ՕՐԵՆՔՈՎ ԳՈՂԻ ՍՊԱՆՈՒԹՅՈՒՆԸ ԴՐՍԻ±Ց ԵՆ ՊԱՏՎԻՐԵԼ

Հուլիսի 2-ի գիշերը 46-ամյա օրենքով գող Անդրանիկ Հարությունյանի (ով հանցավոր աշխարհում հայտնի է առավել շատ Անդո Խրամոյ կամ Մասիվցի Անդի մականունով) աղմկահարույց սպանության հետ կապված քրեական աշխարհին մոտ կանգնած մեր աղբյուրները ամենատարբեր վարկածներն են քննարկում: Բայց մի բանում գրեթե համոզված են. «Դժվար թե Հայաստանում լիներ մեկը, որ փորձեր Անդիի զակազը տալ. դա ամենաքիչ հավանական վարկածն է: Անդին, առհասարակ, գողական աշխարհում մեծ հարգանք վայելող, իսկական մեծատառով գող էր, ում համար ճշտից էն կողմ բան չկար: Ուզում ա հարազատը լինի, ուզում ա՝ օտար, ինքը ճշտի կողմն էր միշտ, ոնց որ հարիր է իսկական օրենքով գողին»:

«Օրենքով գող» Պզոն ու իր թիկնապահը հայհոյում են ոստիկաններին, վերջիններս շիվարած լսում են.(տեսանյութ)

Թե ինչ հնարավոր վարկածներ են շրջանառվում, մեր զրուցակիցը կրկին դժվարացավ պատասխանել՝ նկատելով սակայն. «Ասում են, գրում են, իբր կենցաղային հարցով ա եղել էս ամեն ինչը, բայց էլի եմ ասում, դժվար թե Հայաստանում Անդիի նկատմամբ տենց դուխով մեկը լիներ: Չգիտեմ, մենք ավելի շատ հակված ենք մտածելու, որ զակազը դրսից ա եղել: Ինքն իր հիմնական գործունեությունը Ռուսաստանում է ծավալում»:

Ռուսաստանում 16-ամյա պատանին սպանել է ընտանիքի հինգ անդամներին և ինքնասպանությունից առաջ գրություն թողել

Նկատենք, որ սպանված օրենքով գողը ԱԺ նախկին պատգամավոր Հակոբ Հակոբյանի՝ Լեդի Հակոբի բաջանաղն էր: Ի դեպ, կան խոսակցություններ, որ հանցաշխարհում հարցեր ունեն պարզելու նաեւ դեպքի պահին Անդիի հետ գտնվող անձանց հետ: Բանն այն է, որ ինչպես ցույց տվեց սպանության տեսագրությունը, մի պահ դիմադրել փորձող Անդիին գրեթե հաջողվում է բռնել հարձոկվողի ձեռքը, սակայն նրա հետ եղածները չեն օգնում, քանի որ հասցրել էին ժամանակին «թռնել»: Մինչդեռ եթե օգնության հասնեին, ապա միջադեպը մեծ հավանականությամբ կարող էր սպանությամբ չավարտվել:

Ինչու է բերման է ենթարկվել «օրենքով գող» Օշականցի Գևորիկի՝ «Թուրք» մականվամբ եղբայրը

ԻԼՈՆԱ ԱԶԱՐՅԱՆ