o C     14. 11. 2019   : :

ԿԱՐՃ ԼՈՒՐԵՐ

«Արսեն Թորոսյանը Փաշինյանի կառավարության խայտառակությունն է» (Տեսանյութ)

08.10.2019 20:30 ՕՐՎԱ ՊԱՏԿԵՐ ՔԱՂԱՔԱԿԱՆ ԹԵՄԱ
«Արսեն Թորոսյանը Փաշինյանի կառավարության խայտառակությունն է» (Տեսանյութ)

Առողջապահության նախարարության դիմաց «Առողջ Հանրություն» հասարակական կազմակերպությունն այսօր բողոքի ակցիա էր իրականացնում` մանկական եւ մայրական մահացության դեպքերի մասով ՀՀ առողջապահության նախարարության քար լռության դեմ: Ակցիային էին միացել նաեւ Ռեֆորմիստերի կուսակցության եւ «Կամք» հասարակական նախաձեռնության անդամները: Նրանք մանկական չհագած կոշիկներ դրեցին նախարարություն տանող աստիճանների վրա, մոմեր վառեցին: Ակցիայի մասին մեզ հետ զրույցում մանրամասներ ներկայացրեց նեյրովիրաբույժ, «Առողջ Հանրություն» ՀԿ նախագահ ՄԱՐԻՆԱ ԽԱՉԱՏՐՅԱՆԸ:

Մեր պոպուլիստ վարչապետին կուղարկենք էլիտար հոգեբուժական կլինիկա հետազոտության. Մարինա Խաչատրյան

- Սրանք այն մանկական կոշիկներն են, որոնք երեխաները պետք է հագնեին, բայց դրանք այդպես էլ մնացին չհագած, որովհետեւ տեղի են ունենում դժբախտություններ, եւ որպեսզի մեր երկրում այլեւս տեղի չունենան նման դեպքեր, պետք է բարձրաձայնենք խնդիրները: Պետք է հասկանանք, թե ինչու են մեր փոքրիկները մահանում, եւ միջոցներ ձեռնարկենք, որպեսզի այդ մահվան դեպքերը բացառվեն: Կոչ եմ անում, որպեսզի ազգովի այս խնդրին անդրադառնանք, սա մեր ազգային ողբերգությունն է: Մենք այն ազգը չենք, որ ասենք` լավ, ոչինչ, 10-րդ երեխան կունենանք, ցավոք սրտի, մենք այսօր հազիվ մեկ-երկու երեխա ենք լույս աշխարհ բերում: Այս չհագած փոքրիկ կոշիկները չեն վաճառվում, գնում են բողոքի ձայնը բարձրացնելու: Ընդ որում` ոչ միայն մահացության դեպքերն են անհրաժեշտ բարձրաձայնել եւ լսելի դարձնել, այլ նաեւ բոլոր այն դեպքերը, երբ հետպատվաստումային օրերին երեխաները հայտնվում են հիվանդանոցում: Չի՛ կարելի հենց այնպես, առանց հետազոտություններ կատարելու, պարզապես ինչ-որ արդյունքներ ցույց տալու համար հայտարարել, որ պատվաստումն այստեղ դեր չուներ: Այո՛, ես հանրությանը կոչ եմ անում, որպեսզի ազգային օրացույցով պատվաստումները ստանան երեխաները, բայց ես նաեւ կոչ եմ անում` պահանջե՛ք, որպեզի ձեր երեխաներին լիարժեք հետազոտեն մինչեւ պատվաստում անելը:

Թույլ չենք տալու խաղեր խաղաք մեր պետության գլխին.Մարինա Խաչատրյան

Հավելենք, որ ակցիայի ժամանակ մոտեցավ նաեւ մի կին, որը ՀՀ առողջապահության նախարար Արսեն Թորոսյանի դեմ մեղադրանքներ հնչեցրեց, ապա նաեւ շեշտեց. «Արսեն Թորոսյանը Փաշինյանի կառավարության խայտառակությունն է: Ամո՛թ»:

ՀՐԱՆՏ ՍԱՐԱՖՅԱՆ

Հ.Գ.- Մանրամասները դիտեք տեսանյութում.

 

КОМСОМОЛЬСКАЯ ПРАВДА