o C     11. 12. 2019   : :

ԿԱՐՃ ԼՈՒՐԵՐ

«Վանեցյանին պարտադրել էին ուղիղ պահանջել Հրայր Թովմասյանի եւ Բակո Սահակյանի հրաժարականը»

24.09.2019 21:00 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
«Վանեցյանին պարտադրել էին ուղիղ պահանջել Հրայր Թովմասյանի եւ Բակո Սահակյանի հրաժարականը»

Անկախության 28-րդ ամյակի պաշտոնական միջոցառումը Գյումրիում անցկացվեց խայտառակ դրվագներով: Իսկ դրան հաջորդեց վարչապետ Նիկոլ Փաշինյանի լոսանջելեսյան ասուլիսը, հանրահավաքը եւ ելույթը, որտեղ քաղաքական ինտրիգների պակաս չկար: Այս անգամ թիրախում ԱԱԾ նախկին տնօրեն Արթուր Վանեցյանն էր, ՀՀ երկրորդ եւ երրորդ նախագահներն ու Հայ Առաքելական եկեղեցին: Այս ամենի շուրջ էլ ծավալվեց զրույցը «Ազգային անվտանգություն» կուսակցության նախագահ ԳԱՌՆԻԿ ԻՍԱԳՈՒԼՅԱՆԻ հետ:

«Հայաստանն՝ առանց սորոսների» (Տեսանյութ)

«ՍԱ ԱՆՀԱՐԳԱԼԻՑ ՎԵՐԱԲԵՐՄՈՒՆՔ ԷՐ ԱՐՑԱԽԻ ԱՄԲՈՂՋ ԺՈՂՈՎՐԴԻ ՆԿԱՏՄԱՄԲ»

Պարոն Իսագուլյան, Անկախության օրվան նվիրված պաշտոնական միջոցառման ժամանակ հայտնվեց մեկը, ով բեմահարթակից` վարչապետ Նիկոլ Փաշինյանի լայն ժպիտի ներքո` Արցախի նախագահ Բակո Սահակյանին մարզպետ անվանեց: Ի՞նչ կասեք այս մասին:

Չգիտեմ` նման հայտարարություն անողը մարդ էր, թե մարդ չէր, բայց Արցախի նախագահին մարզպետ ասելն առաջին հերթին անհարգալից վերաբերմունք էր ամբողջ Արցախի ժողովրդի նկատմամբ: Արցախի ժողովուրդը նախագահ է ընտրել, մարզպետ չի ընտրել: Իր նման ոչխարները գուցե ընտրել են ինչ-որ Ազգային ժողով Հայաստանում, բայց Հայաստանում ժողովրդի կողմից ընտրված նախագահ ու վարչապետ չունենք, իսկ Արցախն ունի: Ասել եմ ու հիմա էլ կրկնում եմ` Հայաստանի փրկությունն Արցախից է գալու: Եվ միշտ է եղել այդպես ու այս անգամ էլ է գալու այդ փրկությունը:

«ԱՅՍՕՐՎԱ ԻՇԽԱՆՈՒԹՅՈՒՆՆԵՐԸ ՇԱԽՄԱՏ ԵՐԿԱՐ ԽԱՂԱԼՈՒՑ ՊԱՐՏՎՈՒՄ ԵՆ»

Անդրադառնանք լոսանջելեսյան հանրահավաքին, որը բավական մարդաշատ էր: Ինչպիսի՞ տպավորություններ Դուք ունեք:

Չեմ ուզում նսեմացնել մեր հայրենակիցներին, նույնիսկ ստոպ կադր էի տալիս ու տեսնում, որ Մասիսից բավականին գնացածներ կային ԱՄՆ, պարսկահայեր կային, որոնց նույնիսկ ճանաչում եմ: Մարդիկ այնտեղ ավտո լվանալով են զբաղված, եւ իրենց պետք է արդարացում, թե իրենք ինչու են իրենց հայրենիքը լքել` հայրենիքի համար շատ ծանր տարիներին: Հետեւաբար, իրենց համար գալ ու գոռալ` Նիկո՜լ, Նիկո՜լ ու ծափ տալն իրենց արդարացնելու փորձ էր: Եթե այդքան լավ հայրենասեր են, եւ իրենց սիրելի Նիկոլը եկել է իշխանության, ի՞նչն է խանգարում, որ իրենք հայրենիք չեն վերադառնում: Երբ ասում են` 32 անգամ ներգաղթը արտագաղթից շատացել է, եթե այդ «սալդոն» իրական լիներ, մենք էլ կզգայինք: Նիկոլ Փաշինյանի արտասանած բանաստեղծության մեջ, որտեղ ասում էր` «ոլոր-մոլոր, ճանապարհները կլոր-մլոր, հավաքվել ենք շուրջ բոլոր...», ամեն ինչ կար այն մասին, թե ինչպես է նա պատկերացնում Հայաստանը:

