o C     18. 11. 2019   : :

ԿԱՐՃ ԼՈՒՐԵՐ

Սահմանադրական կարգը խաթարելուն ուղղված ոտնձգությունները կստանան պատասխան. Արցախի ԱԱԾ

09.07.2019 12:49 ՕՐՎԱ ՊԱՏԿԵՐ ՔԱՂԱՔԱԿԱՆ
Սահմանադրական կարգը խաթարելուն ուղղված ոտնձգությունները կստանան պատասխան. Արցախի ԱԱԾ

Հաշվի առնելով, որ Արցախի Հանրապետությունում 2020թ. սպասվում են կարևորագույն քաղաքական և հասարակական իրադարձություններ՝ ԱՀ նախագահական և խորհրդարանական ընտրությունները, Ազգային անվտանգության ծառայությունը անհրաժեշտ է համարում հորդորել քաղաքական ուժերին և քաղաքական գործընթացներում ներգրավված առանձին անձանց՝ իրենց գործունեությունը կազմակերպել բացառապես ԱՀ Սահմանադրության և օրենքների պահանջներին համապատասխան․ այս մասին ասված է Արցախի ԱԱԾ-ի մամուլի ծառայության տարածած հայտարարության մեջ:

Նոր տեխնոլոգիական կառուցակարգը և գունավոր հեղափոխությունները

«Արցախի Հանրապետության տեղեկատվական որոշ տիրույթներում արդեն իսկ այսօր տեղ գտած մի շարք բացասական երևույթներ, ինչպիսիք են բռնության, սպառնալիքների կոչերը, վարկաբեկիչ նյութերի տարածումը, քաղաքական տարբեր հայացքներ ունեցող բնակչության որոշ խմբերի միջև ատելության, թշնամանքի և անհանդուրժողականության մթնոլորտ են ձևավորում, ինչն իր հերթին կարող է սպառնալիք դառնալ Արցախի Հանրապետության անվտանգությանը:

ԱՀ Ազգային անվտանգության ծառայությունը իրազեկում է, որ սահմանադրական կարգը խաթարելուն ուղղված բոլոր ոտնձգությունները կարժանանան համարժեք իրավական գնահատականի և դրանք կանխարգելելու համար կձեռնարկվեն բոլոր համապատասխան միջոցառումները», - ասված է հայտարարության մեջ:

 

 

КОМСОМОЛЬСКАЯ ПРАВДА