o C     24. 01. 2020   : :

ԿԱՐՃ ԼՈՒՐԵՐ

Ժամանակն է, որ Ջհանգիրյանն ասի, թե ինչ է կատարվել, նա է այդ ժամանակ Նաիրի Հունանյանի գործը քննել. Սասուն Միքայելյան

27.10.2019 12:32 ՕՐՎԱ ՊԱՏԿԵՐ ՔԱՂԱՔԱԿԱՆ
Ժամանակն է, որ Ջհանգիրյանն ասի, թե ինչ է կատարվել, նա է այդ ժամանակ Նաիրի Հունանյանի գործը քննել. Սասուն Միքայելյան

Ժամանակն է, որ նախկին զինդատախազ Գագիկ Ջհանգիրյանն ասի, թե ինչ է կատարվել, քանի որ 1999թ. հոկտեմբերի 27-ի ահաբեկչությունից հետո նա է Նաիրի Հունանյանի գործը քննել և ավելի շատ բան պետք  է իմանա, այս մասին լրագրողների հետ զրույցում հայտարարեց Երկրապահ կամավորական միության նախագահ Սասուն Միքայելյանը, ով «Հոկտեմբերի 27»-ի 20-րդ տարելիցի կապակցությամբ այցելել էր «Եռաբլուր» զինվորական պանթեոն՝ հարգանքի տուրք մատուցելու «Հոկտեմբերի 27»-ի զոհերի հիշատակին։

Երկար ժամանակով լույս չի լինելու Երեւանում եւ 6 մարզերում

«Գումարած դրան Ջհանգիրյանը եղել է Վազգեն Սարգսյանի մտերիմ ընկերներից մեկը: Այդ ոճրագործությունը, եթե չբացահայտվեց, ոչ ոք չի կարող ասել, որ նման բան չի կրկնվի»,-ասաց նա: 

«Ժամանակն է, որ ամեն մեկը ի բաժին մեղքը վերցնի, արտահայտվի»,- ավելացրեց նա, ապա անդրադառնալով Նաիրի Հունանյանի վաղաժամկետ ազատման դիմումին, հարցադրում արեց, թե «Նաիրի Հունանյանը դուրս գա ի՞նչ անի»: 

«Քանի դեռ Հանրապետության երեք նախագահները այս կամ այն կերպ քաղաքական դաշտում դերակատարություն ունեն, լավ բան չսպասենք մեր երկրում»,- ասաց նա։ 

Անդրադառնալով երկրապահների ԵԿՄ-ից դուրս գալու լուրերին՝ ԵԿՄ նախագահը նշեց, որ նման բան չկա: «Այսպես ձևավորված երկրապահում շատ մարդիկ պետք է դուրս գան, ոչ թե դուրս են եկել, այլ պետք է դուրս գան, քանի որ երկրապահը պետք է մաքրվի: Թե՛ ՀՀՇ-ի օրոք, թե՛ Ռոբերտ Քոչարյանի օրոք, թե՛ Սերժ Սարգսյանի օրոք, երկրապահի նկատմամբ միշտ ճնշումներ են եղել, ուզեցել են ձերբազատվել, բայց հնարավոր չէ, հիմա հարաբերական անդորր է»: 

Հարցին, թե ինչպես են վարչապետ Նիկոլ Փաշինյանի և իր հարաբերությունները, նա պատասխանեց, որ շատ լավ են.«Ես չեմ լարվում ընդհանրապես, որ լարվեմ կկտրվեմ, կան տարաձայնություններ, որոնք ընթացքում հարթվում են»:

Սասուն Միքայելյանը վերահաստատեց, որ ԱԱԾ նախկին պետ Արթուր Վանեցյանն իր ընկերն է: «Ասել եմ, որ Արթուր Վանեցյանն իմ ընկերն է, նորից եմ ասում, որովհետև ես գայլային օրենքներով չեմ շարժվում, գայլերի մեջ, եթե մեկից արյուն է դուրս գալիս, բոլորը խեղդում են նրան: Ես նույնը ասել եմ Դավիթ Սանասարյանի հետ կապված, որ նա իմ ընկերն է»,- ասաց նա:

 

КОМСОМОЛЬСКАЯ ПРАВДА