Արթուր Վանեցյանը հիմնադրամ է ստեղծել. ովքեր են հիմնադիրները. «Հրապարակ

«ՆՈՐ ՀԱՐՁԱԿՈՒՄ Է ՍԿՍՎԵԼՈՒ ՀԱՅ ԱՌԱՔԵԼԱԿԱՆ ԵԿԵՂԵՑՈՒ ԴԵՄ»

Նիկոլ Փաշինյանը լոսանջելեսյան ասուլիսի ժամանակ հայտարարեց, թե «ծնկի կբերվեն այն եկեղեցականները, ովքեր կփորձեն քանդել մեր ոտքի տակ»: Ինչի՞ մասին է սա հուշում:

Շուտով սկսվելու է նոր, մեծ հարձակում եկեղեցու նկատմամբ: Փաշինյանը շատ պարզ ասաց, որ ժողովուրդը եթե որոշի, որ այս-այս գործողությունները պետք է կատարվեն, անելու ենք: Իսկ իր համար ժողովուրդն ամբոխն է: Բնական է, որ գալու է Հայաստան, եւ բոլոր աղանդավորները, արյունապիղծերը, սեռական չգիտեմինչերը պահանջելու են, որ եկեղեցին պետք է փակել: Նույն կերպ, ինչպես Արարատ Միրզոյանը, Նիկոլ Փաշինյանը, բոլորը խոսում են, թե Սահմանադրական դատարանը հանրային վստահություն չունի: Որտե՞ղ են ստուգել, որ չունի: Այնպես որ, այդ ասուլիսից հասկացա, որ Նիկոլ Փաշինյանը պատրաստվում է Հայաստան վերադառնալուց հետո նոր հարձակում սկսել Հայ Առաքելական Սուրբ եկեղեցու վրա:

Ամուլսար. հանք թե՞ սար (Տեսանյութ)

Խոսելով Սերժ Սարգսյանի եւ Ռոբերտ Քոչարյանի մասին` Նիկոլ Փաշինյանն ասել է, որ «1998 թվից առաջ ինչ ունեցել են, հիմա էլ պետք է ունենան նույնը»: Ինչպե՞ս եք վերաբերվում նման հայտարարությանը:

Եթե 1998 թվին վերադառնանք, ապա այդ ժամանակ Նիկոլ Փաշինյանը ցնցոտիներով է եղել` ծակ կոշիկներով, ինքն է այդ մասին ասել: Հետեւաբար, եթե բոլորին վերադարձնում է 1998 թիվ, թող ինքն էլ վերադառնա եւ ցնցոտիներով նորից սկսի քայլել: Տեսնենք այս անգամ քանի հոգի հետեւից կգնա:

«Հայոց Արծիվներ. Միասնական Հայաստան» կուսակցության 500 հարյուրապետերի ժողովը

ԻՆՉ ԷԻՆ ՊԱՐՏԱԴՐՈՒՄ ՎԱՆԵՑՅԱՆԻՆ, ԵՎ ԻՆՉՈՒ «ԴԱՆԱԿԸ ՀԱՍԱՎ ՈՍԿՈՐԻՆ»

Լոս Անջելեսում լրագրողների հետ զրույցում Փաշինյանն անդրադարձել է նաեւ ԱԱԾ նախկին տնօրենին` մասնավորապես նշելով. «Պարոն Վանեցյանն իր հայտարարության մեջ խոսել էր սպայի պատվի մասին, եւ այն, որ ինքը, դե յուրե լինելով ԱԱԾ տնօրեն, հայտարարություն է անում, ըստ էության, իր գերագույն հրամանատարի դեմ, դրանից ավելի մեծ անարգանք սպայի պատվին` չկա»: Չուշացավ նաեւ Ա. Վանեցյանի պատասխանը, որը կրկին փակագծեր էր բացել, թե` «չնայած իմ հրաժարականից հետո նա դեռ շարունակում է մարդիկ ուղարկել ինձ մոտ, խնդրանքով` որոշ ժամանակ լռեմ, որպեսզի իրավիճակը հանդարտվի, բայց հիմա տեսնում եմ, որ հերթական անգամ խախտում է պայմանավորվածությունները եւ հանդես գալիս անհասկանալի, ըստ էության` ոչ մի բանի մասին պոպուլիստական հայտարարություններով»: Ի՞նչ լռության մասին է, ըստ Ձեզ, ակնարկում Վանեցյանը:

