o C     16. 09. 2019   : :

ԿԱՐՃ ԼՈՒՐԵՐ

ԼՀԿ-ն վարանում է դրական արտահայտվել` Ստամբուլյան կոնվենցիայի հետ կապված

10.07.2019 20:40 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
ԼՀԿ-ն վարանում է դրական արտահայտվել` Ստամբուլյան կոնվենցիայի հետ կապված

Ստամբուլյան տխրահռչակ կոնվենցիայի վավերացումը շարունակում է դամոկլյան սրի պես կախված մնալ հայ ժողովրդի գլխին: Այն հակադարձումները, թե կոնվենցիան չի անդրադառնում միասեռ ամուսնությունների ընդունմանը, հերքում է հենց կոնվենցիայի բովանդակությունը, որտեղ ասված է. «Մասնակից պետությունների կողմից սույն կոնվեցիայի դրույթների կատարումը, մասնավորապես` զոհերի իրավունքերի պաշտպանությանն ուղղված միջոցները պետք է ապահովեն առանց  խտրականության, այն է` անկախ սեռից, մաշկի գույնից, սեռական կողմնորոշումից եւ գենդերային ինքնությունից»: «Լույս» տեղեկատվական-վերլուծական կենտրոնի ղեկավար Հայկ Այվազյանը զգուշացնում է, որ եթե Հայաստանի Սահմանադրության եւ միջազգային վավերացված պայմանագրերում կան հակասություններ, ապա կիրառվում են միջազգային պայմանագրերի նորմերը. «Վավերացումից հետո ներքին օրենսդրությունը պետք է համապատասխանեցվի կոնվենցիայի պահանջներին, այսինքն` խտրականության արգելք սեռական կողմնորոշման եւ գենդերային ինքնության հիմքով, 3-րդ սեռ ազատ ընտրելու իրավունք»: Կոնվենցիան վավերացնելու հարցում իշխանության ներկայացուցիչները, մասնավորապես` կառավարության որոշ անդամներ ակտիվորեն քարոզ են իրականացնում, ԲՀԿ-ականները` առնվազն իրենց հարցազրույցներում կտրականապես դեմ են արտահայտվում, իսկ թե ինչ է այս ամենի մասին մտածում խորհրդարանական երրորդ ուժը` «Լուսավոր Հայաստանը», «Իրավունքը» հետաքրքրվեց ԱԺ ԼՀԿ խմբակցության պատգամավոր ՏԱՐՈՆ ՍԻՄՈՆՅԱՆԻՑ:

​​​​​​​«Հիմա Հրայր Թովմասյանը Սահմանադրական դատարանի դատավո՞ր է, թե՞ անդամ». Արա Զոհրաբյան

«ՍՏԱՄԲՈՒԼՅԱՆ ԿՈՆՎԵՆՑԻԱՅԻ ՀԵՏ ԿԱՊՎԱԾ ԿԱՆ ԽՆԴԻՐՆԵՐ»

– Ինչպե՞ս եք Դուք վերաբերվում Ստամբուլյան կոնվենցիայի վավերացմանը, խմբակցությունում քննարկե՞լ եք հարցը, կա՞ որեւէ դիրքորոշում:

Ճիշտն ասած, չի եկել Ազգային ժողով, որ նայենք, ուսումնասիրենք:

ՀՀ արդարադատության նախարարն ասել է, որ հուլիսի կեսին այն կբերվի կառավարություն:

Տեսեք, թե քանի նախագիծ կա դրված սեղանիս, մինչեւ այս առկա օրենքները չկարդանք, եզրակացություն չձեւավորենք, ինչո՞ւ ուսումնասիրենք այնպիսի փաստաթուղթ, որը դեռ մեզ չի էլ հասել: Հերթով պետք է շարժվենք:

Ռոբերտ Քոչարյանի գործով Սահմանադրական դատարանի որոշումը ապօրինի է. կարծում է Փաշինյանը

Բայց Դուք, լինելով իրավաբան, վստահ եմ, որ քաջատեղյակ եք Ստամբուլյան կոնվենցիայից...

Գիտեմ, որ այնտեղ խնդիրներ կան, որոնք պետք է հասկանանք, թե ինչպես ենք մեկնաբանում: Եթե այսօրվա իրավաբանական պրակտիկայի նման` ով ինչպես ուզի` մեկնաբանի, արդյունքում եսիմ ինչ առաջանա: Այստեղ խնդիր կա, եւ պետք է ամեն ինչ հստակ լինի: Ուղղակի, հանկարծ այնպիսի դրույթներ չլինեն, որ դրանք անընդհատ տարընթերցումների տեղիք տան:

Արսեն Թորոսյանը Մանվել Գրիգորյանի գործով մատնված է հանցավոր անտարբերության. Մանվել Գրիգորյանի փաստաբան

Այս կոնվենցիայի հետ կապված` երկու հիմնական խնդիր է շրջանառվում. սահմանադրագետները պնդում են, որ այն վավերացնելը հակասահմանադրական է, մի շարք կազմակերպություններ, քաղաքական գործիչներ էլ նշում են, որ սա ուղիղ ոտնձգություն է մեր ազգային, ավանդական արժեքներին: Դուք նման ականներ կոնվենցիայի տակ տեսնո՞ւմ եք:

Բոլոր տեղերում այդպիսի վտանգներ կան: Ուղղակի, հակասահմանադրականության հետ կապված, եթե չեմ սխալվում, Սահմանադրական դատարանը դրական եզրակացություն տվել էր: Չգիտեմ` միգուցե, սխալվում եմ: Եթե Սահմանադրական դատարանը որոշել է կամ ապագայում որոշելու է այդ հարցը, ինչպես որոշի, այնպես էլ կհամարվի ճիշտ, այսինքն` սահմանադրական կամ ոչ սահմանադրական: Այլ բան է, որ ազգային արժեքների հետ կապված կարող են խնդիրներ լինել, եւ այստեղ պետք է հասկանանք` ինչ ենք հասկանում ազգային, ավանդական արժեք ասելով, եւ ինչպես է այն դրա վրա ազդում: Մենք, իհարկե, լիբերալ, ազատական քաղաքական ուժ ենք, բայց մեր լիբերալիզմը հիմնված է ազգային գաղափարախոսության, ազգային արժեքների վրա: Այսինքն` ծայրահեղ լիբերալություն, որպես այդպիսին, ինքներս էլ չենք ընդունում: Եթե այդ կոնվենցիան, առկա դրույթները մեկնաբանվեն այնպես, որ դրանք, օրինակ, մեր ընտանեկան արժեհամակարգին, մեր սոցիումում ընդունված բարոյական նորմերին դեմ դուրս գան, իհարկե, մենք բացասական կարձագանքենք այդ ամենին:

«Մարսկոյ ուզել»-ում առաջին տեղը գրավեց Հայաստանը ներկայացնող Ալեքսանդր Սարգսյանը

Անգամ որոշ եվրոպական երկրներ չեն վավերացրել Ստամբուլյան կոնվենցիան, իսկ Բուլղարիայի Սահմանադրական դատարանն այն հակասահմանադրական է համարել: Ըստ Ձեզ` ինչո՞վ է պայմանավորված այն Հայաստանում վավերացնելու շտապողականությունը:

Ախր, դուք հարցեր եք տալիս, որոնց պատասխանները ես չունեմ, որովհետեւ վավերացման նախագիծ չի բերվել խորհրդարան, որպեսզի հասկանանք` ինչու է շտապողականություն դրսեւորվում: Եթե չի եկել մեզ մոտ, էլ ի՞նչ է շտապողականություն: Եթե չեմ սխալվում, մեկուկես տարի է անցել մեր երկրում այս կոնվենցիայի ստորագրումից: Հետեւաբար շտապողականության հարց այստեղ պետք է չլինի:

​​​​​​​«Կյանք ու կռիվ» «Մարսկոյ ուզելում». Ալեքսանդր Սարգսյանը հաղթահարեց նախընտրական փուլը (Տեսանյութ)

Ստացվում է, որ նախորդ իշխանություններին հաջողվել է քնեցնել վավերացման հարցը, իսկ նոր իշխանությունը արագացնում է գործընթացը: Խնդիրը սա է:

Դե թող գա, տեսնենք` արագացնում է, թե` ոչ: Այս պահին ավելի շատ աղմուկ կա, քան իրական գործընթաց, այդ թվում` նաեւ ԶԼՄ-ներում: Համենայնդեպս, մեզ այն չի հասել, որ շոշափենք այդ փաստաթուղթը, դրա համար էլ դրա շտապողականությունը դեռ չեմ տեսնում: Հետո, եթե կբերենօրինակ, արտահերթով փորձեն անցկացնել, նոր կհարցնենք` ինչո՞ւ եք շտապում:

Հայտնիներից ովքեր են միացել «Ո՛չ Ստամբուլյան կոնվենցիային» ստորագրահավաքին (Մաս 14-րդ)

«ՇՏԱՊՈՂԱԿԱՆՈՒԹՅՈՒՆԸ ՎԱՀԵ ԳՐԻԳՈՐՅԱՆԻՆ ՕԳՈՒՏ ՉԻ ԲԵՐՈՒՄ»

– Անդրադառնանք նաեւ ՍԴ դատավոր Վահե Գրիգորյանի հայտարարությունների շուրջ ստեղծված աղմուկին: Ի վերջո, այսօր կա՞ սահմանադրական ճգնաժամ, թե` ոչ:

Ճգնաժամ կոչվածը օբյեկտիվ երեւույթ է: Ճգնաժամ կլիներ, եթե Սահմանադրական դատարանը չաշխատեր, եթե կառավարությունը, Ազգային ժողովը, ՀՀ նախագահը Սահմանադրական դատարանի հետ համագործակցության խնդիր ունենար: Փոխհարաբերությունները կայուն գնացել են իր էվոլյուցիոն ճանապարհով: Այստեղ ճգնաժամ չկա: Իսկ սուբյեկտիվ ճգնաժամեր չեն լինում: Այլ բան է, որ կա մեկնաբանություն, ինչը նորմալ է: Մարդն իր դիտարկումներն արել է, հիմա իրավաբանները, գիտնականներն էլ անընդհատ տարբեր այլ մեկնաբանություններ են տալիս: Ի՞նչ է, ասենք սահմանադրական ճգնաժամ կա՞:

Ալեքսանդր Սարգսյանը՝ «Մարսկոյ ուզել»-ում. ինչ շանսեր ունի Հայաստանը

Ամեն դեպքում, Ձեզ համար ընդունելի՞ էր Վահե Գրիգորյանի կողմից ՍԴ նախագահ ինքնահռչակվելը:

Իհարկե ընդունելի չէր, եւ գտնում եմ, որ պարոն Գրիգորյանը շտապեց իր մեկնաբանությունն անելիս: Լավ կլիներ, որ եթե այդպիսի մեկնաբանություն ուներ, նախապես աներ, կամ հետագայում իրավաբանների, գիտնականների, փաստաբանների հետ քննարկում աներ, ինչ-որ մի ընդհանուր եզրակացության ձեւավորեր, նոր ինքնահռչակվեր: Կարծում եմ` այդպիսի շտապողականությունը որեւէ մեկին, այդ թվում` պարոն Գրիգորյանին օգուտ չի բերում: Հակառակը` մենք պետականության հետ կապված անընդհատ խնդիրներ բարձրացնելով եւ չլուծելով այդ խնդրները, նմանվում ենք այն հերոսներին, ովքեր իրենք իրենց համար խնդիր են առաջացնում եւ հետո փորձում քաջաբար հաղթահարել դրանք:

«Պարոն Քլոյանն ասաց, որ գոնե ձեւական մեկին պետք է պատժել, եւ այդ մեկը ես եմ». Ռ. Քոչարյան

Ի ԴԵՊ

«Իրավունքին» հաջողվեց պարզել, որ ԼՀԿ-ական պատգամավորն, իսկապես, սխալվում էր այն հարցում, թե Սահմանադրական դատարանը դրական եզրակացություն է տվել Ստամբուլյան կոնվենցիայի հետ կապված, երբ Հայաստանը ստորագրել է այդ փաստաթուղթը, քանի որ ոչ մի պարագայում ՍԴ-ն իրավասու չէ որեւէ միջազգային պայմանագիր ստորագրելու կտրվածքով նախնական եզրակացություն տալ: Այն կլիներ Սահմանադրության կոպիտ խախտում, աներեւակայելի մի իրավիճակ` անգամ մեր օրերի տեսանկյունից:

«Պահանջում ենք՝ բացահայտել սադրանքներ կազմակերպող կենտրոնները». Վահագն Չախալյան (Տեսանյութ)

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА