o C     21. 11. 2019   : :

ԿԱՐՃ ԼՈՒՐԵՐ

«Փորձառու չկա, ով քայլել է Նիկոլ Փաշինյանի կողքին՝ պաշտոն են տվել». Գագիկ Ծառուկյանը՝ իշխանության մասին

22.10.2019 15:15 ՕՐՎԱ ՊԱՏԿԵՐ ՔԱՂԱՔԱԿԱՆ
«Փորձառու չկա, ով քայլել է Նիկոլ Փաշինյանի կողքին՝ պաշտոն են տվել». Գագիկ Ծառուկյանը՝ իշխանության մասին

ԱԺ «Բարգավաճ Հայաստան» խմբակցության ղեկավար Գագիկ Ծառուկյանի խոսքով՝ «Ւմ քայլը» խմբակցությունն իրենց հետ միասնական քննարկման չի գնում այս կամ այն հարցի շուրջ։

«Հեղափոխությունից անցել է 1․5 տարի, բայց որևէ ներդրում չկա, ավելին, ներդրումները ոչ թե ավելանում են, այլ պակասում են։ Բոլորը մտածում էին, որ հեղափոխությունը եղավ, առավոտից իրիկուն աշխարհի հայությունը գալու է, գումարները դնելու է, բայց այս բոլորը պետք է հասկանան, թե ներդրման համար ինչ է պետք։ Ոչ միայն պետք է դատարկ խոսքեր ասել, այլ լիարժեք օրենք ու պայման պետք է ընդունի, մարդուն հնարավորություն ու արտոնություն պիտի տրվի, ոչ թե ինչ-ոչ մի ծանոթ դիմի, որ թուղթ է բերում, իրեն հարկերից ազատում են, բայց այսպես տնտեսություն չի կարող զարգանալ»,- ասաց նա։

Ես ծանոթ եմ 96 թվականի մասին Նիկոլ Փաշինյանի մոտեցումներին․ խոսնակը՝ Փաշինյանի երեկվա խոսքերի մասին

Նրա խոսքով՝ ներդրումներ ապահովելու համար անհրաժեշտ է միջազգային փորձն ուսումնասիրել, ավելին, ներդրողը պետք է իրեն վստահ ու պաշտպանված զգա։

Գագիկ Ծառուկյանը համոզված է՝ իշխանության նման գործելաոճով երկիրն առաջ չի գնա, և այս մոտեցմամբ երկրում տնտեսական հեղափոխություն չի լինի:

«Պետք է իմանալ՝ այդ ոլորտում ով է աշխատել, ով փորձ ունի. պարոն Փաշինյանն այսպես պետք է որոշում կայացնի, պետք է կապ չունենա ծանոթ ու բարեկամ, պետք է կապ չունենա կուսակցական պատկանելություն։ Ցանկացած ոլորտի ղեկավարին նայեք, իրական կյանքում իր ճանապարհն ու կատարած փորձը։ Իրենք կարող են լինել օգնականներ, խորհրդականներ, թող կողքից նայեն ու սովորեն, երբ փորձ ձեռք կբերեն, այն ժամանակ էլ կաշխատեն»,- եզրափակեց Գագիկ Ծառուկյանը։

Խոսելով Հրայր Թովմասյանի դուստրերին եւ 75-ամյա հորը ԱԱԾ հրավիրելու թեմայի մասին նշեց.

«Եթե այսօր հիմնական խնդիրը ՍԴ նախագահ Հրայր Թովմասյանն է, ապա խնդիր չկա, թող հանցակազմ ներկայացնեն, որ նա ինչ-որ հանցանք է կատարել, մենք բոլորս կողմ կլինենք՝ թող պատժեն: Մենք կողմ չենք հանցագործությանը, ուզում ենք, որ պատիժ լինի:

Բայց որպես հայ ու ընտանիքի մարդ՝ տեսնելով, որ 16 տարեկան աղջկան կանչում են հարցաքննության, ինչ-որ չարաշահումներ՝ ինձ համար անընդունելի է»:

Հարցին՝ Հրայր Թովմասյանի նկատմամբ տեղի ունեցող գործընթացները քաղաքակա՞ն են, Գագիկ Ծառուկյանը պատասխանեց՝ կրկնելով, որ, եթե հիմնական խնդիրը կապված է Հրայր Թովմասյանի հետ, ապա թող հանցակազմ ներկայացնեն:

«Բայց նման քայլերով անհարմար վիճակի մեջ են դնում ՀՀ վարչապետին, նշանակում է՝ այդ մարդիկ չեն համապատասխանում իրենց պաշտոնին: ՍԴ-ի հետ կապված հարցի ուսումնասիրությունը հանձնարարել էինք մեր փորձագետներին, ինչը ներկայացրեցինք, որևէ հանցակազմ, իրավական հիմք չկար, նման դատարկ-դատարկ խոսելն անհարմար է, տեսաք, որ ԱԺ-ի նախագիծը գնաց ՍԴ, իսկ այնտեղից մերժեցին: Մարդիկ չպետք է վատ վիճակի մեջ դնեն, նրանք իրենց պաշտոնին պետք է տիրապետեն, հասկանան դիմացինին»,- շեշտեց նա:

Գագիկ Ծառուկյանի խոսքով, եթե ասում են, որ ՍԴ նախագահը լեգիտիմ չէ, ապա թող հիմնավորումներ բերեն, և ինքը տեսնի:

«Այդ հարցն այսօր ո՞վ է բերել դրել քննարկման, մենք ասում ենք՝ պատրաստ ենք քննարկել, բայց այսօր մեկը դատարկ-դատարկ բաներ է ասում ու բոլորին շփոթության մեջ գցում, որից հետո դառնում է այդ կինոյի հերոսը կամ կինոյի տղան»,- հավելեց Գագիկ Ծառուկյանը:

 

 

КОМСОМОЛЬСКАЯ ПРАВДА