Լևոն-Տեր Պետրոսյանն ու Նիկոլ Փաշինյանը հերթական բեմադրությունն են ծրագրում

Վանեցյանի հրաժարականի նամակը շատերին է սթափեցրել: Նա այդ նամակը գրել է հրամանագրից առաջ, թե` հետո, երկրորդական է: Սպա է, կարող էր ցանկացած պահի գրել, որովհետեւ երբ տեսնում է, որ չի կարողանում մարդկանց ճիշտ ուղու բերել, այսպես ասած, ստիպված գնում է այդ քայլին: Երբեւէ ուսադիր չկրածը ուսադիր կրողի   պատիվն ու հարգանքը որտեղի՞ց պետք է իմանա: Բանակից  խույս տվածը որտեղի՞ց կարող է իմանալ, թե ինչ ասել է զինվոր, ինչ ասել է սպայի պատիվ: ժամանակին ասում էին` իբրեւ Նիկոլի երկու եղբայրը ծառայել են, դրա համար ինքն ազատվել է ծառայությունից: Սուտ են ասում, հիմա դնեմ մեկ-մեկ բացե՞մ փակագծերը: Վանեցյանը օրինակ է, որ եթե ստիպում են, հրաժարական տվեք: Սիրո եւ համերաշխության հեղափոխությանը շատերն էին հավատում, ասում էին` բարիկադները այլեւս քանդվելու են եւ այլն: Մարդիկ էլ մտան այդ լծի տակ` մտածելով, որ ինչ-որ պահի կարող են բացատրել դիմացինին: Հայտնի գաղտնալսման մեջ հստակ երեւում է, որ Արթուր Վանեցյանն ասում էր, թե Խաչատուրովի մասով մի արեք, մենք պրոբլեմ ենք ունենալու: Հիմա եթե չեն հասկանում ՀՔԾ պետը սորոսական եւ Նիկոլը` չգիտեմ ինչական, մեկ-երկու, դանակը հասավ ոսկորին, եւ մարդն ասաց` վե՛րջ, բավարար է:

Այսօր Նիկոլը շատ լավ հասկանում է, որ այլևս մարդիկ չեն ասելու՝ «լավ, արի ընտրենք». Միքայել Գրիգորյան

Ի՞նչ նկատի ունեք:

Վանեցյանին պարտադրում էին ուղիղ պահանջել Հրայր Թովմասյանի եւ Բակո Սահակյանի հրաժարականը: Այդ բոլոր գործառույթները դրված է եղել Վանեցյանի վրա, ու բոլորի մոտ իրեն են ուղարկել, թե գնա ասա Նիկոլն ուզում է հրաժարական տաս: Եկեղեցու վրա էլ են անվտանգության ծառայությանը ուղակել: Տեսեք` ինչ է ստացվում` Փաշինյանը հրապարակայնորեն ասում է, որ ոչ մի տեղ չեմ միջամտում` ո՛չ դատարաններում, ո՛չ ուրիշ տեղ: Եվ վաղը-մյուս օր, երբ ամեն ինչ բացահայտվի, ասելու է` Վանեցյանն էր իր լիազորությունները գերազացնել, Օսիպյանն էր գերազանցել եւ արել: Այդ ժամանակ ո՞վ պիտի ասի` չէ, տղա ջան, դու ես հանձնարարել, որ գնան, ահաբեկելով հրաժարականները պահանջեն: Հիմա  կալանավորում են մարդկանց, կանխիկ փող են առնում, ինչի՞ համար: Մարդը հանցագո՞րծ է, դատեք, հիմա «Մուլտի գրուպի» տնօրենից քանի միլիոն են առձեռն վերցրել, որտե՞ղ է գրանցվել այդ միլիոնները: Այ էդ տվողները, պիտի չտան, մեկ է, տան էլ, չտան էլ դատվելու են, ավելի լավ է չտան:

Չորս հարց՝ Արթուր Վանեցյանին. Արմեն Աշոտյան

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА