o C     15. 10. 2019   : :

ԿԱՐՃ ԼՈՒՐԵՐ

«Հանրությանը կոչ ենք անում համախմբվել իրական ազգային օրակարգերի շուրջ». ՀՅԴ ԳՄ

17.09.2019 00:52 ՕՐՎԱ ՊԱՏԿԵՐ ՔԱՂԱՔԱԿԱՆ ԹԵՄԱ
«Հանրությանը կոչ ենք անում համախմբվել իրական ազգային օրակարգերի շուրջ». ՀՅԴ ԳՄ

ՀՅԴ Գերագույն մարմինը հայտարարությամբ է հանդես եկել, որում մասնավորապես ասված է. «Վերջին ամիսներին, անդրադառնալով դատաիրավական համակարգի շուրջ ծավալվող իրադարձություններին, մեր մտահոգությունն էինք հայտնել քաղաքական իշխանության կողմից դատարանների եւ դատավորների նկատմամբ ճնշումներ գործադրելու անթույլատրելիության վերաբերյալ:

Վենետիկի հանձնաժողովի պաշտոնական կարծիքը և մանիպուլիացիաների հօդս ցնդելը. Արփինե Հովհաննիսյան

Ազգային Ժողովի նախագահի արտահերթ ելույթ-կոչը եւ ԱԺ «Իմ Քայլը» խմբակցության ղեկավարի հայտարարությունը ոչ միայն եկան հաստատելու մեր մտահոգությունը, այլեւ ամրագրելու այն իրողությունը, որ իշխող քաղաքական ուժը որդեգրել է ամբողջական մենիշխանություն հաստատելու եւ սահմանադրական կարգի տապալման ուղին:

Հանրային պահանջի անվան տակ, իսկ իրականում առաջնորդվելով սեփական շահերով՝ պետության ինստիտուցիոնալ հենքը կազմաքանդող, երկրում անհանդուրժողականությունն ու ցնցումները խորացնող այս վարքագիծը ոչ մի աղերս չունի ժողովրդավարության հետ:

Դատական համակարգի յուրացման նպատակադրումը անհամատեղելի է երկրին այդքան անհրաժեշտ դատաիրավական համակարգի բարեփոխումների հետ:

Դաշնակցությունը, լինելով հայ ժողովրդի ներկայի եւ ապագայի համար պատասխանատու քաղաքական ուժ՝ Հայոց պետականությանը սպառնացող ներկա ընթացքը գնահատում է խիստ վտանգավոր:

- Իշխանության օրենսդիր եւ գործադիր ճյուղերին կոչ ենք անում՝ դադարեցնել հակասահմանադրական ընթացքը եւ զերծ մնալ հակապետական գործողություններից:

- Կոչ ենք անում դատավորներին՝ հավատարիմ մնալ սահմանադրությամբ իրենց վերապահված արդարադատություն իրականացնելու առաքելությանը։

- Երկրի ապագայի համար հանձնառու քաղաքական ուժերին եւ հանրությանը կոչ ենք անում համախմբվել իրական ազգային օրակարգերի շուրջ։

Համարժեք քայլերով եւ գործողություններով հակազդելու ենք իշխանությունների բոլոր այն ծրագրերին, որոնք խաթարելու են երկրում Սահմանադրական նորմերի ամբողջականությունը եւ ներհասարակական կայունությունն ու զարգացումը»։

 

КОМСОМОЛЬСКАЯ ПРАВДА