o C     18. 07. 2019   : :

ԿԱՐՃ ԼՈՒՐԵՐ

«Ոչ մի գործարար չի գնա մի երկիր, որտեղ խոչընդոտում են դատարանների աշխատանքը»

26.06.2019 20:50 ՕՐՎԱ ՊԱՏԿԵՐ ՔԱՂԱՔԱԿԱՆ ՄԻՋԱԶԳԱՅԻՆ
«Ոչ մի գործարար չի գնա մի երկիր, որտեղ խոչընդոտում են դատարանների աշխատանքը»

Գերմանիայի կանցլեր Անգելա Մերկելի ղեկավարած Քրիստոնյա-դեմոկրատական կուսակցության` Բունդեսթագում ներկայացված խմբակցության արտաքին քաղաքականության եւ անվտանգության հարցերի փորձագետ ՔՐԻՍՏԻԱՆ ՖՈՐՆԵՔՆ աշխատանքային այցով գտնվում էր Երեւանում: Նա հանդիպումներ է ունեցել ինչպես Ազգային ժողովի արտաքին հարաբերությունների մշտական հանձնաժողովում, այնպես էլ ԱԺ նախորդ գումարման արտաքին հարաբերությունների մշտական հանձնաժողովի նախագահ, ՀՀԿ փոխնախագահ Արմեն Աշոտյանի հետ: Նրա հետ առիթ ունեցանք զրուցելու նաեւ մենք եւ Հայաստանում տեղի ունեցող իրադարձությունների վերաբերյալ պարզելու գերմանական տպավորությունները:

«Ժողովուրդ». «Դա դատարան չէ». Ով կդառնա Երեւանի ընդհանուր իրավասության դատարանի նախագահ

ԻՆՉՈՒ ԵՆ ԳԵՐՄԱՆԻԱՅԻՑ ԱՐՏԱՔՍՈՒՄ ՀԱՅԵՐԻՆ

– Պարոն Ֆորնեք, ինչպե՞ս կգնահատեք հայաստանյան իրավիճակը` կապված մարդու իրավունքների հետ` իշխանափոխությունից առաջ եւ հետո:

Եթե խոսեմ պաշտոնական Բեռլինի տեսակետից, ապա կարող եմ ասել, որ Հայաստանում թե՛ հեղափոխությունից առաջ եւ թե՛ հետո մարդու իրավունքերի հետ կապված իրավիճակը բավականին նորմալ է եղել: Բոլոր դեպքերում մեզ հայտնի չեն եղել մարդու իրավունքների կոպտագույն խախտումներ: Անշուշտ, անցումային շրջանի բոլոր երկրներում` մարդու իրավունքների հետ կապված, կան խնդիրներ: Բայց այստեղ առաջին հերթին պետք է Բելառուսն առանձնացնել, առավել եւս, որ Բելառուսում դեռեւս պահպանվում է մահապատիժը, եւ մեր խնդիրն է, իհարկե, աշխատել այդ ուղղությամբ: Իսկ Հայաստանի պարագայում, կարող եմ ասել, որ այն այնքան փոքր երկիր է, որ մարդու իրավունքների հետ կապված խնդիրները հաճախ չեն էլ հասնում մեզ:

Պայքարել՝ մինչեւ Ստամբուլյան կոնվենցիայի վավերացման վերջնական բացառումը. «Կամքն» ընդունեց որոշում

Իշխանափոխությունից հետո մենք տեսնում ենք, որ Գերմանիայում բնակվող ՀՀ քաղաքացիների զանգվածային արտաքսման դեպքեր կան: Սա բացատրվում է այն հանգամանքով, որ իշխանափոխությունից հետո Հայաստանն ավելի անվտանգ է դարձել: Սակայն ասում են նաեւ, որ արտաքսելուց առաջ հաշվի չի առնվում` այդ քաղաքացին, օրինակ, բուժման նպատակո՞վ է գտնվում Գերմանիայում, թե` ոչ: Ավելին` Հայաստան վերադարձածներից մի քանիսը հայտարարել են, որ իրենց բուժումը կիսատ է մնացել: Ի՞նչ կասեք այս մասին:

Սահմանադրական դատարանի հետ քարեդարյա կեղտոտ խաղեր խաղալը ծանրագույն հետևանքներով է հղի

Փախստականների հետվերադարձն այդքան էլ մեծ թիվ չէ: 2015-2016 թթ.-ին Գերմանիան ընդունել է մեկ միլիոն 200 հազար փախստականի, սակայն, կներեք, բայց մեր օրենսդրության համապատասխան, ցանկացած փախստական կամ ցանկացած ապաստանյալ պետք է անցնի որոշակի ընթացակարգով: Եթե դատական գործընթացով չեն գտնվում բավական հիմքեր, որ տվյալ ապաստանյալին թողնեն Գերմանիայում, ապա, բնականաբար, որոշում է կայացվում նրան հետ ուղարկել:

«Ժողովուրդ». Ով է կաշառքի գործով ձերբակալված Վճռաբեկ դատարանի պաշտոնյան. Մանրամասներ են հայտնի

«ՀԱՅԿԱԿԱՆ ՄԱՖԻԱՆ ՏԱՐԱԾՎԱԾՈՒԹՅՈՒՆ ՉՈՒՆԻ»

– Նախորդ տարի գերմանական հեղինակավոր «Շպիգել» պարբերականը եւ Mitteldeutscher Rundfunk հանրային հեռուստառադիոընկերությունը համատեղ հետաքննություն հրապարակեցին Գերմանիայում առկա հայկական մաֆիայի վերաբերյալ: Ասում էին, որ Գերմանիայի Դաշնային ոստիկանությունը շուրջ երեք տարի հետաքննություն է վարել հայկական մաֆիայի անդամներին ձերբակալելու ուղղությամբ: Արդյո՞ք հայկական այս խմբավորումներն անհանգստացնում են պաշտոնական Բեռլինին եւ ինչ-որ կերպ կարո՞ղ են ազդել հայ-գերմանական հարաբերությունների վրա:

«Դեռ ամիսուկես առաջ ասել էի, որ ստանալու ենք Վենետիկի հանձնաժողովի շատ կոշտ եզրակացությունը»

Գերմանիայում վերջին շրջանում մաֆիայի հետ կապված ավելի շատ խնդիրներով աչքի են ընկնում վրացական ավազակային բանդաները: Խնդիրներ կան նաեւ ալբանական թմրանյութեր վաճառող բանդաների հետ: Ինչ վերաբերում է հայկական մաֆիային, Գերմանական դաշնային ոստիկանական վիճակագրությունում չկան այդպիսի ցցուն դեպքեր, ինչը նշանակում է, որ հայերը մեզ մոտ շատ հանգիստ են: Հայկական մաֆիան տարածվածություն չունի:

Գերմանական մամուլը գրել էր նաեւ Գերմանիայում ՀՀ դեսպան Աշոտ Սմբատյանի ներգրավվածության մասին...

Հարցվածների 71.93 %-ի կարծիքով` Քոչարյանի դեմ քաղաքական հետապնդում է իրականացվում

Ես դեսպանին շատ լավ ճանաչում եմ, հաճախ ենք հանդիպում: Բայց այս ամենը կրկնում եմ` լայն արձագանք չի գտել, ինչպիսին վրացական հանցագործ խմբերն են: Այնպես որ, կարծում եմ` մամուլի այդ հրապարակման հետեւում ինչ-որ խմբերի լոբբիստական շահն է թաքնված:

«ՍՈՎՈՐԱԲԱՐ ԴԱՏԱՐԱՆՆԵՐԸ ՉԵՆ ԱՐԳԵԼԱՓԱԿՎՈՒՄ»

– Իսկ ինչպե՞ս եք վերաբերվում նրան, որ ՀՀ վարչապետի կոչով Հայաստանում դատարանների մուտքերն ու ելքերը փակվեցին:

ԻՄՔԱՅԼԱԿԱՆՆԵՐԸ ՎԵՆԵՏԻԿԻ ՀԱՆՁՆԱԺՈՂՈՎԻՆ ՍԱԲՈՏԱԺ ԵՆ ՈՒԶՈՒՄ ԱՆԵԼ

Սովորաբար դատարանները չեն արգելափակվում: Գերմանիայից կամ Եվրամիությունից Հայաստանում ներդրումների ակնկալիք կարող են ունենալ միայն այն դեպքում, երբ եվրոպական ներդրողները վստահ լինեն, որ Հայաստանում դատարաններն անկախ են, գործում են ինքնուրույն եւ կամայականությունների ենթարկված չեն: Ոչ մի գործարար չի գնա մի երկիր` լսելով, որ այնտեղ խոչընդոտում են դատարանների աշխատանքը: Գործարարը միլիոններ է կորցնում, երբ դատական նիստը հետաձգվում է: Ներդրողները պետք է վստահություն ունենան դատական համակարգի նկատմամբ, եթե ներդրում են անելու տվյալ երկրում:

Վենետիկի հանձնաժողովում ողջամիտ չի համարվել Սահմանադրական դատարանի «դատավոր»-«անդամ» բառախաղը

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА