտառակություն է: Մենք հատուկ հայտարարությամբ էլ ենք հանդես գալու, ես այդպիսի բան չեմ տեսել, չեմ պատկերացնում: Փաստորեն, կաշառո՞ւմ են, ո՞ւմ փողերով, վաղը դրա համար պատասխան են տալու:

Հայաստանի էլեկտրաէներգետիկայի շուկան կազատականացվի՞. «Հայաստանի Հանրապետություն»

Իհարկե` հարկատուների...

Պարզ է չէ՞, որ բյուջեի փողերով մարդուն ասում են` չաշխատելու համար քեզ աշխատավարձ կտամ: Պատկերացնո՞ւմ եք` ինչ աբսուրդ է: Ասում են` այլ երկրներում էլ կա այդպիսի բան, ի՞նչ անենք, որ ինչ-որ երկրում էլ այդպես են վարվել, դուք ի՞նչ է, կապիկի նման հո չեք կրկնօրինակելու նույնը: Եթե անգամ արել են, սա հանցագործություն է, որովհետեւ դուք չաշխատողին տալու եք աշխատավարձ, թոշակի տարիքին չհասած մարդուն թոշակ եք տալու, բա դրանից ավել խայտառակություն, կաշառք որտե՞ղ է լինում: Օրենքին համապատասխան է պետք գործել, եթե մի անգամ օրենքը խախտեցիք, վերջ, արդեն ինքներդ դառնում եք անօրեն իշխանություն: Իսկ օրենքն ասում է` եթե մարդը հանցանք է կատարել, ուրեմն` այդ հանցանքի համար կարելի է նրան պատժել կամ պատասխանատվության հրավիրել: Բայց եթե նա չի արել այդ քայլը եւ շարունակում է այն գործունեությունը, որն օրենքի համապատասխան շրջանակում է, նշանակում է, որ նա պետք է շարունակի աշխատել: Այո՛, քաղաքական ուժերից մենք էինք ամենամեծ բողոքը ներկայացնում եւ միշտ ասել ենք, որ Սահմանադրական դատարանը 1995 թվականից սկսած բոլոր կեղծիքները պարտակել է, հատկապես` Լեւոն Տեր-Պետրոսյանի իշխանության կատարած կեղծիքները: Իհարկե, գտնում ենք, որ ՍԴ-ն պարտավոր է օրենքին եւ Սահմանադրությանը համապատասխան գործունեություն իրականացնել, բայց չի՛ կարելի ասել` ՍԴ անդամները մեր դուրը չեն գալիս, ուրեմն` պետք է բոլորին պատժենք, հանենք, մենք հո գիտենք` հանուն ինչի են անում:

«Հիմա պատասխանում եմ բոլոր նրանց, ովքեր ասում են՝ էս ո՞նց եղավ, էս ո՞վ բերեց Նիկոլին»

Եվ հանուն ինչի՞...

Որովհետեւ նույն այդ Ստամբուլյան կոնվենցիան եթե գնա Սահմանադրական դատարան, համոզված  եմ` ՍԴ-ն պետք է մերժի, որովհետեւ այն չի համապատասխանում մեր Սահմանադրությանը: Եթե պատկերացնենք, որ Ամուլսարի հարցը կարող է բարձրացվել ՍԴ-ում, ապա նույն օբյեկտիվությամբ քննարկվելու է այն, առավել եւս` դատական-իրավական համակարգի  փոփոխությունները: Սա նշանակում է, որ սա պարտադրանքի տակ աշխատող կառավարություն է: Իսկ եթե այդպիսին է, մենք ինչպե՞ս կարող ենք ձեզ վստահել, թեկուզ եթե ինչ-որ լավ գործեր էլ անում են: Ի դեպ, վատ գործեր չեն անում, փորձ են անում արդար լինել, բայց սա չի նշանակում, որ դրան զուգահեռ անելու են այն, ինչը մեզ համար ընդունելի չէ: Սրանով միանգամից ջուրն են գցում իրենց արածը, եւ մենք պարտավոր ենք դրա դեմն առնել:

Ավանդական սփյուռքը դո՞ւրս է գտնվում Սփյուռքի գործերի գլխավոր հանձնակատարի ուշադրությունից

«ՊԱՐԶ ԱՍՈՒՄ ԵՄ` ՄԵԶ ԱՀԱԲԵԿԵԼ ՀՆԱՐԱՎՈՐ ՉԷ»

– Փաստացի ձեր նշած երեք «ականների» հնարավոր լուծումը տեղափոխվեց մյուս տարի, ինչն այլեւս անհետաձգելի է լինելու: Այս առումով ի՞նչ հնարավոր զարգացումներ կարող են տեղի ունենալ, օրինակ` սպասե՞լ արտահերթ խորհրդարանական ընտրությունների:

