o C     16. 10. 2019   : :

ԿԱՐՃ ԼՈՒՐԵՐ

Քոչարյանի փաստաբանը ակնարկեց, որ դատավոր Աննա Դանիբեկյանին այցելություններ են եղել որոշումը կայացնելուց առաջ

17.09.2019 15:31 ՕՐՎԱ ՊԱՏԿԵՐ ԻՐԱՎՈՒՆՔ
Քոչարյանի փաստաբանը ակնարկեց, որ դատավոր Աննա Դանիբեկյանին այցելություններ են եղել որոշումը կայացնելուց առաջ

Այսօր Երևանի ընդհանուր իրավասության դատարանում մարտի 1-ի գործով ամբաստանյալ Ռոբերտ Քոչարյանի փաստաբան Արամ Օրբելյանը դատավոր Աննա Դանիբեկյանին ուղղված ակնարկներ արեց՝ հայտարարելով, որ խափանման միջոցը վերացնելու հարցով որոշումը կայացնելուց առաջ նրան այցելություններ են կատարվել, սակայն փաստաբանը մանրամասներ չփոխանցեց։

«Ամեն անգամ, երբ պարոն Քոչարյանի կալանքի փոփոխության հարց պետք է քննվի, ակտիվանում են ճնշումները, հենց այդ հարցը դուրս է գալիս, ճնշումները պասիվանում են։ Վերջին ակտիվությունը տեղի է ունեցել երեկ՝ Ձեր կողմից որոշում կայացնելու նախօրեին։ Չեմ ուզում անդրադառնալ օդում կախված լուրերին՝ Ձեզ կատարած այցելությունների հետ կապված տարբեր մարդկանց կողմից։ Չեմ ուզում անդրադառնալ։ Ընդամենը ասում եմ, որ օդում կախված լուրեր կան, որ այսօրվա կառավարության անդամներից Ձեզ այցելություններ են կատարել...», -  դիմելով նիստը նախագահող դատավոր Աննա Դանիբեկյանին՝ հայտարարեց Քոչարյանի փաստաբան Արամ Օրբելյանը։

Փաստաբանին ընդհատեց մեղադրանքը դատարանում պաշտպանող դատախազ Գևորգ Բաղդասարյանը և առարկություն ներկայացրեց փաստաբանի հայտարարությանը։

«Առարկությունը ընդունում եմ և հանում եմ հայտարարության այդ հատվածը», - արձագանքեց Օրբելյանը։

Ռոբերտ Քոչարյանին ձերբակալել են, որ ոչնչացնեն բոլորին. Վիտալի Բալասանյան

Դատախազ Բաղդասարյանը նյարդայնացավ. «Ուրեմն ցանկացած բան չի կարելի հայտարարել»։

Դատավոր Աննա Դանիբեկյանը հանեց դատախազի առարկությունը և թույլ տվեց, որ Օրբելյանը շարունակի ելույթը։

Օրբալյանն իր հերթին նշեց, որ պաշտպանում է գործընկերների միջնորդությունը խափանման միջոց կալանքը փոխել ու կիրառել գրավը որպես խափանման միջոց։

 

 

КОМСОМОЛЬСКАЯ ПРАВДА