Ամեն ինչ իշխանությունից է կախված: Եթե կարողանան այնպիսի քաղաքական գիծ որդեգրել, որի հետ ժողովրդի բացարձակ մեծամասնությանը համաձայն կլինի, հնարավոր է շարունակվի այս իշխանությունը: Բայց եթե միայն գործելու են այն հատվածի համար, որն այսօր, ներողություն եմ խնդրում, ամբողջովին զոմբիացած է եւ իրենց հպատակն է համարվում, ապա սա շատ լուրջ խնդիր է: Նախորդ իշխանությունների անվան տակ չի՛ կարելի բոլորին հանել, գցել մի կողմ, պետք է տեսնել, թե քաղաքական ուժերն ի՞նչ են արել այդ տարիների ընթացքում, ինչպե՞ս են դիմագրավել, ի՞նչ քայլեր են արել օբյեկտիվ գնահատական տալու համար: Այո՛, պետք է լսել այդ քաղաքական ուժերին, որոնք դեռ խորհուրդ են տալիս: Մեր ժողովրդի էլիտան, չպետք է կարծել, որ հլու-հնազանդ ընդունելու է այս բոլոր արարքները, չի՛ լինելու այդպես: Մենք այնպիսի տարիներ ենք անցկացրել, այնպիսի իրադարձություններով ենք անցել, որ պարզ ասում եմ` մեզ ահաբեկել հնարավոր չէ: 1992-ից սկսած` մենք այդ պայքարի մեջ ենք` թե՛ մեր կուսակցությունը, թե՛ ՍԻՄ-ը եւ տարբեր այլ քաղաքական ուժեր:

«ԵԽԽՎ-ն Հայաստանին կոչ է անում պաշտպանել ԼԳԲՏ անձանց կամ «բուդ-բլինչիկ-բրդուջ» օպերացիա»

Խորհուրդներից գործնական քայլերի հնարավո՞ր է անցնի ընդդիմությունը: Այսօր տարբեր քաղաքական նախաձեռնություններ, խմբեր են ուրվագծվում: Դրանք պտուղներ կտա՞ն:

Կարծում եմ` կձեւավորվի ոչ անպայման մեկ կենտրոն, բայց կլինեն այդպիսիք, եթե դժգոհությունը քանի գնա բարձրանա, եւ տեսնենք, որ այս իշխանությունը մեր ժողովրդին, մեր պետությանը հարիր քայլեր չեն անում: Այո՛, կկազմակերպվեն քաղաքական, հասարակական ուժերը, որոնք անպայման պետք է հարց բարձրացնեն` օրինակ` Ստամբուլյան կոնվենցիայի հետ կապված, որովհետեւ սա ուղղակի խփում է մեր ազգային ինքնությանը, մեր ընտանիքի դրվածքին: Այս առումով միայն նշեմ, որ մենք հենց այնպես չենք ասում, թե մի՛ ընդունեք այդ կոնվենցիան, այլ մատնանշում ենք, որ 1979 թվականին ՄԱԿ-ն ընդունել է կանանց նկատմամբ բռնության դեմ կոնվենցիա, որն այն ժամանակ  Խորհրդային Միությունն է ստորագրել, 1993 թվականին այն ստորագրել է նաեւ ՀՀ-ն եւ 6 անգամ զեկույց է ներկայացրել ՄԱԿ-ին: Մինչեւ հիմա այդ կոնվենցիայով բոլոր հարցերը կարգավորված են, մենք այդ մասին հարց ուղղեցինք նաեւ Արդարադատության նախարարությանը եւ հետաքրքրվեցինք` ինչի՞ համար եք այս կոնվենցիան ուզում վավերացնել, եթե կա գործող կոնվենցիա, որը համապատասխանում է բոլոր մեր սկզբունքներին:

«Ադրբեջանցիները կանչում էին, թե եկեք ձեզ հայ աղջկա խորոված ենք ուզում հյուրասիրել, մոռացա՞ք...»

Եվ ի՞նչ պատասխան ստացա՞ք...

Ինչպես ասում են ռուսները` «մի պռո Իվանա, օնի պռո բոլվանա»: Մենք ինչ որ գրել էինք, բացարձակ դրա վերաբերյալ ոչ մի խոսք չկար, ընդամենը գրել էին, թե նախարարությունը շարունակում է իր չգիտեմ ինչ լուսավորչական, այսպես կոչված, աշխատանքը եւ այլն: Լսեք, դուք ձեզ եք, ներողություն, ինչ-որ մեկի տեղը դնում, ախր, դուք հասկանո՞ւմ եք, որ մենք դրանով չենք բավարարվելու, պայքարը շարունակվելու է: Կապ չունի, որ մյուս տարի են փորձելու սա անցկացնել, մենք չենք սպասելու, որ իրենք մոռացության տան, մեկ էլ հոպ` հանկարծակի գնան Ազային ժողովում ընդունեն: Հնարավոր չէ, դրա համար ասում եմ` կգա պահը, երբ այդպիսի հարցերի շուրջ ահռելի կոնսոլիդացիա կլինի` Հայ Առաքելակական եկեղեցու հետ միասին: Անգամ եթե քաղաքական ուժերը դա չանեն, այդ հարցում մեր ժողովուրդը համախմբվելու է հատկապես հենց եկեղեցու շուրջը: Չեն անցնելու այս մանկամտությունները, ամեն ինչ բացահայտվելու է: Ի տարբերություն իրենց, մենք բոլորս փորձատու մարդիկ ենք եւ հասկանում ենք ամեն ինչ:

Հայաստանի եւ Ադրբեջանի հավաքականները կխաղան Իռլանդիայում

ՀՐԱՆՏ ՍԱՐԱՖՅԱՆ

Հ.Գ.- Մանրամասները դիտեք տեսանյութում.

 

КОМСОМОЛЬСКАЯ ПРАВДА